Roglicek bereganatu du garaipena Cazorlan, Landa hirugarren izan da eta O'Connorrek lidertzari eutsi dio
Primoz Roglicek (Red Bull-BORA-hansgrohe) bereganatu du garaipena Espaniako Vueltako zortzigarren etapan. Ben O'Connorrek (Decathlon-AG2R-La Mondiale) lider jarraitzen du, baina 39 segundo jan dizkio Roglicek.
Hasieran 40 txirrindularik osatutako talde batek ihes egin du tropeletik, baina ez du arrakastarik izan. Ondoren, bost txirrindularik bakarrik egin dute aurrera: Xandro Meurisse (Intermarche-Wanty), Sven Erik Bystrom (Groupama-FDJ), Simon Guglielmi (Arkéa-B & B Hotels), Ion Izagirre (Cofidis) eta Ibon Ruiz (Kern Pharma). Hala ere, tropelak erritmo bizia jarri du, eta iheslariak harrapatu ditu.
Tropel nagusia ihesaldiak izateko erraztasunak emateko prest ez zegoen arren, txirrindulari batzuek tematuta jarraitu dute, eta, azkenean, eguneko ihesaldia osatu dute honako protagonista hauek: Oier Lazkano (Movistar), Ion Izagirre, Harold Tejada (Astana-Kazakhstan), Mauro Schmid (Jayco-AlUla), Gijs Leemreize (DSM-firmenich-PostNL), Luca Vergallito (Alpecin-Deceuninck), Sam Oomen (Lidl-Trek) eta Mathis Le Berre (Arkea-B & B Hotels).
Lasterketa buruan ibili diren zortzi ziklistako taldeak lau minututik gorako abantaila atera dio tropelari. Mirador de Las Palomas mendatean Leemreize atzean geratu da. Gero, helmugarako 14 kilometro falta zirenean, Lazkanok jo du erasoa, eta euskaldunarekin batera aurrera egin dute Vergallitok eta Tejadak. Hortaz, zazpikotea hirukote bihurtu da. Lasterketaren burua tropelarekiko minutu eta 12 segundora heldu da Carzolako igoeraren hasierara.
Azken mendatea igotzen hasi bezain laster, erasoa jo du Tejadak, eta Lazkanok eutsi egin dio. Vergallito atzean geratu da, baina bi iheskideekin bat egitea lortu du.
Tropelean, Vuelta irabazteko faboritoen artean sua piztu du Primoz Roglicek. Lehenago, Joao Almeida (UAE Emirates) moztuta geratu da. Geroago, Roglicek beste erritmo aldaketa bat egin du. Esloveniarraren erasoaldien eraginez, ihesaldiko hirukotearen abentura amaitu egin da.
Enric Masek (Movistar) eutsi egin dio Roglici, eta bien artean erabaki da etapa garaipena. Esloveniarraren eta espainiarraren arteko lehian, Roglic gailendu da, Mas izan da bigarren eta Mikel Landa (Soudal Quick Step) hirugarren, irabazlearekiko 14 segundora helmugaratuta. O'Connor liderra etapa irabazlearekiko 39 segundora helmugaratu da.
Hortaz, Ben O'Connor dago sailkapen nagusiko lehen postuan, Primoz Roglic bigarren liderrarekiko 3 minutu eta 49 segundora eta Enric Mas hirugarren 4 minutu eta 31 segundora. Mikel Landa bosgarren postuan dago, Roglicekiko 5 minutu eta 13 segundora.
8. etapako sailkapena:
1 - ROGLIC Primož (Red Bull) 3:38:34
2 - MAS Enric (Movistar) d. b.
3 - LANDA Mikel (Soudal) +0:14
4 - TIBERI Antonio (Bahrain) +0:17
5 - SKJELMOSE Mattias (Lidl) +0:21
6 - RODRIGUEZ Carlos (INEOS) d. b.
7 - TEJADA Harold (Astana) +0:24
8 - DUNBAR Eddie (Jayco) +0:26
9 - VAN EETVELT Lennert (Lotto) +0:29
10 - HAIG Jack (Bahrain) d. b.
Sailkapen nagusia:
1 - O'CONNOR Ben (Decathlon) 31:23:27
2 - ROGLIC Primož (Red Bull) +3:49
3 - MAS Enric (Movistar) +4:31
4 - TIBERI Antonio (Bahrain) +5:00
5 - LANDA Mikel (Soudal) +5:13
6 - VAN EETVELT Lennert (Lotto) +5:15
7 - RODRIGUEZ Cristián (Arkea) +5:19
8 - SKJELMOSE Mattias (Lidl) +5:24
9 - LIPOWITZ Florian (Red Bull) +5:25
10 - GALL Felix (Decathlon) +5:26
Zure interesekoa izan daiteke
Enric Masek irabazi du Espainiako Vuelta, eta Tobias Halland Johannessen gailendu da azkeneko etapan
Primoz Roglic eta Felix Gall izan dira, hurrenez hurren, Enric Masen ondoan Vueltako podiumean. Bestalde, Tobias Halland Johannessen norvegiarrak esprintean menderatu ditu Alessandro Romele eta Ramses Debruyne Granadako helmugan.
2027ko Espainiako Vuelta Santiagotik aterako da eta irailean hasiko da
Lasterketa Galiziatik abiatzen den zortzigarren aldia izango da, eta "Donejakue Bidean oinarritutako lineako etapa" batekin hasiko da.
Mikel Landaren garaipenaren azken metroak Espainiako Vueltako 20. etapan
Mikel Landak 2026ko Espainiako Itzuliko 20. eta azken-aurreko etapa irabazi du larunbat honetan, Calahorra eta El Collado del Alguacil arteko 186,8 kilometroko etapa gogorra. Ikusi hemen lasterketako azken metroak.
Mikel Landa: “Neukan guztia eman dut"
Arabarrak garaipen handia lortu du Espainiako Itzuliko 20. etapan gailenduta ia bost urte garaipenik lortu gabe igaro ostean. Landa malko artean helmugaratu da.
Mikel Landak ‘landismoa’ berpiztu du Alguacil mendatean
Murgiako txirrindulariak 2026ko Espainiako Vueltako 20. eta azken-aurreko etapa irabazi du larunbat honetan, Calahorra eta Collado del Alguacil artean 186,8 kilometroko ibilbidea izan duena.
Eddie Dunbar gailendu da Peñas Blancas mendatean, eta Enric Masek erraz eutsi die aurkariei
Txirrindulari irlandarra bakarka helmugaratu da, Santiago Buitrago bukaerarako 500 metroren faltan gainditu eta gero. Primoz Roglic saiatu da Enric Mas atzean uzten, baina liderrak ondo eutsi die eraso saiakera guztiei, eta eskura dauka Vuelta.
Küngek irabazi du erlojupekoa eta Masek lidergoa mantendu du
Enric Masek maillot gorria mantendu du El Puerto de Santa María eta Jerez de la Frontera arteko erlojupekoan. Primoz Roglicek aldea murriztu du, baina ez lidergoa arriskuan jartzeko adina. Stefan Küngek irabazi du etapa denborarik onena eginda.
Matthew Brennanek ez du huts egin Sevillan, eta bosgarren aldiz gailendu da Espainiako Vueltan
Aurreikusita zegoenez, lasterketaren 81. ekitaldiko hamazortzigarren etapa esprintean erabaki da, eta Brennan, beste behin, onena izan da. Espainiako Vueltak, orain, osteguneko erlojupekoa du jomugan; izan ere, azken sailkapen nagusirako oso garrantzitsua izan liteke.
Matthew Brennanek Espainiako Vueltako azkarrena izaten jarraitzen du, eta lau garaipen daramatza esprintean
Visma Lease a Bike taldeko txirrindulari britainiarrak, asteartean, lasterketako 81. ekitaldiko hamaseigarren etapa irabazi du, Palos de la Fronteran. Sailkapen nagusian, ez dago aldaketarik, eta Enric Masek lehen postuari eutsi dio; 2:06ko aldea du Gallekiko, eta 2:10 Roglicekiko.
Van Aert bigarrenez nagusitu da, bero handiko etapan, eta Enric Masek lidergoari eutsi dio Kordoban
Wout van Aertek irabazi du Vueltako 15. etapa, Kordoban erabaki den esprint murriztuan nagusituta. Txirrindulari belgikarrak bigarren garaipena lortu du aurtengo edizioan, eta Enric Masek liderraren maillot gorria mantendu du, muturreko beroak eraginda ibilbidea murriztu behar izan duten jardunaldian.