Isaac del Torok 2031ra arte luzatu du UAE taldearekin duen kontratua
Del Torok, 22 urtekoa bera, hirugarren postua lortu berri du 2026ko Frantziako Tourrean, eta bigarren sailkatu zen 2025eko Italiako Giroan. Hala, Arabiar Emirerri Batuetako taldeak erdietsi du jarraitzea “munduko txirrindulari gazterik onenetako batek, haren ibilbideko urterik onenetan izan ahal diren denboraldietan”.
Isaac del Toro, etapa bat irabazi berritan, 2026ko Frantziako Tourrean. Argazkia: Europa Press.
Isaac del Toro txirrindulari mexikarrak 2031ra arte luzatu du UAE Team Emirates-XRG taldearekin duen kontratua, ostegunean Arabiar Emirerri Batuetako taldeak iragarri duenez. Del Torok, 22 urtekoa bera, hirugarren postua lortu berri du 2026ko Frantziako Tourrean, eta bigarren sailkatu zen 2025eko Italiako Giroan. Hala, UAEk erdietsi du taldean jarraitzea “munduko txirrindulari gazterik onenetako batek, haren ibilbideko urterik onenetan izan ahal diren denboraldietan”.
2026an, Del Torok UAE Tourra, Tirreno-Adriatico lasterketa eta Auvernia-Rodano-Alpeetako Tourra irabazi ditu, bai eta Frantziako Tourreko etapa bat ere. Azken lasterketa horretan, hori gutxi balitz bezala, gazteen sailkapena bereganatu du.
“Taldean hasi nintzenetik, denek izan dute konfiantza nigan, eta ingururik onena eman didate neure burua garatzeko, txirrindularitzan eta esparru pertsonalean. Denboraldi guztietan ikasi diet zerbait taldekideei eta inguruan ditudan langileei, eta uste dut etengabe ari naizela hobera egiten”, nabarmendu du Del Torok, akordioa iragarritakoan.
Zure interesekoa izan daiteke
Xabier Berasategik Euskaltel-Euskadirekin berritu du, 2028ra arte
“Oso berezia da laranjaz jantzita lehiatzea, eta etxeko taldean txirrindularitzan hazten jarraitzea”, adierazi du 26 urteko txirrindulari gipuzkoarrak. 2026ko denboraldian, lortutako UCI puntuei erreparatuta, Euskaltel-Euskadiko ziklistarik onena da.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.
Volleringek irabazi du bosgarren etapa: esprinta estua izan da, baina Reusser eta Niewiadoma gainditu ditu
Demi Vollering (FDJ - Suez) holandarrak irabazi du Frantziako Tourreko bosgarren etapa, Mâcon eta Belleville-en-Beaujolais artean jokatu dena. Marlen Reusserrek (Movistar) sailkapen nagusiko lidergoari eustea lortu du.
Vollering nagusi, Belleville-en-Beaujolaisko kaosean, eta Reusserrek lider jarraitzen du
Bestalde, Usoa Ostolaza zarauztarrak (Laboral Kutxa-Euskadi) egun gogorra izan du, etaparen hasieran erori egin baita. Txirrindulari gipuzkoarrak lasterketan jarraitu du, baina laster geratu da atzean.
Onley eta Ciccone, nor baino nor gehiago Burgosko Itzuliko bigarren etapako esprintean
Oscar Onleyk bereganatu du garaipena Valle del Solerako igoeran, eta, hori gutxi balitz bezala, lasterketako liderraren maillota janztea lortu du.
Onley Ciccone baino gehiago izan da Valle del Solen, eta Burgosko Itzuliko liderra da
Netcompany INEOS taldeko txirrindulari eskoziarra Lidl-Trekeko ziklista italiarra baino azkarrago ibili da, azken metroetan, eta, hala, lasterketako bigarren etapan gailendu da, eta sailkapen nagusiko lehen postuan jarri. Markel Beloki zazpigarren tokian helmugaratu da.
Reusserrek Nooijen eta Vollering gainditu ditu erlojupekoan, eta horiz jantzi da
Movistar taldeko txirrindulari suitzarrak, Europako eta munduko txapelduna erlojupekoan, ez du hutsik egin bere espezialitatean. Frantziako Tourreko laugarren etapa irabazi du, eta sailkapen nagusiko lidertza eskuratu.
Igoera eta esprinta, eta Brennanen garaipena, Burgosko Itzuliko lehen etapako azken kilometroan
Visma taldeko txirrindulari britainiarra bikain gailendu da, Castillo mendatean; izan ere, amaierari onena eman dio taldekideen lan ederrari.
Reusser suitzarrak hegan egin du erlojupekoan, eta maillot horia kendu dio Haugseti
Lieje Nooijen herbeheretarrak (Visma) denborarik onena markatu du probaren zati handi batean, baina, azkenean, Marlen Reusser suitzarrak (Movistar) haren marka hautsi du, lau segundoko aldearekin. Horrela, munduko txapeldunak aurreikuspen guztiak bete ditu.