2024ko Italiako Giroaren ibilbidea aurkeztu dute
Italiako Giroak ostiral honetan (urriak 13) aurkeztu du 107. edizioaren ibilbidea. Lasterketa 2024ko maiatzaren 4an hasiko da, Turinen, eta hilaren 26an bukatuko da, Erroman. Aurkezpen ekitaldia Trentoko Probintzia Autonomoko Jauregian egin da.
Estreinako etapa Turingo Venaria Realetik irten eta Turingo erdigunean amaituko da, 136 kilometroko ibilbidea egin ostean. Txirrindulariek 4. mailako mendate bat, 3. mailako bat eta 2. mailako beste bat gainditu beharko dituzte. Bestalde, azken etapa Erroman hasi eta amaituko da, eta 126 kilometroko ibilbide laua izango du.
Guztira, zazpi izango dira goian amaituko diren etapak, eta goian bukatzen ez den beste mendiko jardunaldi bat ere gehituko zaie aipatutako beste horiei.
Bigarren etapa Oropako santutegian (1. mailakoa) amaituko da. Ondoren, zortzigarren egunera arte ez dira agertuko mendate handiak. Zortzigarren etapako helmuga, ordea, Prati di Tivon (1. mailakoa) egongo da kokatuta. Gainera, 10. etapa lehen mailako Cusano Mutri igota bukatuko da.
Hirugarren astean, 15. etapa (Manebra del Garda - Livigno, 220 km) gogorra korritu beharko dute txirrindulariek, jardunaldian 3. mailako bi mendate, 2. mailako bat eta 1. mailako beste bi gainditu beharko baitituzte. Gainera, azken igoera biak bata bestearen atzean egin beharko dituzte ziklistek: Forcola di Livigno (helmugatik 20 kilometrora) eta Livigno (Mottolino). Hurrengo egunean, 16. etaparen txanda izango da: hasierako kilometroetan, Stelvioko igarobidea (maila berezikoa) gainditu beharko du tropelak; ondoren, helmugarako 12 kilometro falta direnean amaituko dute Pinei (1.mailakoa) igotzen, eta 2. mailako Santa Cristina Valgardena (Pana mendia) gainean bukatuko da. Horrez gain, maiatzaren 22an, 17. etapan, txirrindulariek 2. mailako bi mendate, 3. mailako bat eta 1. mailako beste bi igo beharko dituzte. Helmuga Brocon gainean (1. mailakoa) egongo da.
Azken-hirugarren eta azken-aurreko etapak ere menditsuak izango dira. Hala, 19. etapa Sappadan amaituko da. Sappada gaina (2. mailakoa) igo ostean, 6,2 kilometro faltako dituzte amaierara heltzeko, ia guztiak maldan behera, baina azken metroetan aldats gogorra izango dute. Azkenik, 20. etapa ez da goian bukatuko, baina txirrindulariek birritan gainditu beharko dute Grappa mendia (1. mailakoa): helmugarako 76 kilometro falta direnean igoko dute lehengo aldiz, eta bigarrenez igo ostean 30,5 kilometro faltako zaizkie helmugarako.
2024ko Giroak bi erlojupeko izango ditu: 7. etapakoa (Foligno-Perugia, 37,2 km) eta 14.ekoa (Castglione delle Stiviere-Desenzano del Garda, 31 km).
2024ko Italiako Giroko etapa guztiak:
1. etapa (larunbata, maiatzak 4): Venaria Reale - Turin (136 km)
2. etapa (igandea, maiatzak 5): San Francesco al Campo - Oropako santutegia (Biella) (150 km)
3. etapa (astelehena, maiatzak 6): Novara - Fossano (165 km)
4. etapa (asteartea, maiatzak 7): Acqui Terme - Andora (187 km)
5. etapa (asteazkena, maiatzak 8): Genova - Lucca (176 km)
6. etapa (osteguna, maiatzak 9): Viareggio - Rapolano Terme (177 km)
7. etapa (ostirala, maiatzak 10): Foligno - Perugia (erlojupekoa, 37,2 km)
8. etapa (larunbata, maiatzak 11): Spoleto - Prati di Tivo (153 km)
9. etapa (igandea, maiatzak 12): Avezzano - Napoles (206 km)
ATSEDEN EGUNA (astelehena, maiatzak 13)
10. etapa (asteartea, maiatzak 14): Pompei - Cusano Mutri (Bocca della Selva) (141 km)
11. etapa (asteazkena, maiatzak 15): Foiano di Val Fortore - Francavilla al Mare (203 km)
12. etapa (osteguna, maiatzak 16): Martinsicuro - Fano (183 km)
13. etapa (ostirala, maiatzak 17): Riccione - Cento (179 km)
14. etapa (larunbata, maiatzak 18): Castiglione delle Stiviere - Desenzano (contrarreloj, 31 km)
15. etapa (igandea, maiatzak 19): Manerba del Garda - Livigno (Mottolino) (220 km)
ATSEDEN EGUNA (astelehena, maiatzak 20)
16. etapa (asteartea, maiatzak 21): Livigno - Santa Cristina Gherdëina (Pana mendia) (202 km)
17. etapa (asteazkena, maiatzak 22): Sëlva - Brocon gaina (154 km)
18. etapa (osteguna, maiatzak 23): Fiera di Primiero - Padua (166 km)
19. etapa (ostirala, maiatzak 24): Mortegliano - Sappada (154 km)
20. etapa (larunbata, maiatzak 25): Alpago - Bassano del Grappa (175 km)
21. etapa (igandea, maiatzak 26): Erroma - Erroma (126 km)
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Niedermaierrek, bigarren, eta Van der Breggenek, hirugarren, osatu dute podiuma, eta Longo Borghinik irabazi du azken etapa.
Volleringek irabazi du Giroko etapa nagusia, eta Van der Breggenek lidertzari eutsi dio
Izotzezko plaka bat errepidera erortzeko arriskuagatik, etapa laburtu egin behar izan dute, eta lasterketa Finestre mendatean bukatu da, ondorengo jaitsiera eta Sestriererako azken igoera bertan behera utzita.
Celia Gery gailendu da esprintean, eta liderrak erorikoa izan du
Elisa Longo Borghinik (UAE) 5 segundo kendu dizkio Anna van der Breggeni (SD Worx), horrek izan duen sustoa aprobetxatuta.
Elisa Balsamok garaipen pokerra lortu du Brescellon
Txirrindulari italiar batek azken 25 urteetan inoiz lortu ez duena erditsi du Balsamok. Bera baino lehen, Fabiana Luperinik (1996) eta Greta Zoccak (2001) bakarrik lortu zuten balentria.
Volleringek irabazi du Santo Stefano di Cadoren eta Van der Breggenek maglia arrosari eutsi dio
FDJ United-Suez taldeko herbeheretarrak esprintean gainditu ditu Van der Breggen herrikidea eta Niedermaier alemaniarra. Van der Breggenek minutu bateko aldea du Volleringekiko sailkapen nagusian, 01:24koa Niedermaierrekiko eta 02:01ekoa Holmgrenekiko.
Van der Breggenek Balsamoren diktadurarekin amaitu eta maglia arrosa jantzi du kronoigoeran
SD Worx-Protime taldeko herbeheretarrak irabazi du laugarren etapako erlojupekoa, 12,7 kilometroko igoera, Belluno eta Nevegal artean. Elisa Balsamo italiarrak, aldiz, ikaragarri sufritu eta bederatzi minutu baino gehiago galdu ditu helmugan.
Elisa Balsamo italiarrak, hirutik hiru Italiako Giroan
Lidl-Trek taldeko txirrindulariak irabazi du Giroko hirugarren etapa, beste egun batez azken esprinta irabazita. 156 kilometroko etapa Bibione eta Buja artean jokatu da.
Honela geratu da 2026ko Italiako Giroko podiuma
Jonas Vingegaard (Visma) izan da 2026ko Italiako Giroko irabazlea. Felix Gall (Decathlon) bigarren izan da eta Jai Hindlay (Red Bull) hirugarren. Bestalde, Afonso Eulaliok (Bahrain) gazte onenaren maillota irabazi du, Giulio Cicconek (Lidl-Trek) eskalatzaileena eta Paul Magnierrek (Soudal) puntuena.
Vismak xanpainarekin ospatu du Vingegaarden garaipena Giroan
Jonas Vingegaardek ziurtatuta zuen garaipena Italiako Giroko azken etapa jokatu aurretik. Gauzak horrela, bere taldeak lasai hartu du ibilbidea eta xanpainarekin ospatzeko aprobetxatu dute.
Vingegaard txirrindularitzaren olinpoan sartu da, Giroa irabazita; Milan nagusitu da azken etapan
Visma-Lease a Bike taldeko txirrindulari daniarrak irabazi du 2026ko Italiako Giroa, hiru astez erakutsitako nagusitasunari esker, batez ere mendiko etapetan ia erabakita utzita. Garaipen honekin, hiru itzuli handiak eskuratu ditu. Jonathan Milan italiarrak, bere aldetik, azken etapa irabazi du esprint ikusgarri batean.