Cancellarak erlojupekoa irabazi eta Nibalik lidergoa berreskuratu du
Fabian Cancellarak (RadioShack) irabazi du Vueltako hamaikagarren etapa. Tarazonan hasi eta amaitu den erlojupekoan (38,8 kilometro) nagusi izan da txirrindulari suitzarra. Vincenzo Nibali (Astana) laugarren izan da, eta lidergoa berreskuratu du.
Cancellarak 51 minutu behar izan ditu ibilbidea burutzeko, eta 37 segundo atera dizkio bigarren izan den Tony Martini (Omega). Hirugarren postuan bukatu du Domenico Pozzovivok (Ag2r), suitzarrarekiko minutu bat eta hogeita lau segundora.
Vuelta irabazteko faboritoen artean Vincenzo Nibali izan da onena. Italiarrak laugarren postuan bukatu du erlojupekoa Cancellararekiko minutu eta hogeita lau segundora. Nibali sailkapen nagusiko lehen postuan dago, eta 46 segundo ateratzen dizkio bigarren sailkatua den Nicolas Rocherei (Saxo). Alejandro Valverde (Movistar) dago hirugarren postuan liderrarekiko 46 segundora. Chris Hornerri ere, 46 segundo ateratzen dizkio Nibalik, eta 2 minutu eta 33 segundoko abantila du Joaquim "Purito" Rodriguezekiko (Katusha).
11. etapako sailkapena:
.1. Fabian Cancellara (SUI/RadioShack) 51:00
.2. Tony Martin (ALE/Omega Pharma) + 37
.3. Domenico Pozzovivo (ITA/AG2R) + 1:24
.4. Vincenzo Nibali (ITA/Astana) + 1:25
.5. Dario Cataldo (ITA/Sky) + 1:41
.6. Nicolas Roche (IRL/Team Saxo) + 1:48
.7. Alejandro Valverde (ESP/Movistar) + 1:52
.8. Jerome Coppel (FRA/Cofidis) d.b.
.9. Janez Brajkovic (SLO/Astana) + 1:53
10. Samuel Sanchez (ESP/Euskaltel-Euskadi) + 2:13
Sailkapen nagusia:
.1. Vincenzo Nibali (ITA/Astana) 41h.22:22
.2. Nicolas Roche (IRL/Saxo-Tinkoff) + 33
.3. Alejandro Valverde (ESP/Movistar) + 46
.4. Christopher Horner (USA/RadioShack) d.b.
.5. Joaquim Rodriguez (ESP/Katusha) + 2:33
.6. Domenico Pozzovivo (ITA/AG2R) + 2:44
.7. Ivan Basso (ITA/Cannondale) + 2:55
.8. Thibaut Pinot (FRA/FDJ) + 3:35
.9. Rafal Majka (POL/Saxo-Tinkoff) + 3:46
10. Daniel Moreno (ESP/Katusha) + 3:56
Zure interesekoa izan daiteke
Paula Blasik irabazi du Espainiako Vuelta, eta Ostolazak laugarren bukatu du
Azken etapa Anglirun amaitu da eta Petra Stiasnyk eraman du garaipena, Blasi baino 23 segundo azkarrago helmugaratuta.
Anna van der Breggenek bere legenda handitu du Les Praeresen garaipena lortuta
Sailkapen nagusian Van der Breggenek 18 segundora du Paula Blasi kataluniarra, eta 41era, berriz, Marion Bunel frantziarra.
Mischa Bredewoldek irabazi du bosgarren etapa esprintean
Herbeeretako txirrindulariak Lotte Kopecky taldekidea eta Letizia Paternoster (Liv AlUla Jayco) italiarra gainditu ditu helmugan. Gaurkoa zen mota honetako bukaera bat ikusteko azken aukera bihartik aurrera mendateak izango baitira garrantzitsu
Lotte Kopeckyk irabazi du laugarren etapa esprintean, eta lider maillota jantzi du
SD Worx taldeko belgikarrak bere indarra baliatu du gaurko esprintean, bi aldiz bigarren sailkatu ondoren. Gainera, Kopecky da Vueltako lider berria, 10 segundoko errentari esker, eta 6 segundoko aldea du Kocheken ondoan, eta 12koa ateratzen dio Kerbaolekeri.
Kerbaol bretoiak ezustekoa eman eta irabazi du Coruñan, eta Kochek lider jarraitzen du
Etapa esprintean erabaki behar zela zirudienean, Cedrine Kerbaolek (EF Education) helmugatik 2.000 metrora erasoa jotzea erabaki du. Bresteko txirrindulariak segundo gutxi batzuetako tartea zabaldu du, eta bakarrik, pozez zoratzen, helmugaratu da.
Bossuyt belgikarrak Franziska Koch lider berria gainditu du esprintean
Bossuytek ezin zuen sinetsi ere egin lasterketa handi batean lehen garaipena lortu izana, bere palmareseko laugarrena, baina esprintean ohore hori merezi izan du, txirrindulari onenak gainditu baititu.
Noemi Rüegg suitzarra, Vueltako lehen liderra
Euriak eta helmugara iristeko 8 kilometrora tropela zatitu duen erorikoak markatu dute lehen etapa.
Laboral Kutxak talde igotzailea eramango du Vueltara, eta Usoa Ostolaza izango du lider
Igandean hasiko da, eta Pauline Ferrand-Prevot frantziarra eta Kasia Niewiadoma poloniarra dira faborito nagusiak, Demi Vollering azken bi urteetako txapelduna ez baita bertan arituko.
2026ko Emakumezkoen Vuelta Anglirun amaituko da, zazpi etapa eta ibilbide gogor baten ostean
Emakumezkoen Espainiako Vueltak bere laugarren edizioa aurkeztu du. Galizia, Leon eta Asturias zeharkatuko ditu, podiuma goi-mendiko bi amaieretan erabaki aurretik.
2026ko Emakumezkoen Vuelta Galizian hasiko da maiatzaren 3an
Ibilbide osoaren berri martxoaren 9an emango dute, Ribeiran.