2019ko Giroa Boloniatik aterako da, erlojupeko batekin
Datorren urteko Giroak Bolonian izango du abiapuntua (Emilia-Romagna eskualdea, Italia iparraldean), 8,2 kilometroko erlojupeko batekin. Hala jakinarazi dute lasterketako antolatzaileek astelehen honetan bertan.
Giroaren 102. ekitaldia maiatzaren 11n hasi eta ekainaren 2ra arte luzatuko da, eta, 1994an gertatu legez, Bolonian hasiko da. Guztira hiru etapa korrituko dira Emilia-Romagna eskualdean barrena.
Horietako lehena Bolonian hasi eta San Luca muinoan amaituko den 8,2 kilometroko erlojupekoa izango da. 2,1 kilometroko azken igoera horretan, % 9,7ko batez besteko aldapei egin beharko diete aurre txirrindulariek.
Emilia Romagnako hiriburua bigarren etapan ere protagonista izango da; izan ere, lehiakideek Boloniatik atera eta Italia hegoalderantz joko dute, oraindik jakitera emanez duten hiriburu baterantz.
Bederatzigarren etapan, berriro bueltatuko dira iparraldeko eskualde horretara beste erlojupeko batekin. Egun horretan, hots, maiatzaren 20an, txirrindulariek 34,7 kilometroko erlojuaren aurkako probari egin beharko diote aurre, Riccione eta San Marino artean.
Hasierako 20 kilometroak lauak izango dira; aitzitik, amaierako zatia oso zorrotza izango da, aurrera egin ahala gogortuz joango den aldapa batekin. Tarte horretan, % 10ko bataz bestekoak gainditu beharko dituzte parte-hartzaileek.
2019ko Giroko bigarren erlojupekoaren ostean, txirrindulariek Emilia Romagna eskualdean jokatuko den azken etapa lehiatuko dute. Aurreikuspenen arabera, esprintean bukatuko den eguna izango da, ibilbidea guztiz laua izango baita.
Carpi izango da Giroko irteera bat hartuko duen Emilia Romagnako azken hiria. Bertatik abiatuta, lasterketak mendebaldera egingo duela aurreratu dute antolatzaileek, baina azken helmuga zein den aditzera eman gabe.
Zure interesekoa izan daiteke
Txirrindulari gazteen bilakaera: adinean gora, garaipenetan behera
Txirrindulari gazteen bilakaera aztertu du Xabier Usabiagak “Ez da Giro” saioan. Azken urteetan joera aldatu egin da: adinean gora egiten duten heinean, lorpenetan behera. Juan Ayuso, Joshua Tarling eta beste askori gertatu zaien moduan.
Igor Arrietaren ahalegin handia, eta Michael Valgrenen erasoa eta garaipena, Giroko 17. etapako azken kilometroetan
UAEko txirrindulari nafarrak lasterketa buruan zihoazen ziklistak harrapatu ditu, alegia, Valgren eta Einer Rubio; gerora, atzetik zetozen gizonek aurreko hirurekin bat egin dute; azkenean, Valgrenek garaipen bikaina eskuratu du.
Igor Arrieta: “Bagenekien ihesaldia helmugara irits zitekeela; saiatu naiz”
Igor Arrieta seigarren postuan hlmugaratu da Italiako Giroko 17.etapan. Ihesaldiko protagonistetako bat izan da, horretarako “egun gogorra” izan den arren.
Michael Valgren danimarkarrak irabazi du Andalon, Igor Arrieta berriro protagonista izan den etapan
Azkenenean Uharte Arakileko txirrindularia seigarren helmugaratu da. Hogeita hamar bat txirrindularik, tartean, Giro honetan etapa irabazi duen nafarrak eta Jhonatan Narvaez ekuadortarrak, osatu dute eguneko ihesaldia. Errepidea bustita edo heze izan dute ziklistek gaurkoan.
Zenbat balio du UCI World Tourreko lasterketa bat antolatzeak?
Ikuskizuna bai, baina UCI World Tourreko lasterketa bat antolatzea garestia ere bada. Xabier Usabiagak kostuak zeintzuk eta zenbatekoak diren azaldu dizkigu, Itzulia eta Danilith Nokere Koerse adibidetzat jarrita.
Vingegaardek erakustaldia eman du Carì mendatean: lau etapa garaipen daramatza, eta aurkariak bigarren postuaren bila dabiltza
Jonas Vingegaardek 2026ko Italiako Giroko maglia arrosa du aldean, eta hamaseigarren etapan are gehiago sendotu du lehen postu hori; eguna Carì lehen mailako mendatean amaitu da, eta danimarkarrak erabat kontrolpean izan ditu aurkariak. Hala, azken horiek podiumeko beste bi postuak ari dira jokatzen.
Visma taldea nagusi izan da Cariko igoeran, eta Vingegaardek Giroa erabakita utzi du
Tropelak eguneko ihesaldia azken igoerako lehen aldapetan harrapatu du, eta, Team Visma-Lease taldeak gidatuta, erritmo gogorra ezarri du Cariko aldapa gogorretan (11,6 km % 8ra). Vingegaardek erasoa jo du helmugatik 6 kilometrora, eta bere laugarren etapa garaipena lortu du.
2026ko Italiako Giroko 20. etaparen ibilbidea, profila eta ordutegia: Gemona del Friuli-Piancavallo (200 km)
109. Italiako Giroaren azken-aurreko etapako azken hirurogeita hamar kilometroetan, txirrindulariek bi aldiz igo beharko dute Piancavallo lehen mailako mendate gogorra. Hor, Piancavallon, eguna amaituko da, eta ziklistei soilik beste etapa bat geldituko zaie, Erromakoa; hortaz, ia-ia dena erabakiko da 20. etapa honetan.
2026ko Italiako Giroko 19. etaparen ibilbidea, profila eta ordutegia: Feltre-Alleghe (151 km)
Dolomita Alpeetan jokatuko den etapa ikaragarri gogorra da. Txirrindulariek ibilbidean sei mendate jarraian eta, gutxi gorabehera, 5.000 metroko desnibela gainditu beharko dituzte.
Joseba Beloki: “Oso Giro arraroa izaten ari da"
Joseba Beloki txirrindulari ohi eta Giroan lehian ari den Markel Belokiren aitak lasterketaren lehen bi asteen analisia egin du. Giro honetan txirrindulariak "oso azkar" ibili direla esan du eta Giroa bukatzeko falta diren etapetan mugimendu gutxi izango direla iragarri du.