Buitragok irabazi du etapa eta Mikel Landak sailkapen nagusiko hirugarren postura egin du jauzi
Santiago Buitragok (Bahrain Victorious) irabazi du Italiako Giroko 17. etapa, asteazken honetan Ponte Di Legno eta Lavarone artean egin dena, 168 kilometroko ibilbidearekin. Richard Carapazek (Ineos Grenadiers) lidergoari eutsi dio, eta Mikel Landak (Bahrain Victorious) hirugarren postura egin du jauzi.
Buitrago lasterketa buruan iritsi da azken kilometrora eta garaipenarekin biribildu du etapa. Gijs Leemreize (Jumbo-Visma) izan da bigarren 35 segundora, eta Jan Hirt (Intermarche) hirugarren. Hirtekin batera helmugaratu da laugarren izan den Hugh Carthy (EF Education), 2'28"ra.
Egunko lehen ihesaldia osatu dute Carthy, Arensman, Covi eta Gall txirrindulariek. Ondoren, taldea 25ekoa izatera pasa da, besteak beste, Van der Poel, Guillaume Martin, Buitrago, Arensman, Ciccone, Covi, Pedrero eta Hirt sartu direlarik. Van der Poelek erasoa jo du helmugarako 66 kilometro falta zirenean eta Passo Vetrioloko igoeran batu dira Guillaume Martin, Gall, Covi, Buitrago, Carthy, Hirt eta Bouwman. Jaitsieran Van der Poelek berriz erasoa jo, eta lasterketaren buruan geratu da Leemreizerekin.
Monterovere aldapetan Van der Poelek ezin izan dio eutsi Leemreizeren erritmoari. Atzean, faboritoen tropelean, Mikel Landak erasoa jo, eta Carapazek eta Hindleyk jarraitu diote. Joao Almeida atzean geratu da. Helmugarako sei kilometro falta zirenean Buitragok Leemreizerekin bat egin eta atean utzi du herbeheretarra. Kolonbiarrak etapa garaipena erdietsi du.
Mikel Landak sei segundo galdu ditu Carapazekiko eta Hindleyrekiko azken metroetan, baina sailkapen nagusiko hirugarren postuan kokatu da Almeidari minutu eta lau segundo aterata. Carapazek jarraitzen du lider eta Hindley da bigarren, hiru segundora. Mikel Landa hirugarren postuan da, liderrarekiko 1'05"era, eta 49 segundo ateratzen dizkio laugarren den Almeidari. Pello Bilbao (Bahrain Victorious) seigarren da, Carapazekiko 6'19"ra.
17. etapako sailkapena:
1 - BUITRAGO Santiago (Bahrain) 4:27:41
2 - LEEMREIZE Gijs (Jumbo) +0:35
3 - HIRT Jan (Intermarché) +2:28
4 - CARTHY Hugh (EF) d.b.
5 - CARAPAZ Richard (INEOS) +2:53
6 - HINDLEY Jai (BORA) d.b.
7 - VANSEVENANT Mauri (Quick-Step) +2:57
8 - BOUWMAN Koen (Jumbo-Visma) +2:59
9 - MARTIN Guillaume (Cofidis) d.b.
10 - LANDA Mikel (Bahrain) d.b.
-------------------------------------------------
20 - BILBAO Pello (Bahrain) +5:21
Sailkapen nagusia:
1 - CARAPAZ Richard (INEOS) 73:19:40
2 - HINDLEY Jai (BORA) +0:03
3 - LANDA Mikel (Bahrain) +1:05
4 - ALMEIDA João (UAE) +1:54
5 - NIBALI Vincenzo (Astana) +5:48
6 - BILBAO Pello (Bahrain) +6:19
7 - HIRT Jan (Intermarché) +7:12
8 - BUCHMANN Emanuel (BORA) +7:13
9 - LÓPEZ Juan Pedro (Trek) +12:27
10 - POZZOVIVO Domenico (Intermarché) +12:30
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Niedermaierrek, bigarren, eta Van der Breggenek, hirugarren, osatu dute podiuma, eta Longo Borghinik irabazi du azken etapa.
Volleringek irabazi du Giroko etapa nagusia, eta Van der Breggenek lidertzari eutsi dio
Izotzezko plaka bat errepidera erortzeko arriskuagatik, etapa laburtu egin behar izan dute, eta lasterketa Finestre mendatean bukatu da, ondorengo jaitsiera eta Sestriererako azken igoera bertan behera utzita.
Celia Gery gailendu da esprintean, eta liderrak erorikoa izan du
Elisa Longo Borghinik (UAE) 5 segundo kendu dizkio Anna van der Breggeni (SD Worx), horrek izan duen sustoa aprobetxatuta.
Elisa Balsamok garaipen pokerra lortu du Brescellon
Txirrindulari italiar batek azken 25 urteetan inoiz lortu ez duena erditsi du Balsamok. Bera baino lehen, Fabiana Luperinik (1996) eta Greta Zoccak (2001) bakarrik lortu zuten balentria.
Volleringek irabazi du Santo Stefano di Cadoren eta Van der Breggenek maglia arrosari eutsi dio
FDJ United-Suez taldeko herbeheretarrak esprintean gainditu ditu Van der Breggen herrikidea eta Niedermaier alemaniarra. Van der Breggenek minutu bateko aldea du Volleringekiko sailkapen nagusian, 01:24koa Niedermaierrekiko eta 02:01ekoa Holmgrenekiko.
Van der Breggenek Balsamoren diktadurarekin amaitu eta maglia arrosa jantzi du kronoigoeran
SD Worx-Protime taldeko herbeheretarrak irabazi du laugarren etapako erlojupekoa, 12,7 kilometroko igoera, Belluno eta Nevegal artean. Elisa Balsamo italiarrak, aldiz, ikaragarri sufritu eta bederatzi minutu baino gehiago galdu ditu helmugan.
Elisa Balsamo italiarrak, hirutik hiru Italiako Giroan
Lidl-Trek taldeko txirrindulariak irabazi du Giroko hirugarren etapa, beste egun batez azken esprinta irabazita. 156 kilometroko etapa Bibione eta Buja artean jokatu da.
Honela geratu da 2026ko Italiako Giroko podiuma
Jonas Vingegaard (Visma) izan da 2026ko Italiako Giroko irabazlea. Felix Gall (Decathlon) bigarren izan da eta Jai Hindlay (Red Bull) hirugarren. Bestalde, Afonso Eulaliok (Bahrain) gazte onenaren maillota irabazi du, Giulio Cicconek (Lidl-Trek) eskalatzaileena eta Paul Magnierrek (Soudal) puntuena.
Vismak xanpainarekin ospatu du Vingegaarden garaipena Giroan
Jonas Vingegaardek ziurtatuta zuen garaipena Italiako Giroko azken etapa jokatu aurretik. Gauzak horrela, bere taldeak lasai hartu du ibilbidea eta xanpainarekin ospatzeko aprobetxatu dute.
Vingegaard txirrindularitzaren olinpoan sartu da, Giroa irabazita; Milan nagusitu da azken etapan
Visma-Lease a Bike taldeko txirrindulari daniarrak irabazi du 2026ko Italiako Giroa, hiru astez erakutsitako nagusitasunari esker, batez ere mendiko etapetan ia erabakita utzita. Garaipen honekin, hiru itzuli handiak eskuratu ditu. Jonathan Milan italiarrak, bere aldetik, azken etapa irabazi du esprint ikusgarri batean.