Jon Agirre Euskaltel-Euskadin arituko da hurrengo bi denboraldietan
Jon Agirre txirrindulari zumaiarra Euskaltel-Euskadi taldean arituko da hurrengo bi denboraldietan, 2025ean eta 2026an. Euskal harrobian hazitako txirrindularia da Agirre, eta bost urteko eskarmentua du profesionaletan, Kern Pharma taldean.
Aurtengo Portugalgo Tourreko hiru etapatan lehen bosten artean sailkatu da, eta 12. bukatu du sailkapen nagusian; iaz, berriz, zortzigarren izan zen Langkawiko Tourrean eta hamargarren Txekiako Tourrean.
Txirrindulari zumaiarrak adierazi du berarentzat "amets bat" dela Euskaltel-Euskadi taldean aritzea. "Txiki-txikitatik, umea izanik, lasterketak ikustera joaten zinenean dena laranja jantzita ikusten zenuen, eta barruan egoteak ilusio berezia egiten dizu beti. Orain, aukera heldu zait, eta ez dut dudarik izan bertan lehiatzeko", esan du.
Agirrerena Euskaltel-Euskadik datorren urteari begira iragarritako hirugarren fitxaketa da, Ander Ganzabalen eta Louis Suttonen ondoren. Bestalde, Xabier Berasategiren kontratu berritzea eta Mikel Bizkarraren luzapena ere baieztatu ditu taldeak.
Zure interesekoa izan daiteke
Italiako Giroa, maiatzaren 8tik 31ra, EITBn
2026ko Italiako Giroak maiatzaren 8an, ostirala, ekingo dio edizio berriari. Aurten ere, lasterketa EITBn jarraitu ahal izango da zuzenean.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Itzulia Women lasterketaren ibilbidea aurkeztu dute
Maiatzaren 15etik 17ra egingo da 2026ko Itzulia Women Lasterketa. 3 etapa izango ditu, lehenengoa Zarautzen hasi eta amaituko da; bigarrena Abadiño eta Amorebieta artean; hirugarrena, berriz, Donostian egingo da. Datozen egunetan emangio dute taldeen berri.
2026ko Itzulia Women lasterketan hamalau mendate puntuagarri izango dira, hiru etapatan, maiatzaren 15etik 17ra bitartean
Lasterketako bosgarren ekitaldia Zarautzen hasiko da, maiatzaren 15ean, ostiralez, eta Donostian amaitu, hilaren 17an, igandez. Hiru etapa izango ditu probak: Zarautz-Zarautz (121,3 kilometro), Abadiño-Zornotza (138 kilometro), eta Donostia-Donostia (113,1 kilometro).
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.