Azken astea: Dumoulin, munduaren aurka
Tom Dumoulin (Sunweb) eta Nairo Quintana (Movistar) txirrindularien artean 2 minutu eta 41 segundoko aldea dago Italiako Giroaren sailkapen orokorrean. Azken astea emozioz beteta egongo da maglia arrosa eskuratzeko borrokan, Mortirolo, Stelvio eta Pordoi mendate ospetsuekin, eta lasteketaren epailea izan litekeen bukaerako erlojupekoan.
Nederlandarrak ondo eutsi dio kolonbiarrari, baina oraindik mendate gogorrenak falta dira. 26 urterekin, oso sasoi onean dagoela erakutsi du, eta lasterketan lan bikaina egin du. Hirugarren astean jakingo dugu orain arte lortu duen aldea nahikoa duen.
Quintanak ez dio erraz jarriko. Tropeleko igotzailerik onena da. 2014ko Giroa eta 2016ko Vuelta irabazi zituen, Montefalcoko erlojupekoan 3 minutu galdu zituen, eta mendian berreskuratu beharko du aurreko asteetan galdu duen denbora.
100. Giroaren podiumeko borroka ere biziki interesgarria izango da. Thibaut Pinot (FDJ), 3 minutu eta 21 segundora, eta Vincenzo Nibali (Bahrain Merida) lehian arituko dira. Mikel Landa (Sky), aldiz, borrokatik kanpo dago eroriko baten ondorioz, baina etapa bat irabazteko moduan dagoela erakutsi du.
Asteartean, etapa nagusia izango dute Robetta eta Bormio artean (277 km): Mortirolo (Scarponi igoera), Monno (12,6 kilometro eta %7,6ko igoera), Stelvio (Coppi mendatea, 21,7 kilometro eta %7,2ko igoera) eta Umbrailpass (13,5 kilometro eta %8,4ko igoera).
Hurrengo etapan, 2. mailako bi mendate eta 3. mailako bat igo beharko dituzte, eta honakoak ostegunean: Pordoi (1. mailakoa), Valparola (2. mailakoa), Gardena (2. mailakoa), Pinei (3. mailakoa) eta Pontives (1. mailakoa), Ortiseiko helmugatik 4 kilometrora.
Ostiralean, beste etapa menditsu bat izango da. Goian bukatuko da (Piancavallo, 1. mailakoa). Larunbatean, Monte Grappa (1. mailakoa) eta Foza (1. mailakoa), helmugatik 15 kilometrora, igaroko dituzte.
Dena den, baliteke igandean erabakitzea maglia arrosa nork irabaziko duen, 27,6 kilometroko erlojupekoan. Aurten, azken unera arte egongo da emozioa Giroan.
Zure interesekoa izan daiteke
Zenbat gastatzen dute taldeek bidoietan? Nahi haina erabil al ditzakete?
Txirrindularien eta zaleen arteko loturatzat hartzen dira, hein batean, lasterketetan erabiltzen dituzten bidoiak. Baina, zenbat erabiltzen ditu World Tourreko talde batek lasterketako? Xabier Usabiagak honen berri eman du “Ez da Giro” saioan.
Paul Magnier gailendu da 18.etapan, bihurgunez beteriko esprint arriskutsu batean
Paul Magnier (Soudal Quick-Step) frantziarrak irabazi du Italiako Giroko hemezortzigarren etapa. Ezker-eskuineko hainbat bihurgune eta zoru bustiarekin egindako esprint arriskutsu batekin amaitu da hau. Edoardo Zambanini (Bahrain-Victorious) helmugaratu da bigarren eta Jonathan Milan (Lidl-Trek) hirugarren, italiarrak biak.
Tropelak ez du tarterik utzi, eta Magnierrek bere hirugarren etapa garaipena erdietsi du esprintean
Talde nagusiak ez die ihesaldiei tarterik utzi, eta jardunaldiko azken mendatexoa, Muro di Ca 'del Poggio, gainditu ostean, tropeleko gizonik azkarrenek azken aukera izan dute Erromaren aurretik.
Txirrindulari gazteen bilakaera: adinean gora, garaipenetan behera
Txirrindulari gazteen bilakaera aztertu du Xabier Usabiagak “Ez da Giro” saioan. Azken urteetan joera aldatu egin da: adinean gora egiten duten heinean, lorpenetan behera. Juan Ayuso, Joshua Tarling eta beste askori gertatu zaien moduan.
Igor Arrietaren ahalegin handia, eta Michael Valgrenen erasoa eta garaipena, Giroko 17. etapako azken kilometroetan
UAEko txirrindulari nafarrak lasterketa buruan zihoazen ziklistak harrapatu ditu, alegia, Valgren eta Einer Rubio; gerora, atzetik zetozen gizonek aurreko hirurekin bat egin dute; azkenean, Valgrenek garaipen bikaina eskuratu du.
Igor Arrieta: “Bagenekien ihesaldia helmugara irits zitekeela; saiatu naiz”
Igor Arrieta seigarren postuan hlmugaratu da Italiako Giroko 17.etapan. Ihesaldiko protagonistetako bat izan da, horretarako “egun gogorra” izan den arren.
Michael Valgren danimarkarrak irabazi du Andalon, Igor Arrieta berriro protagonista izan den etapan
Azkenenean Uharte Arakileko txirrindularia seigarren helmugaratu da. Hogeita hamar bat txirrindularik, tartean, Giro honetan etapa irabazi duen nafarrak eta Jhonatan Narvaez ekuadortarrak, osatu dute eguneko ihesaldia. Errepidea bustita edo heze izan dute ziklistek gaurkoan.
Zenbat balio du UCI World Tourreko lasterketa bat antolatzeak?
Ikuskizuna bai, baina UCI World Tourreko lasterketa bat antolatzea garestia ere bada. Xabier Usabiagak kostuak zeintzuk eta zenbatekoak diren azaldu dizkigu, Itzulia eta Danilith Nokere Koerse adibidetzat jarrita.
Vingegaardek erakustaldia eman du Carì mendatean: lau etapa garaipen daramatza, eta aurkariak bigarren postuaren bila dabiltza
Jonas Vingegaardek 2026ko Italiako Giroko maglia arrosa du aldean, eta hamaseigarren etapan are gehiago sendotu du lehen postu hori; eguna Carì lehen mailako mendatean amaitu da, eta danimarkarrak erabat kontrolpean izan ditu aurkariak. Hala, azken horiek podiumeko beste bi postuak ari dira jokatzen.
Visma taldea nagusi izan da Cariko igoeran, eta Vingegaardek Giroa erabakita utzi du
Tropelak eguneko ihesaldia azken igoerako lehen aldapetan harrapatu du, eta, Team Visma-Lease taldeak gidatuta, erritmo gogorra ezarri du Cariko aldapa gogorretan (11,6 km % 8ra). Vingegaardek erasoa jo du helmugatik 6 kilometrora, eta bere laugarren etapa garaipena lortu du.