Rigoberto Uran nagusitu da Tentudian eta Evenepoelek lidergoari eutsi dio
Rigoberto Uranek (EF Education-EasyPost) irabazi du Espainiako Vueltako 16. etapa, asteazken honetan (irailak 7) Aracena eta Tentudiako Monasterioa artean egin dena, 162,3 kilometroko ibilbidearekin. Remco Evenepoelek (Quick-Step Alpha Vinyl) lider jarraitzen du.
Eguneko albistea izan da Primoz Roglicek (Jumbo-Visma) Vuelta utzi duela bezperan, 15. etapan, izan zuen erorikoaren ondorioz. Esloveniarra sailkapen nagusiko bigarren postuan zegoen liderrarekiko minutu t'erdi baino gutxiagora. Roglic lasterketan ez egoteak sailkapen nagusia aldatu du, eta Movistarrek protagonismo handiagoa hartu du tropelean, Enric Mas bigarren baitago orain.
Eguneko ihesaldian egon diren txirrindularien artean erabaki da etapa garaipena. Maila handiko txirrindulariz osatutako talde batek, ihes egin du tropeletik eta azkeneraino iritsi da. Quentin Parcher (Groupama-FDJ), Jesus Herrada (Cofidis) eta Marc Soler (UAE Team Emirates) Uranekin batera iritsi dira azken txanpara, eta kolonbiarra nagusitu da, amaierarako 200 metro falta zirenean erasoa jo eta frantziarra eta bi espainiarrak atzean utzita. Parcher izan da bigarren, eta Herrada hirugarren. Solerrek laugarren amaitu du, Uranekiko 15 segundora. Vuelta irabazteko faboritoak tropelean iritsi dira, 5 minutu eta 11 segundora.
Sailkapen nagusiko lehen postuan jarraitzen du Evenepoelek. Belgikarrak 2'01"eko abantaila du bigarren den Masekiko eta 4'51" ateratzen dio hirugarren postuan dagoen Ayusori. Carlos Rodriguez (Ineos Grenadiers) da laugarren 5'20"ra eta Miguel Angel Lopez (Astana) bosgarren 5'33"ra.
Ostegun honetan 18. etapa jokatuko da, 192 kilometroko ibilbidea izango duen Trujillo eta Piornal artekoa.
ETAPAKO SAILKAPENA:
1 - URÁN Rigoberto (EF Education-EasyPost 3:42:28
2 - PACHER Quentin (Groupama) d.b.
3 - HERRADA Jesús (Cofidis) +0:02
4 - SOLER Marc (UAE) +0:15
5 - ELISSONDE Kenny (Trek) +0:26
6 - CHAMPOUSSIN Clément (AG2R) +0:29
7 - DE MARCHI Alessandro (Israel) +0:46
8 - JUNGELS Bob (AG2R) +0:55
9 - GESBERT Élie (Arkéa) +1:09
10 - CRADDOCK Lawson (BikeExchange) +1:30
SAILKAPEN NAGUSIA:
1 - EVENEPOEL Remco (Quick-Step) 65:14:05
2 - MAS Enric (Movistar) +2:01
3 - AYUSO Juan (UAE) +4:51
4 - RODRÍGUEZ Carlos (INEOS) +5:20
5 - LÓPEZ Miguel Ángel (Astana) +5:33
6 - ALMEIDA João (UAE) +6:51
7 - ARENSMAN Thymen (DSM) +7:46
8 - O'CONNOR Ben (AG2R) +9:11
9 - URÁN Rigoberto (EF Education) +9:33
10 - HINDLEY Jai (BORA) +11:40
Zure interesekoa izan daiteke
Enric Masek irabazi du Espainiako Vuelta, eta Tobias Halland Johannessen gailendu da azkeneko etapan
Primoz Roglic eta Felix Gall izan dira, hurrenez hurren, Enric Masen ondoan Vueltako podiumean. Bestalde, Tobias Halland Johannessen norvegiarrak esprintean menderatu ditu Alessandro Romele eta Ramses Debruyne Granadako helmugan.
2027ko Espainiako Vuelta Santiagotik aterako da eta irailean hasiko da
Lasterketa Galiziatik abiatzen den zortzigarren aldia izango da, eta "Donejakue Bidean oinarritutako lineako etapa" batekin hasiko da.
Mikel Landaren garaipenaren azken metroak Espainiako Vueltako 20. etapan
Mikel Landak 2026ko Espainiako Itzuliko 20. eta azken-aurreko etapa irabazi du larunbat honetan, Calahorra eta El Collado del Alguacil arteko 186,8 kilometroko etapa gogorra. Ikusi hemen lasterketako azken metroak.
Mikel Landa: “Neukan guztia eman dut"
Arabarrak garaipen handia lortu du Espainiako Itzuliko 20. etapan gailenduta ia bost urte garaipenik lortu gabe igaro ostean. Landa malko artean helmugaratu da.
Mikel Landak ‘landismoa’ berpiztu du Alguacil mendatean
Murgiako txirrindulariak 2026ko Espainiako Vueltako 20. eta azken-aurreko etapa irabazi du larunbat honetan, Calahorra eta Collado del Alguacil artean 186,8 kilometroko ibilbidea izan duena.
Eddie Dunbar gailendu da Peñas Blancas mendatean, eta Enric Masek erraz eutsi die aurkariei
Txirrindulari irlandarra bakarka helmugaratu da, Santiago Buitrago bukaerarako 500 metroren faltan gainditu eta gero. Primoz Roglic saiatu da Enric Mas atzean uzten, baina liderrak ondo eutsi die eraso saiakera guztiei, eta eskura dauka Vuelta.
Küngek irabazi du erlojupekoa eta Masek lidergoa mantendu du
Enric Masek maillot gorria mantendu du El Puerto de Santa María eta Jerez de la Frontera arteko erlojupekoan. Primoz Roglicek aldea murriztu du, baina ez lidergoa arriskuan jartzeko adina. Stefan Küngek irabazi du etapa denborarik onena eginda.
Matthew Brennanek ez du huts egin Sevillan, eta bosgarren aldiz gailendu da Espainiako Vueltan
Aurreikusita zegoenez, lasterketaren 81. ekitaldiko hamazortzigarren etapa esprintean erabaki da, eta Brennan, beste behin, onena izan da. Espainiako Vueltak, orain, osteguneko erlojupekoa du jomugan; izan ere, azken sailkapen nagusirako oso garrantzitsua izan liteke.
Matthew Brennanek Espainiako Vueltako azkarrena izaten jarraitzen du, eta lau garaipen daramatza esprintean
Visma Lease a Bike taldeko txirrindulari britainiarrak, asteartean, lasterketako 81. ekitaldiko hamaseigarren etapa irabazi du, Palos de la Fronteran. Sailkapen nagusian, ez dago aldaketarik, eta Enric Masek lehen postuari eutsi dio; 2:06ko aldea du Gallekiko, eta 2:10 Roglicekiko.
Van Aert bigarrenez nagusitu da, bero handiko etapan, eta Enric Masek lidergoari eutsi dio Kordoban
Wout van Aertek irabazi du Vueltako 15. etapa, Kordoban erabaki den esprint murriztuan nagusituta. Txirrindulari belgikarrak bigarren garaipena lortu du aurtengo edizioan, eta Enric Masek liderraren maillot gorria mantendu du, muturreko beroak eraginda ibilbidea murriztu behar izan duten jardunaldian.