Parte hartu 'Zaleen erreleboa' ekimenean
EITBk zaleen partaidetza sustatu nahi du Giroa emateko prestatu duen ETB1eko Ez da Giro! saioan, eta, horretarako Zaleen erreleboa izeneko atala sortu du. Atal berri horretan, zaleen ekarpenak hartuko dira aintzat, eurek sortu, grabatu eta bidalitako bideoak. Izan daitezke norberak bere buruari grabatutako selfie tankerako bideoak ziklistaren bat animatuz, iragarpen bat eginez, Giroan edo txirrindularitzan izandako eskarmentuak kontatuz, edota bideo landuagoak elkarteren batek egiten duen lana erakutsiz, edo taldetxoren batek umorez egiten dituen irtenaldiak laburbilduz…
Bideoak horizontalean grabatu behar dira, eta ezin dute minutu bat baino gehiago iraun. Bidaltzen diren bideoetako bat Ez da Giro! saioan erakutsiko da emanaldiaren amaieran, beste atal labur batzuen artean, eta besteak eitb.eus-en Giroak izango duen atal berezian eskegiko dira, mundu guztiaren bistara.
Zaleen ekarpena eskertuz, egunero egingo den zozketan parte hartzeko eta Etxeondoren maillota eta kulota irabazteko aukera izango du bideoaren egileak.
Gainera, Giroaren bukaeran, Donostiako klasiko biak (emakumezkoena zein gizonezkoena) antolakuntzaren gonbidatuen auto batetik jarraitzeko bi akreditazio berezi zozkatuko dira parte-hartzaile guztien artean.
Baldintzen artean, gogoratu ezin dutela 14 urtetik beherako gaztetxoak agertu eta, esan gabe doa, irain edo mespretxuzko jokabideak azaleratzen dituzten bideoak ere baztertu egingo direla.
Ohiko lehiaketa ere martxan
Aipatutako bideoen ekimen berri horrez gain, urtero legez, beste lehiaketa bat ere martxan dago, Ez da Giro! saioan planteatuko diren galderei eitb.eus-en erantzuteko.
Hortaz, Giroan zehar zozkatuko diren sariak irabazteko bi aukera izango dute aurten txirrindularitza zaleek: batetik, euren bideoak bidalita, eta, bestetik, galderen lehiaketari erantzunda.
Parte hartzeko jarraitu beharreko urratsak:
1- Galderen lehiaketan parte hartzeko zein bideoak bidaltzeko, erabiltzaileek helbide elektroniko baliodun bat sartu beharko dute hasierako formularioan, eta, jarraian, beren postara iritsiko zaien mezuko estekan sakatu, parte hartzeko atalean sartu ahal izateko.
2- Behin aipatu estekan klik eginda, formulario berri bat agertuko da, eta bertan harremanetarako datuak sartu beharko dira.
3- Datu horiek gorde ondoren, parte hartzeko bi aukerak agertuko dira: Fitxategia igo eta Eguneko galdera.
Zure interesekoa izan daiteke
Txirrindulari gazteen bilakaera: adinean gora, garaipenetan behera
Txirrindulari gazteen bilakaera aztertu du Xabier Usabiagak “Ez da Giro” saioan. Azken urteetan joera aldatu egin da: adinean gora egiten duten heinean, lorpenetan behera. Juan Ayuso, Joshua Tarling eta beste askori gertatu zaien moduan.
Igor Arrietaren ahalegin handia, eta Michael Valgrenen erasoa eta garaipena, Giroko 17. etapako azken kilometroetan
UAEko txirrindulari nafarrak lasterketa buruan zihoazen ziklistak harrapatu ditu, alegia, Valgren eta Einer Rubio; gerora, atzetik zetozen gizonek aurreko hirurekin bat egin dute; azkenean, Valgrenek garaipen bikaina eskuratu du.
Igor Arrieta: “Bagenekien ihesaldia helmugara irits zitekeela; saiatu naiz”
Igor Arrieta seigarren postuan hlmugaratu da Italiako Giroko 17.etapan. Ihesaldiko protagonistetako bat izan da, horretarako “egun gogorra” izan den arren.
Michael Valgren danimarkarrak irabazi du Andalon, Igor Arrieta berriro protagonista izan den etapan
Azkenenean Uharte Arakileko txirrindularia seigarren helmugaratu da. Hogeita hamar bat txirrindularik, tartean, Giro honetan etapa irabazi duen nafarrak eta Jhonatan Narvaez ekuadortarrak, osatu dute eguneko ihesaldia. Errepidea bustita edo heze izan dute ziklistek gaurkoan.
Zenbat balio du UCI World Tourreko lasterketa bat antolatzeak?
Ikuskizuna bai, baina UCI World Tourreko lasterketa bat antolatzea garestia ere bada. Xabier Usabiagak kostuak zeintzuk eta zenbatekoak diren azaldu dizkigu, Itzulia eta Danilith Nokere Koerse adibidetzat jarrita.
Vingegaardek erakustaldia eman du Carì mendatean: lau etapa garaipen daramatza, eta aurkariak bigarren postuaren bila dabiltza
Jonas Vingegaardek 2026ko Italiako Giroko maglia arrosa du aldean, eta hamaseigarren etapan are gehiago sendotu du lehen postu hori; eguna Carì lehen mailako mendatean amaitu da, eta danimarkarrak erabat kontrolpean izan ditu aurkariak. Hala, azken horiek podiumeko beste bi postuak ari dira jokatzen.
Visma taldea nagusi izan da Cariko igoeran, eta Vingegaardek Giroa erabakita utzi du
Tropelak eguneko ihesaldia azken igoerako lehen aldapetan harrapatu du, eta, Team Visma-Lease taldeak gidatuta, erritmo gogorra ezarri du Cariko aldapa gogorretan (11,6 km % 8ra). Vingegaardek erasoa jo du helmugatik 6 kilometrora, eta bere laugarren etapa garaipena lortu du.
2026ko Italiako Giroko 20. etaparen ibilbidea, profila eta ordutegia: Gemona del Friuli-Piancavallo (200 km)
109. Italiako Giroaren azken-aurreko etapako azken hirurogeita hamar kilometroetan, txirrindulariek bi aldiz igo beharko dute Piancavallo lehen mailako mendate gogorra. Hor, Piancavallon, eguna amaituko da, eta ziklistei soilik beste etapa bat geldituko zaie, Erromakoa; hortaz, ia-ia dena erabakiko da 20. etapa honetan.
2026ko Italiako Giroko 19. etaparen ibilbidea, profila eta ordutegia: Feltre-Alleghe (151 km)
Dolomita Alpeetan jokatuko den etapa ikaragarri gogorra da. Txirrindulariek ibilbidean sei mendate jarraian eta, gutxi gorabehera, 5.000 metroko desnibela gainditu beharko dituzte.
Joseba Beloki: “Oso Giro arraroa izaten ari da"
Joseba Beloki txirrindulari ohi eta Giroan lehian ari den Markel Belokiren aitak lasterketaren lehen bi asteen analisia egin du. Giro honetan txirrindulariak "oso azkar" ibili direla esan du eta Giroa bukatzeko falta diren etapetan mugimendu gutxi izango direla iragarri du.