Vollering nagusitu da Lagunas de Neilan, eta liderraren elastikoa jantzi du; Ostolaza, bosgarren
Demi Volleringek (FDJ-SUEZ) irabazi du Espainiako Vueltako bosgarren etapa, Golmayo eta Lagunas de Neila artekoa, eta 120,4 kilometroko ibilbidea izan duena. Garaipena bereganatuta, liderraren elastikoa jantzi du herbeeretarrak.
Marielle Meijeringek (Movistar) erasoa jo du helmugarako 7 kilometro falta zirenean, atzetik etorri den tropeltxoak harrapatu egin du. Azken 4 kilometroetara bost txirrindularik osatutako taldea iritsi da lasterketaren buruan: Demi Vollering (FDJ-SUEZ), Anna van der Breggen (SD Worx-Protime), Niamh Fisher-Black (Lidl-Trek), Cedrine Kerbaol (EF Education-Oatly) eta Pauliena Rooijakkers (Fenix-Deceuninck).
Lagunas de Neilako helmugara iristeko 3 kilometro falta zirenean Volleringek jo du erasoa, eta bakarrik geratu da lasterketaren buruan. Inork ezin izan du herbeheretarraren erritmoa jarraitu; hala, bada, etapa garaipena bereganatu du.
Marlen Reusser (Movistar) izan da bigarren 24 segundora eta Van der Breggen hirugarren 56 segundora. Usoa Ostolaza (Laboral Kutxa-Euskadi Fundazioa) euskal txirrindularia bosgarren izan da, irabazlearekiko minutu bat eta 20 segundora.
Bosgarren etapa amaituta, Vollering kokatu da sailkapen nagusiko lehen postuan. Van der Breggen da bigarren 45 segundora eta Reusser hirugarren 46ra. Ostolaza sailkapen nagusiko zortzigarrena da, Demi Volleringekiko 2 minutu eta 26 segundora.
5. etapako sailkapena:
1 - VOLLERING Demi (FDJ) 3:19:57
2 - REUSSER Marlen (Movistar) +0:24
3 - VAN DER BREGGEN Anna (SD Worx) +0:56
4 - ROOIJAKKERS Pauliena (Fenix) +1:10
5 - OSTOLAZA Usoa (Laboral Kutxa) +1:20
6 - KERBAOL Cédrine (EF Education) +1:23
7 - BUNEL Marion (Visma) +1:27
8 - LABOUS Juliette (FDJ) +1:51
9 - MARKUS Riejanne (Lidl) +1:53
10 - CAVALLAR Valentina (Arkea) +2:01
Sailkapen nagusia:
1 - VOLLERING Demi (FDJ) 12:17:59
2 - VAN DER BREGGEN Anna (SD Worx) +0:45
3 - REUSSER Marlen (Movistar) +0:46
4 - KERBAOL Cedrine (EF Education) +1:49
5 - MARKUS Riejanne (Lidl) +2:05
6 - LABOUS Juliette (FDJ) +2:09
7 - FISHER-BLACK Niamh (Lidl) +2:19
8 - OSTOLAZA Usoa (Laboral Kutxa) +2:26
9 - TRINCA COLONEL Monica (Liv) +2:35
10 - KASTELIJN Yara (Fenix) +2:57
Zure interesekoa izan daiteke
Kazkabar ekaitz batek Vueltako hirugarren etapa bertan behera uztera behartu du
Antolatzaileek bertan behera utzi behar izan dute hirugarren etapa, Mont Louiseko igoeran izandako kazkabar ekaitz baten ondorioz.
Matthew Brennanek irabazi du Manosquen, esprintean, eta Tadej Pogacarrek lider jarraitzen du Espainiako Vueltan
Visma Lease a Bike taldeko txirrindulari britainiarra izan da azkarrena lasterketako bigarren etapako azken metroetan. Pogacar hirugarren postuan helmugaratu da, eta, hala, maillot gorriari eutsi dio, sailkapen nagusiko lehen tokian segitzen baitu.
Pogacarrek irabazi du Monakon, eta La Vueltako liderra da lehen egunean
Esloveniarrak bederatzi ehunenengatik irabazi dio Ethan Hayterri gorriz janzteko.
Mikel Landa Soudal Quick-Step taldeko liderra izango da bere hamargarren Vueltan
Horrela, arabarrak hamargarren aldiz korrituko du Espainiako Vuelta, kasu honetan Soudal Quick-Step taldeko lider gisa. Hala ere, Filippo Zana italiarra eta Valentin Paret-Peintre frantziarra dira sailkapen nagusirako taldearen beste aukerak.
Pello Bilbaok bere azken Espainiako Vueltan lehiatzeko aukera izango du Bahrain taldearekin
Frantziako Tourra galdu ostean, txirrindulari gernikarrak motibazio bereziarekin egingo dio aurre bere azken Vueltari, eta hiru asteetan zehar talde gaztea gidatzen lagunduko du. "Azkenean, Tourra korritu ez izanak Vuelta egiteko ateak ireki dizkit, eta oso motibatuta nago", adierazi du Bilbaok.
Markel Beloki gasteiztarra Vueltako irteeran izango da Carapaz buru duen EF taldearen eskutik
Txirrindulari arabarrak bere bigarren Vueltan izango duen zeregin nagusia taldeburu ekuadortarrari laguntzea izango da. "Denboraldian zehar hainbat lasterketatan izan ditut aukerak, baina orain taldeari ahalik eta gehien laguntzen saiatuko naiz. Hori da hurrengo hiru asteetarako helburu nagusia", azaldu du Belokik.
Kern Pharma Espainiako Vueltara itzuliko da, 2024an izandako arrakasta errepikatzeko asmoz
Berrade, Uriarte, Cobo, Brustenga, Ruiz, Elosegi, Ramiro Sosa eta Wenzel dira talde nafarrak Monakon larunbat honetan abiatuko den lasterketan parte hartzeko aukeratu dituen zortzi txirrindulariak.
2026ko Espainiako Vueltako etapa guztien profilak eta ibilbideak
81. Espainiako Vuelta abuztuaren 22tik irailaren 13ra bitartean jokatuko dute, eta Monakon hasiko da eta Granadan amaitu. Lasterketa kirolakeitb.eus-en eta ETBn jarraitu ahalko duzu, egunero-egunero.
Tadej Pogacar 2026ko Espainiako Vueltan izango da, abuztuaren 22tik aurrera
Frantziako Tourra bosgarrenez irabazi berritan, UAEko txirrindulari esloveniarrak hurrengo Espainiako Vuelta jokatuko du. 2019an parte hartu zuen, oraingoz aurrenekoz eta azkenekoz, Espainiako Vueltan; ekitaldi hartan, hirugarren postua lortu zuen, eta hiru etapa irabazi zituen.
Paula Blasik irabazi du Espainiako Vuelta, eta Ostolazak laugarren bukatu du
Azken etapa Anglirun amaitu da eta Petra Stiasnyk eraman du garaipena, Blasi baino 23 segundo azkarrago helmugaratuta.