Carusok irabazi du mendiko azken etapa, eta Bernalek erabakita utzi du lasterketa
Mendiko azken etapan, aurreko egunetako zalantza guztiak uxatu ditu Egan Bernal kolonbiarrak (INEOS). Bere talde indartsuaren laguntzaz, maisuki aritu da eta sailkapen nagusia erabakita utzi du. Damiano Caruso, berriz, ausart aritu da eta urrutitik erasoa jo ostean podiumeko bigarren postua ziurtatu du.
Lasterketako etaparik ikusgarrienetakoa izan da. Romain Bardetek eta Carusok egindako erasoak emozioa piztu du, eta Pello Bilbao ere aurreko taldean sartu da, Caruso taldekidearentzat lan bikaina eginez. Helburua, sailkapen nagusiko lehen postuetan aldaketak eragitea zen, ez dute lortu, baina etapa bukaera ikusgarria izan da.
Bernalek ondo eutsi die erasoei, ez da urduri jarri, eta Jonathan Castroviejo bizkaitarra eta Daniel Felipe Martinez ondoan izan ditu beti. San Bernardinon, Splugan eta Alpe Motta mendateetan kolonbiarrari laguntzen izan dira eta lasterketa kontrolpean izan du INEOS taldeak.
Bernalek 1:59ko aldea du Damiano Carusorekin, igandean Giroari amaiera emango dion erlojupekoaren atarian.
20. ETAPA
Etapako sailkapena
1 - CARUSO Damiano Bahrain - Victorious 4:27:53
2 - BERNAL Egan INEOS Grenadiers + 0:24
3 - MARTÍNEZ Daniel Felipe INEOS Grenadiers +0:35
4 - BARDET Romain Team DSM + 0:35
5 - ALMEIDA João Deceuninck - Quick Step + 0:41
6 - YATES Simon Team BikeExchange + 0:51
7 - VLASOV Aleksandr Astana - Premier Tech + 1:13
8 - CARTHY Hugh EF Education - Nippo + 1:29
9 - FORTUNATO Lorenzo EOLO-Kometa + 2:07
10 - PEDRERO Antonio Movistar Team + 2:23
Sailkapen nagusia:
1 - BERNAL Egan INEOS Grenadiers 85:41:47
2 - CARUSO Damiano Bahrain - Victorious + 1:59
3 - YATES Simon Team BikeExchange + 3:23
4 - VLASOV Aleksandr Astana - Premier Tech + 7:07
5 - BARDET Romain Team DSM + 7:48
6 - MARTÍNEZ Daniel Felipe INEOS Grenadiers + 7:56
7 - CARTHY Hugh EF Education - Nippo + 8:22
8 - ALMEIDA João Deceuninck - Quick Step + 8:50
9 - FOSS Tobias Team Jumbo-Visma + 12:39
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Niedermaierrek, bigarren, eta Van der Breggenek, hirugarren, osatu dute podiuma, eta Longo Borghinik irabazi du azken etapa.
Volleringek irabazi du Giroko etapa nagusia, eta Van der Breggenek lidertzari eutsi dio
Izotzezko plaka bat errepidera erortzeko arriskuagatik, etapa laburtu egin behar izan dute, eta lasterketa Finestre mendatean bukatu da, ondorengo jaitsiera eta Sestriererako azken igoera bertan behera utzita.
Celia Gery gailendu da esprintean, eta liderrak erorikoa izan du
Elisa Longo Borghinik (UAE) 5 segundo kendu dizkio Anna van der Breggeni (SD Worx), horrek izan duen sustoa aprobetxatuta.
Elisa Balsamok garaipen pokerra lortu du Brescellon
Txirrindulari italiar batek azken 25 urteetan inoiz lortu ez duena erditsi du Balsamok. Bera baino lehen, Fabiana Luperinik (1996) eta Greta Zoccak (2001) bakarrik lortu zuten balentria.
Volleringek irabazi du Santo Stefano di Cadoren eta Van der Breggenek maglia arrosari eutsi dio
FDJ United-Suez taldeko herbeheretarrak esprintean gainditu ditu Van der Breggen herrikidea eta Niedermaier alemaniarra. Van der Breggenek minutu bateko aldea du Volleringekiko sailkapen nagusian, 01:24koa Niedermaierrekiko eta 02:01ekoa Holmgrenekiko.
Van der Breggenek Balsamoren diktadurarekin amaitu eta maglia arrosa jantzi du kronoigoeran
SD Worx-Protime taldeko herbeheretarrak irabazi du laugarren etapako erlojupekoa, 12,7 kilometroko igoera, Belluno eta Nevegal artean. Elisa Balsamo italiarrak, aldiz, ikaragarri sufritu eta bederatzi minutu baino gehiago galdu ditu helmugan.
Elisa Balsamo italiarrak, hirutik hiru Italiako Giroan
Lidl-Trek taldeko txirrindulariak irabazi du Giroko hirugarren etapa, beste egun batez azken esprinta irabazita. 156 kilometroko etapa Bibione eta Buja artean jokatu da.
Honela geratu da 2026ko Italiako Giroko podiuma
Jonas Vingegaard (Visma) izan da 2026ko Italiako Giroko irabazlea. Felix Gall (Decathlon) bigarren izan da eta Jai Hindlay (Red Bull) hirugarren. Bestalde, Afonso Eulaliok (Bahrain) gazte onenaren maillota irabazi du, Giulio Cicconek (Lidl-Trek) eskalatzaileena eta Paul Magnierrek (Soudal) puntuena.
Vismak xanpainarekin ospatu du Vingegaarden garaipena Giroan
Jonas Vingegaardek ziurtatuta zuen garaipena Italiako Giroko azken etapa jokatu aurretik. Gauzak horrela, bere taldeak lasai hartu du ibilbidea eta xanpainarekin ospatzeko aprobetxatu dute.
Vingegaard txirrindularitzaren olinpoan sartu da, Giroa irabazita; Milan nagusitu da azken etapan
Visma-Lease a Bike taldeko txirrindulari daniarrak irabazi du 2026ko Italiako Giroa, hiru astez erakutsitako nagusitasunari esker, batez ere mendiko etapetan ia erabakita utzita. Garaipen honekin, hiru itzuli handiak eskuratu ditu. Jonathan Milan italiarrak, bere aldetik, azken etapa irabazi du esprint ikusgarri batean.