Tim Merlier nagusitu da Giroko lehen esprintean
Tim Merlier (Giant Alpecin) belgikarrak irabazi du Italiako Giroko bigarren etapa, esprint urduri batean: Giacomo Nizzolo (Team Qhubeka), Elia Viviani (Cofidis), Dylan Groenewegen (Jumbo Visma) eta Peter Sagan (Bora) gainditu ditu.
Filippo Ganna italiarrak (INEOS) sailkapen nagusiko lider jarraitzen du, bere abantaila zertxobait handituta. Izan ere, lehen etapako irabazleak tarteko esprint bat aprobetxatu du aurkariei hiru segundo gehiago sartzeko.
Remco Evenepoel (Deceuninck) belgikarrak ere bi segundo batu ditu, Joao Almeida portugaldarraren lanari esker.
Txirrindulariek jardunaldi lasaia jokatu dute Italiako errepideetan barrena, oso ohikoa lasterketa horren hasieran. Hala, tropelak atseden hartzea erabaki du Stupinigi eta Novara artean jokatu den 179 kilometroko etapan.
Etapa hasieran hiru kideko ihesaldi bat baimendu du tropelak, hiru italiarrez osatutakoa: Vincenzo Albanese (Eolo Kometa), Filippo Tagliani (Androni Giocattoli), eta Umberto Marengo (Bardiani), baina haiek ere argi zuten euren ahaleginak ez zuela arrakastarik izango, eta eguna esprintean erabakiko zela, gertatu den bezala.
Lasterketaren 104. edizioaren hirugarren etapa jokatuko da astelehen honetan, Biellatik abiatu eta Canalen amaituko den 190 kilometroko jardunaldia. Hiru mendate (hirugarren mailako bat eta laugarren mailako bi) gainditu beharko dituzte txirrindulariek esprintean amaitu daitekeen etaparen amaierara iritsi orduko.
2. etapako sailkapenak:
1 - MERLIER Tim (Alpecin) 4:21:09
2 - NIZZOLO Giacomo (Qhubeka) ,,
3 - VIVIANI Elia (Cofidis) ,,
4 - GROENEWEGEN Dylan (Jumbo) ,,
5 - SAGAN Peter (BORA) ,,
6 - MOSCHETTI Matteo (Trek) ,,
7 - FIORELLI Filippo (Bardiani) ,,
8 - NAESEN Lawrence (AG2R ,,
9 - CIMOLAI Davide (Israel) ,,
10 - EWAN Caleb (Lotto) ,,
11 - MOLANO Juan Sebastián (UAE) ,,
12 - KANTER Max (DSM) ,,
13 - BELLETTI Manuel (EOLO) ,,
14 - DE BUYST Jasper (Lotto),,
15 - MINALI Riccardo (Wanty) ,,
Zure interesekoa izan daiteke
Txirrindulari gazteen bilakaera: adinean gora, garaipenetan behera
Txirrindulari gazteen bilakaera aztertu du Xabier Usabiagak “Ez da Giro” saioan. Azken urteetan joera aldatu egin da: adinean gora egiten duten heinean, lorpenetan behera. Juan Ayuso, Joshua Tarling eta beste askori gertatu zaien moduan.
Igor Arrietaren ahalegin handia, eta Michael Valgrenen erasoa eta garaipena, Giroko 17. etapako azken kilometroetan
UAEko txirrindulari nafarrak lasterketa buruan zihoazen ziklistak harrapatu ditu, alegia, Valgren eta Einer Rubio; gerora, atzetik zetozen gizonek aurreko hirurekin bat egin dute; azkenean, Valgrenek garaipen bikaina eskuratu du.
Igor Arrieta: “Bagenekien ihesaldia helmugara irits zitekeela; saiatu naiz”
Igor Arrieta seigarren postuan hlmugaratu da Italiako Giroko 17.etapan. Ihesaldiko protagonistetako bat izan da, horretarako “egun gogorra” izan den arren.
Michael Valgren danimarkarrak irabazi du Andalon, Igor Arrieta berriro protagonista izan den etapan
Azkenenean Uharte Arakileko txirrindularia seigarren helmugaratu da. Hogeita hamar bat txirrindularik, tartean, Giro honetan etapa irabazi duen nafarrak eta Jhonatan Narvaez ekuadortarrak, osatu dute eguneko ihesaldia. Errepidea bustita edo heze izan dute ziklistek gaurkoan.
Zenbat balio du UCI World Tourreko lasterketa bat antolatzeak?
Ikuskizuna bai, baina UCI World Tourreko lasterketa bat antolatzea garestia ere bada. Xabier Usabiagak kostuak zeintzuk eta zenbatekoak diren azaldu dizkigu, Itzulia eta Danilith Nokere Koerse adibidetzat jarrita.
Vingegaardek erakustaldia eman du Carì mendatean: lau etapa garaipen daramatza, eta aurkariak bigarren postuaren bila dabiltza
Jonas Vingegaardek 2026ko Italiako Giroko maglia arrosa du aldean, eta hamaseigarren etapan are gehiago sendotu du lehen postu hori; eguna Carì lehen mailako mendatean amaitu da, eta danimarkarrak erabat kontrolpean izan ditu aurkariak. Hala, azken horiek podiumeko beste bi postuak ari dira jokatzen.
Visma taldea nagusi izan da Cariko igoeran, eta Vingegaardek Giroa erabakita utzi du
Tropelak eguneko ihesaldia azken igoerako lehen aldapetan harrapatu du, eta, Team Visma-Lease taldeak gidatuta, erritmo gogorra ezarri du Cariko aldapa gogorretan (11,6 km % 8ra). Vingegaardek erasoa jo du helmugatik 6 kilometrora, eta bere laugarren etapa garaipena lortu du.
2026ko Italiako Giroko 20. etaparen ibilbidea, profila eta ordutegia: Gemona del Friuli-Piancavallo (200 km)
109. Italiako Giroaren azken-aurreko etapako azken hirurogeita hamar kilometroetan, txirrindulariek bi aldiz igo beharko dute Piancavallo lehen mailako mendate gogorra. Hor, Piancavallon, eguna amaituko da, eta ziklistei soilik beste etapa bat geldituko zaie, Erromakoa; hortaz, ia-ia dena erabakiko da 20. etapa honetan.
2026ko Italiako Giroko 19. etaparen ibilbidea, profila eta ordutegia: Feltre-Alleghe (151 km)
Dolomita Alpeetan jokatuko den etapa ikaragarri gogorra da. Txirrindulariek ibilbidean sei mendate jarraian eta, gutxi gorabehera, 5.000 metroko desnibela gainditu beharko dituzte.
Joseba Beloki: “Oso Giro arraroa izaten ari da"
Joseba Beloki txirrindulari ohi eta Giroan lehian ari den Markel Belokiren aitak lasterketaren lehen bi asteen analisia egin du. Giro honetan txirrindulariak "oso azkar" ibili direla esan du eta Giroa bukatzeko falta diren etapetan mugimendu gutxi izango direla iragarri du.