Roglic eta Bernal faborito nagusi, hastear den Espainiako Itzulian
Primoz Roglic (Jumbo Visma) esloveniarra eta azken bi edizioetako irabazlea eta Egan Bernal (Ineos) kolonbiarra dira aurtengo Espainiako Itzulia irabazteko favorito nagusiak. Lasterketa larunbat honetan hasiko da Burgosko Katedralean, eta 21 etaparen ostean Santiago de Compostelan amaituko da, irailaren 5ean.
Irteeran munduko txirrindularirik onenak izango dira, Tadej Pogacar Frantziako Tourreko irabazlea izan ezik. Lehenengo etapa erlojupeko laburra izango da.
Tropelean beste izen handi batzuk ere badira. Movistarreko Enric Mas, seigarren aurtengo Tourrean, eta Miguel Angel Lopez kolonbiarra, biek "irabaztera" aterako direla adierazi dute.
Mikel Landa da kontuan izateko beste txirrindulari bat. Arabarrak ahaztuta du Italiako Giroan izandako erorikoa eta amaitu berri den Burgosko Itzulia irabazi du. Bahreinekm gainera, talde indartsua izango du errepidean: Damiano Caruso, bigarren aurtengo Italiako Giroan, Wout Poels, Gino Mader eta Mark Padun dira Landaren taldekideak.
23 talde parte-hartzaileen artean Caja Rural, Burgos BH eta Euskaltel-Euskadi daude, antolatzaileek gonbidatuta.
Ibilbidea
2021ko ibilbidean erlojuaren kontrako bi saio daude, bat hasieran eta beste bat amaieran, mendi asko (8 etapa mendateetan amaitzen dira) eta txirrindulari mota guztientzako aukerak.
Lehen astean, eta haizearen baimenarekin, esprinterrek protagonismoa izan dezakete. Hala ere, hirugarren egunean Picon Blanco igoko dute, ondoren, Culleran, 1.700 metrotara dagoen eta % 10eko aldapa duen mendatea igoko dute, eta astea Alacanten amaituko da, sei mendateko jardunaldi batekin, helmuga ere aldapan gora izango dute.
Bigarren astean, ibilbideak gorabehera asko izango ditu Almerian, eta Velefique maila bereziko mendatean amaituko den etapa bat. Ondoren, atseden eguna eta Extremadurako etapak.
Amaiera gogorra
Kantabria aldera egingo dute gero. Hiru etapa handi egingo dituzte bertan: Covadongako Lakuetakoa, edizio honetako etapa nagusia Gamoniteiru (Maila berezikoa; 14,6 km % 9,8an), San Lorenzo (1. mailakoa), La Cobertoria (1. mailakoa) eta Cordal (2. mailakoa), eta Galiziako klasikoetako bat, 202 kilometrokoa, oso gorabeheratsua, eta bost igoerarekin Castro de Hervillera bidean (2. mailakoa, % 16ko aldapekin).
Azken egunean, Padron eta Santiago arteko 33,8 kilometroko erlojuaren kontrako saioak erabakiko du azken podiumera zeintzuk igoko diren.
Zure interesekoa izan daiteke
Paula Blasik irabazi du Espainiako Vuelta, eta Ostolazak laugarren bukatu du
Azken etapa Anglirun amaitu da eta Petra Stiasnyk eraman du garaipena, Blasi baino 23 segundo azkarrago helmugaratuta.
Anna van der Breggenek bere legenda handitu du Les Praeresen garaipena lortuta
Sailkapen nagusian Van der Breggenek 18 segundora du Paula Blasi kataluniarra, eta 41era, berriz, Marion Bunel frantziarra.
Mischa Bredewoldek irabazi du bosgarren etapa esprintean
Herbeeretako txirrindulariak Lotte Kopecky taldekidea eta Letizia Paternoster (Liv AlUla Jayco) italiarra gainditu ditu helmugan. Gaurkoa zen mota honetako bukaera bat ikusteko azken aukera bihartik aurrera mendateak izango baitira garrantzitsu
Lotte Kopeckyk irabazi du laugarren etapa esprintean, eta lider maillota jantzi du
SD Worx taldeko belgikarrak bere indarra baliatu du gaurko esprintean, bi aldiz bigarren sailkatu ondoren. Gainera, Kopecky da Vueltako lider berria, 10 segundoko errentari esker, eta 6 segundoko aldea du Kocheken ondoan, eta 12koa ateratzen dio Kerbaolekeri.
Kerbaol bretoiak ezustekoa eman eta irabazi du Coruñan, eta Kochek lider jarraitzen du
Etapa esprintean erabaki behar zela zirudienean, Cedrine Kerbaolek (EF Education) helmugatik 2.000 metrora erasoa jotzea erabaki du. Bresteko txirrindulariak segundo gutxi batzuetako tartea zabaldu du, eta bakarrik, pozez zoratzen, helmugaratu da.
Bossuyt belgikarrak Franziska Koch lider berria gainditu du esprintean
Bossuytek ezin zuen sinetsi ere egin lasterketa handi batean lehen garaipena lortu izana, bere palmareseko laugarrena, baina esprintean ohore hori merezi izan du, txirrindulari onenak gainditu baititu.
Noemi Rüegg suitzarra, Vueltako lehen liderra
Euriak eta helmugara iristeko 8 kilometrora tropela zatitu duen erorikoak markatu dute lehen etapa.
Laboral Kutxak talde igotzailea eramango du Vueltara, eta Usoa Ostolaza izango du lider
Igandean hasiko da, eta Pauline Ferrand-Prevot frantziarra eta Kasia Niewiadoma poloniarra dira faborito nagusiak, Demi Vollering azken bi urteetako txapelduna ez baita bertan arituko.
2026ko Emakumezkoen Vuelta Anglirun amaituko da, zazpi etapa eta ibilbide gogor baten ostean
Emakumezkoen Espainiako Vueltak bere laugarren edizioa aurkeztu du. Galizia, Leon eta Asturias zeharkatuko ditu, podiuma goi-mendiko bi amaieretan erabaki aurretik.
2026ko Emakumezkoen Vuelta Galizian hasiko da maiatzaren 3an
Ibilbide osoaren berri martxoaren 9an emango dute, Ribeiran.