Ruben Perez eta Pablo Urtasun, Euskaltel-Euskadiko kirol zuzendari berriak
Euskaltel-Euskadi txirrindularitza taldeak arlo teknikoa handitu du, Ruben Perez eta Pablo Urtasun kirol zuzendari izendatu baititu hurrengo denboraldirako.
Fundazioaren arabera, Perezek eta Urtasunek beraien esperientzia zabala eskainiko dute Jorge Azanzaren gidaritzapean. Halaber, Santi Barrancok osatuko du kirol zuzendarien multzoa 2025. urteko denboraldiari begira. Pello Olaberriak, aldiz, ez du jarraituko kirol zuzendari bezala, eta Euskadi Fundazioak eskertu egin dio erakutsitako konpromisoa.
Jorge Azanza, Ruben Perez eta Pablo Urtasun bost denboraldiz aritu ziren Euskaltel-Euskadiren maillotarekin, 2009 eta 2013 artean. Iñaki Isasi Euskadi Fundazioko presidentea ere izan zen haiekin, lehenik txirrindulari gisa, 2009 eta 2011 artean, eta ondoren zuzendari bezala.
Horrela, Euskaltel-Euskadik bere talde teknikoa sendotu du "eskarmentu handiko bi zuzendarirekin", datorren denboraldiko erronkei aurre egiteko. 21 txirrindulariko taldea indartu egin da, proba eta eremu guztietan protagonista izateko, eta egutegiko lehiaketa egunak gehituko ditu, 2026an Espainiako Vueltaren gonbidapenak jasotzeko aukera ematen duen UCI World Tourreko sailkapeneko lehen 30 taldeen artean sailkatzeko asmoz.
Jorge Azanza Euskaltel-Euskadiko kirol arduradunak adierazi duenez, "laranjaz jantzitako bi taldekide ohi dira, lagunak arlo pertsonalean eta, aldi berean, inguruko kirol zuzendari onenetako bi. Taldeari sendotasun handia emango diotela uste dut, eta ekarpen handia egingo dutela. Bi zuzendari prestatuak dira, eta taldea, doan lekura doala, oso ondo zuzenduta egongo da".
Hain zuzen ere, Ruben Perezek (1981, Zaldibar) Euskadi Fundazioan egin zuen txirrindularitza munduan bere ibilbide osoa, lehenik Orbea taldean (2005) eta 2006tik 2013ra Euskaltel-Euskadin. Kirol zuzendari gisa, Burgos-BH eta Euskadi Murias taldeetan eta Cafe Baque amateurrean egin du lan. Txirrindulari profesional gisa, Frantziako Tourreko zazpi edizio eta Espainiako Vueltako lau jokatu zituen, eta Espainiako Vuelta, Suitzako Tourra eta Eneco Tour lasterketetan garaipena eskuratzeko gertu izan zen.
Bestalde, Urtasun (1980, Urdiain) Euskaltel-Euskadiko txirrindularia izan zen 2009 eta 2013 artean, eta bere ibilbidean Frantziako Tourreko eta Vueltako bi edizio eta Giroko edizio bat jokatu, eta sei garaipen eskuratu zituen. Zuzendari bezala, Kern Pharma taldetik dator, eta Team Ukyo zuzendu zuen aurretik.
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
Euskadi Fundazioak hamalau txirrindulari izanen ditu 2026 denboraldian
Euskadi Fundazioko formakuntza taldeak, Euskaltel-Euskadiren filiala dena, zazpi txirrindulariren gehitzea iragarri du astelehen honetan
Jasotako aukerengatik eskertuta, Red Bull-Boraren eskutik goi mailara jauzi egiteko prest da Haimar Etxeberria
Bere managerrak gonbidatuta, Haimar Etxeberria astebeteko egonaldia egiten ari da Kanaria Handian. Pogacar, Sivakov edota Philipsen bezalakoekin entrenatzen ari da egunotan. Hemendik aurrera, izen handi horiek ohiko aurkari izango ditu.
Caja Rural-Seguros RGAk Fernando Gaviria fitxatu du 2026ko denboraldirako
Horrela, Nafarroako taldeak bere ibilbidean zehar Frantziako Tourreko bi etapa garaipen eta Italiako Giroko bost dituen txirrindulari bat fitxatu du. Gaviria, 31 urtekoa bera, Movistar taldetik ailegatu da Caja Rural-Seguros RGAra.
Ken Pharmak sei txirrindularik taldea utziko dutela iragarri du
Pau Miquel, Jose Felix Parra, Unai Aznar, Miguel Angel Fernandez, Kiko Galvan eta Haimar Etxeberria dira; azken hori Red Bull-BORAn arituko da.
NSN enpresak Israel Premier Techen lekua hartuko du txirrindularitza profesionalean
Never Say Never Andres Iniesta futbolari ohiak eta Stoneweg enpresak fundatu dute. Stoneweg inbertsio plataforma hispaniar-suitzarra da, eta dagoeneko akziodun berria da.
Joao Almeida 2025eko Euskal Herriko Itzuliaren irabazleak UAErekin berritu du, 2028ra arte
Horrela, Espainako Vueltan bigarren postuan amaitu zuen Almeidak Tadej Pogacarren taldean jarraituko du hurrengo hiru denboraldietan, gutxienez.
2026ko Itzulia Bergaran amaituko da, Gorla, Asentzio eta Azkarate mendateak bi aldiz igo ondoren
Txirrindulariek, beraz, apirilean azken etapa gogorra gainditu beharko dute, ohikoa baino gogorragoa. Antzuolatik abiatu eta Bergarako hirigunean bukatuko da, 2004tik etapa amaierarik ez zuen herrian.
Kern Pharmak Jose Maria Martin fitxatu du, 2027ra arte
Andaluziarrak, hamaika garaipen lortu ditu afizionatuetan, 2025eko denboraldian: "2026an, txirrindulari eta pertsona moduan aurrepauso handia ematea espero dut; taldeari lagundu, hobetzen jarraitu, eta noraino ailegatzen ahal naizen ezagutu".
Laboral Kutxa Euskadik Sara Fiorin esprinter italiarra fitxatu du
Txirrindulari italiarra Ceratizit taldetik dator, eta talde moreak sasoi berrirako egin duen bosgarren fitxaketa da.