Euskaltel-Euskadik Vueltan lehiatuko den taldea iragarri du
Euskaltel-Euskadik Espainiako Vueltan, abuztuaren 17tik irailaren 8ra, parte hartuko duten zortzi txirrindularien berri eman du asteazken honetan, Gasteizen, Artium Museoan egindako aurkezpenean. Jon Aberasturi, Xabier Berasategi, Mikel Bizkarra, Joan Bou, Victor De la Parte, Txomin Juaristi, Gotzon Martin eta Luis Angel Mate egongo dira lasterketaren irteeran.
Jorge Azanza nafarrak gidatutako taldeak "lehiarako prest" dauden eskalatzaileak ez ezik, "ihesaldiren bat borrokatzeko" gai diren txirrindulariak ere badituela nabarmandu dute ekitaldian.
Jon Aberasturi, adibidez, esprinten batean nagusitzeko hautagaia izango dela zehaztu dute. Gasteiztarrak "oso zaila" izango dela badakien arren, aldapan amaitzen diren lehen asteko etapei erreparatu die, alde izan ditzakeelako.
Bestetik, Victor de la Parte konforme izango da ihesaldietan parte hartuta eta "etaparen bat irabazteko lehian" egoten bada, sailkapen orokorreko lehen postuak lortzea erraza ez dela izango ohartuta, dagoen maila handia kontuan izanik.
Guztien jomugan dago, berriz, etxeko etapa, 18.a, irailaren 5ean, Gasteizen hasi eta Maeztun bukatuta. Rivas de Tereso mendatea igo ostean, Arabako Errioxan barrena ibiliko dira, eta Herrerako Mendateari aurre egin beharko diote. Guztira, ibilbideak 175 kilometro ditu.
Hirugarren Vuelta da talde laranjarentzat, 2018an aro berria abiatu zuenetik, 2021ean eta 2022an ere hartu baitzuen parte.
Zure interesekoa izan daiteke
Kazkabar ekaitz batek Vueltako hirugarren etapa bertan behera uztera behartu du
Antolatzaileek bertan behera utzi behar izan dute hirugarren etapa, Mont Louiseko igoeran izandako kazkabar ekaitz baten ondorioz.
Matthew Brennanek irabazi du Manosquen, esprintean, eta Tadej Pogacarrek lider jarraitzen du Espainiako Vueltan
Visma Lease a Bike taldeko txirrindulari britainiarra izan da azkarrena lasterketako bigarren etapako azken metroetan. Pogacar hirugarren postuan helmugaratu da, eta, hala, maillot gorriari eutsi dio, sailkapen nagusiko lehen tokian segitzen baitu.
Pogacarrek irabazi du Monakon, eta La Vueltako liderra da lehen egunean
Esloveniarrak bederatzi ehunenengatik irabazi dio Ethan Hayterri gorriz janzteko.
Mikel Landa Soudal Quick-Step taldeko liderra izango da bere hamargarren Vueltan
Horrela, arabarrak hamargarren aldiz korrituko du Espainiako Vuelta, kasu honetan Soudal Quick-Step taldeko lider gisa. Hala ere, Filippo Zana italiarra eta Valentin Paret-Peintre frantziarra dira sailkapen nagusirako taldearen beste aukerak.
Pello Bilbaok bere azken Espainiako Vueltan lehiatzeko aukera izango du Bahrain taldearekin
Frantziako Tourra galdu ostean, txirrindulari gernikarrak motibazio bereziarekin egingo dio aurre bere azken Vueltari, eta hiru asteetan zehar talde gaztea gidatzen lagunduko du. "Azkenean, Tourra korritu ez izanak Vuelta egiteko ateak ireki dizkit, eta oso motibatuta nago", adierazi du Bilbaok.
Markel Beloki gasteiztarra Vueltako irteeran izango da Carapaz buru duen EF taldearen eskutik
Txirrindulari arabarrak bere bigarren Vueltan izango duen zeregin nagusia taldeburu ekuadortarrari laguntzea izango da. "Denboraldian zehar hainbat lasterketatan izan ditut aukerak, baina orain taldeari ahalik eta gehien laguntzen saiatuko naiz. Hori da hurrengo hiru asteetarako helburu nagusia", azaldu du Belokik.
Kern Pharma Espainiako Vueltara itzuliko da, 2024an izandako arrakasta errepikatzeko asmoz
Berrade, Uriarte, Cobo, Brustenga, Ruiz, Elosegi, Ramiro Sosa eta Wenzel dira talde nafarrak Monakon larunbat honetan abiatuko den lasterketan parte hartzeko aukeratu dituen zortzi txirrindulariak.
2026ko Espainiako Vueltako etapa guztien profilak eta ibilbideak
81. Espainiako Vuelta abuztuaren 22tik irailaren 13ra bitartean jokatuko dute, eta Monakon hasiko da eta Granadan amaitu. Lasterketa kirolakeitb.eus-en eta ETBn jarraitu ahalko duzu, egunero-egunero.
Tadej Pogacar 2026ko Espainiako Vueltan izango da, abuztuaren 22tik aurrera
Frantziako Tourra bosgarrenez irabazi berritan, UAEko txirrindulari esloveniarrak hurrengo Espainiako Vuelta jokatuko du. 2019an parte hartu zuen, oraingoz aurrenekoz eta azkenekoz, Espainiako Vueltan; ekitaldi hartan, hirugarren postua lortu zuen, eta hiru etapa irabazi zituen.
Paula Blasik irabazi du Espainiako Vuelta, eta Ostolazak laugarren bukatu du
Azken etapa Anglirun amaitu da eta Petra Stiasnyk eraman du garaipena, Blasi baino 23 segundo azkarrago helmugaratuta.