2014ko Italiako Giroa aurkeztu dute
2014ko Italiako Giroko ibilbidea aurkeztu dute Milanen. "Munduko probarik gogorrena, munduko herrialderik ederrenean" esaldiarekin aurkeztu dute 2014ko edizioa. Ibilbidea ezohikoa izango da, hiru erlojupeko eta hiru atseden egun izango baititu.
Proba Irlandako errepideetan hasiko da, taldekako erlojupekoarekin (Belfast-Belfast, 21,7 km), eta Triesten bukatuko da, 21 etapa eta hiru atseden egun ondoren. Igotzaileek abagune ugari izango dituzte, batez ere, Oropa, Val Martello eta Zoncolan mendietan bukatuko diren etapetan. Hiru etapa horietan Marco Pantani mitikoari omenaldia egingo dio Giroak, italiarraren heriotzaren hamargarren urteurrena izango baita.
Guztira bederatzi helmuga aldapan gora izango dira: Viggiano, Montecassino, Montecopiolo, Sestola, Oropa, Montecampione, Val Martello, Panarotta eta Zoncolan. Gainera, Monte Grappako mendiko erlojupekoa ere izango dute txirrindulariek.
Hiru erlojupekoetan, guztira 94,4 kilometro egin beharko dituzte txirrindulariek.
Nairo Quintana Alejandro Valverde taldekidearekin egon da aurkezpenean, eta kolonbiarrak "ibilbidea oso erakargarria" dela onartu du. "Erlojupekoa oso luzea da, eta ez da nire gustukoa. Frantziako Tourreko eta Espainiako Itzuliko ibilbideak ikusi beharko ditut erabakia hartzeko", esan du Quintanak.
Vincenzo Nibali 2013ko txapeldunak oraindik ez du erabakirik hartu, baina Frantziako Tourrean parte hartuko duela dirudi. Hala ere, Ivan Basso italiarrak, Joaquim Rodriguez espainiarrak eta Cadel Evans australiarrak 2014ko Giroan egongo direla konfirmatu dute.
Ibilbidea:
Ostirala, maiatzak 9. 1. etapa: Belfast - Belfast Taldekako erlojupekoa, 21,7 km
Larunbata, maiatzak 10. 2. etapa: Belfast - Belfast, 218 km
Igandea, maiatzak 11. 3. etapa: Armagh - Dublin, 187 km
Astelehena, maiatzak 12. Lehenengo atseden eguna.
Asteartea, maiatzak 13. 4. etapa: Bari - Taranto, 121 km
Asteazkena, maiatzak 14. 5. etapa: Taranto - Viggiano, 200 km
Osteguna, maiatzak 15. 6. etapa: Sassano - Montecassino, 247 km
Ostirala, maiatzak 16. 7. etapa: Frosinone - Foligno, 214 km
Larunbata, maiatzak 17. 8. etapa: Foligno - Montecopiolo, 174 km
Igandea, maiatzak 18. 9. etapa: Lugo - Sestola, 174 km
Astelehena, maiatzak 19. Bigarren atseden eguna.
Asteartea, maiatzak 20. 10. etapa: Modena - Salsomaggiore, 184 km
Asteazkena, maiatzak 21. 11. etapa: Correggio - Savona, 249 km
Osteguna, maiatzak 22. 12. etapa: Barbaresco - Barolo Erlojupekoa, 46,4 km
Ostirala, maiatzak 23. 13. etapa: Fossano - Rivarolo, 158 km
Larunbata, maiatzak 24. 14. etapa: Aglie - Oropa, 162 km
Igandea, maiatzak 25: 15. etapa: Valdengo - Montecampione, 217 km
Astelehena, maiatzak 26. Hirugarren atseden eguna.
Asteartea, maiatzak 27. 16. etapa: Pontedilegno - Val Martello, 139 km
Asteazkena, maiatzak 28. 17. etapa: Sarnonico - Vittorio Veneto, 204 km
Osteguna, maiatzak 29. 18. etapa: Belluno - Malga Panarotta, 171 km
Ostirala, maiatzak 30. 19. etapa: Bassano - Monte Grappa Erlojupekoa, 26,8 km
Larunbata, maiatzak 31. 20. etapa: Maniago - Monte Zoncolan, 167 km
Igandea, ekainak 1. 21. etapa: Gemona - Trieste, 169 km
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Niedermaierrek, bigarren, eta Van der Breggenek, hirugarren, osatu dute podiuma, eta Longo Borghinik irabazi du azken etapa.
Volleringek irabazi du Giroko etapa nagusia, eta Van der Breggenek lidertzari eutsi dio
Izotzezko plaka bat errepidera erortzeko arriskuagatik, etapa laburtu egin behar izan dute, eta lasterketa Finestre mendatean bukatu da, ondorengo jaitsiera eta Sestriererako azken igoera bertan behera utzita.
Celia Gery gailendu da esprintean, eta liderrak erorikoa izan du
Elisa Longo Borghinik (UAE) 5 segundo kendu dizkio Anna van der Breggeni (SD Worx), horrek izan duen sustoa aprobetxatuta.
Elisa Balsamok garaipen pokerra lortu du Brescellon
Txirrindulari italiar batek azken 25 urteetan inoiz lortu ez duena erditsi du Balsamok. Bera baino lehen, Fabiana Luperinik (1996) eta Greta Zoccak (2001) bakarrik lortu zuten balentria.
Volleringek irabazi du Santo Stefano di Cadoren eta Van der Breggenek maglia arrosari eutsi dio
FDJ United-Suez taldeko herbeheretarrak esprintean gainditu ditu Van der Breggen herrikidea eta Niedermaier alemaniarra. Van der Breggenek minutu bateko aldea du Volleringekiko sailkapen nagusian, 01:24koa Niedermaierrekiko eta 02:01ekoa Holmgrenekiko.
Van der Breggenek Balsamoren diktadurarekin amaitu eta maglia arrosa jantzi du kronoigoeran
SD Worx-Protime taldeko herbeheretarrak irabazi du laugarren etapako erlojupekoa, 12,7 kilometroko igoera, Belluno eta Nevegal artean. Elisa Balsamo italiarrak, aldiz, ikaragarri sufritu eta bederatzi minutu baino gehiago galdu ditu helmugan.
Elisa Balsamo italiarrak, hirutik hiru Italiako Giroan
Lidl-Trek taldeko txirrindulariak irabazi du Giroko hirugarren etapa, beste egun batez azken esprinta irabazita. 156 kilometroko etapa Bibione eta Buja artean jokatu da.
Honela geratu da 2026ko Italiako Giroko podiuma
Jonas Vingegaard (Visma) izan da 2026ko Italiako Giroko irabazlea. Felix Gall (Decathlon) bigarren izan da eta Jai Hindlay (Red Bull) hirugarren. Bestalde, Afonso Eulaliok (Bahrain) gazte onenaren maillota irabazi du, Giulio Cicconek (Lidl-Trek) eskalatzaileena eta Paul Magnierrek (Soudal) puntuena.
Vismak xanpainarekin ospatu du Vingegaarden garaipena Giroan
Jonas Vingegaardek ziurtatuta zuen garaipena Italiako Giroko azken etapa jokatu aurretik. Gauzak horrela, bere taldeak lasai hartu du ibilbidea eta xanpainarekin ospatzeko aprobetxatu dute.
Vingegaard txirrindularitzaren olinpoan sartu da, Giroa irabazita; Milan nagusitu da azken etapan
Visma-Lease a Bike taldeko txirrindulari daniarrak irabazi du 2026ko Italiako Giroa, hiru astez erakutsitako nagusitasunari esker, batez ere mendiko etapetan ia erabakita utzita. Garaipen honekin, hiru itzuli handiak eskuratu ditu. Jonathan Milan italiarrak, bere aldetik, azken etapa irabazi du esprint ikusgarri batean.