Italiako Giroaren 19. etaparen profila eta ibilbidea: Longarone-Tre Cime Di Lavaredo (183 km)
2023ko Italiako Giroko hemeretzigarren etapa jokatuko da maiatzaren 26an, ostiralean, 183 kilometroko ibilbidean. Tropela Longaronetik abiatuko da eta Tre Cime Di Lavaredon izango du helmuga. Txirrindulariek bost mendate gainditu beharko dituzte jardunaldian zehar, bata bestaren atzean.
Lehen mendatea Campolongo izango da (2. mailakoa): 3,9 kilometroko igoera du, batez besteko % 7ko pendizarekin. Ondoren, Valparola 1. mailako mendatea aurkituko dute: 14 kilometroko igoera du, eta batez beste % 5,6 pendiza duten aldapak. Hala ere, azken txanpan, % 9ko maldak ere baditu.
Ziklistek ez dute atsedenerako tarterik izango. Valparola jaitsi ostean, Giauko (1. maila) aldapei ekingo diete. Mendate horrek 9,9 kilometroko igoera du, eta maldek batez beste % 9,9ko pendiza dute, % 11,4rainokoa tarte batzuetan. Giau gainetik 40 kilometro geratuko dira helmugaraino.
Amaierako tarte horretan, bi mendate topatuko dituzte txirrindulariek: Passo Tre Croci eta Tre Cime di Lavaredo. Lehenengoa, Passo Tre Croci, 2. mailako mendatea da, 7,9 kilometroko igoera du, eta batez beste % 7,2ko maldak. Ia jarraian, jaitsiera txiki baten ostean, azken mendatea izango dute zain: Tre Cime di Lavaredo. Auronzo aterperaino igo beharko dute txirrindulariek. Mendate gogorra da, 7,2 kilometrokoa, eta batez beste % 7,6ko pendiza duten maldak ditu. Dena dela, azken 4 kilometroetan, % 12ko pendiza duten maldak ditu, eta % 18raino iristen dira batzuk.
Lasterketa zuzen-zuzenean ikusi ahalko da EITBn: eitb.eus-en, etapa oso-osorik ikusteko aukera izango da, 11:25etik aurrera; ETB4k 13:15etik 15:00etara egingo du bat seinalearekin, eta, ohi legez, telebistako emanaldiak ETB1en jarraituko du 15:00etatik etapa amaitu arte.
Ikusi 18. etaparen profila | Ikusi 20. etaparen profila
PROFILAREN ETAPA
------------------------------------------------------
PASSO GIAU
------------------------------------------------------
TRE CIME DE LAVAREDO
Italiako Giroko Col Sant'Angelo eta Tre Cime de Lavaredo mendateetako igoerak. Argazkia: Italiako Giroa
FITXA TEKNIKOA:
Etapa: 19. etapa (maiatzak 26)
Ibilbidea: Longarone - Tre Cime Di Lavaredo
Distantzia: 183 km
Goranzko desnibel metatua: 5.400 m
Irteera ordua: 10:20
Iritsiera ordua: 16:52 (36 km/h) | 17:13 (34 km/h) | 17:36 (32 km/h).
Mendiko saria: Campolongo (2. mailakoa), 87,4 kilometroan; Passo Valparola (1. mailakoa), 112,1.kilometroan; Passo Giuau (1. mailakoa), 143,6 kilometroan; Passo Tre Croci (2. mailakoa), 169,6 kilometroan; Tre Cime Di Lavaredo (1.mailakoa), 183. kilometroan.
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Niedermaierrek, bigarren, eta Van der Breggenek, hirugarren, osatu dute podiuma, eta Longo Borghinik irabazi du azken etapa.
Volleringek irabazi du Giroko etapa nagusia, eta Van der Breggenek lidertzari eutsi dio
Izotzezko plaka bat errepidera erortzeko arriskuagatik, etapa laburtu egin behar izan dute, eta lasterketa Finestre mendatean bukatu da, ondorengo jaitsiera eta Sestriererako azken igoera bertan behera utzita.
Celia Gery gailendu da esprintean, eta liderrak erorikoa izan du
Elisa Longo Borghinik (UAE) 5 segundo kendu dizkio Anna van der Breggeni (SD Worx), horrek izan duen sustoa aprobetxatuta.
Elisa Balsamok garaipen pokerra lortu du Brescellon
Txirrindulari italiar batek azken 25 urteetan inoiz lortu ez duena erditsi du Balsamok. Bera baino lehen, Fabiana Luperinik (1996) eta Greta Zoccak (2001) bakarrik lortu zuten balentria.
Volleringek irabazi du Santo Stefano di Cadoren eta Van der Breggenek maglia arrosari eutsi dio
FDJ United-Suez taldeko herbeheretarrak esprintean gainditu ditu Van der Breggen herrikidea eta Niedermaier alemaniarra. Van der Breggenek minutu bateko aldea du Volleringekiko sailkapen nagusian, 01:24koa Niedermaierrekiko eta 02:01ekoa Holmgrenekiko.
Van der Breggenek Balsamoren diktadurarekin amaitu eta maglia arrosa jantzi du kronoigoeran
SD Worx-Protime taldeko herbeheretarrak irabazi du laugarren etapako erlojupekoa, 12,7 kilometroko igoera, Belluno eta Nevegal artean. Elisa Balsamo italiarrak, aldiz, ikaragarri sufritu eta bederatzi minutu baino gehiago galdu ditu helmugan.
Elisa Balsamo italiarrak, hirutik hiru Italiako Giroan
Lidl-Trek taldeko txirrindulariak irabazi du Giroko hirugarren etapa, beste egun batez azken esprinta irabazita. 156 kilometroko etapa Bibione eta Buja artean jokatu da.
Honela geratu da 2026ko Italiako Giroko podiuma
Jonas Vingegaard (Visma) izan da 2026ko Italiako Giroko irabazlea. Felix Gall (Decathlon) bigarren izan da eta Jai Hindlay (Red Bull) hirugarren. Bestalde, Afonso Eulaliok (Bahrain) gazte onenaren maillota irabazi du, Giulio Cicconek (Lidl-Trek) eskalatzaileena eta Paul Magnierrek (Soudal) puntuena.
Vismak xanpainarekin ospatu du Vingegaarden garaipena Giroan
Jonas Vingegaardek ziurtatuta zuen garaipena Italiako Giroko azken etapa jokatu aurretik. Gauzak horrela, bere taldeak lasai hartu du ibilbidea eta xanpainarekin ospatzeko aprobetxatu dute.
Vingegaard txirrindularitzaren olinpoan sartu da, Giroa irabazita; Milan nagusitu da azken etapan
Visma-Lease a Bike taldeko txirrindulari daniarrak irabazi du 2026ko Italiako Giroa, hiru astez erakutsitako nagusitasunari esker, batez ere mendiko etapetan ia erabakita utzita. Garaipen honekin, hiru itzuli handiak eskuratu ditu. Jonathan Milan italiarrak, bere aldetik, azken etapa irabazi du esprint ikusgarri batean.