Jonas Vingegaardek alta jaso du, Txagorritxun ospitaleratuta hamabi egun emanda
Visma Lease a Bike taldeko Jonas Vingegaard txirrindulari danimarkarrak alta jaso du asteartean, Arabako Unibertsitate Ospitalea-Txagorritxuko egoitzan (Gasteiz) ospitaleratuta hamabi egun emanda, Herbehereetako taldeak baieztatu duenez. Vingegaard hilaren 4an ospitaleratu zuten, 2024ko Euskal Herriko Itzuliaren laugarren etapan izandako eroriko larrian hainbat lesio larri izan zituelako; hain zuzen ere, 2022ko eta 2023ko Frantziako Tourraren irabazleak, besteak beste, lepauztaia eta saihets-hezur batzuk zituen hautsita, erorikoaren eraginez.
Vismak argitaratu du, sare sozialetan, irudi bat, eta horretan ikusgai dago nola irten den ospitaletik txirrindularia: "Osasun langile guztiei eskerrak eman nahi dizkiet ni horren ondo zaintzeagatik, eta guztioi, emandako babes moralagatik", azaldu du ziklistak. Danimarkarrak nabarmendu du hainbat mezu, opari eta marrazki jaso dituela, eta adierazi du pentsatzen duela heldua dela "berriro ere guztiz sendatzeko unea".
Erorikoaren ondorioz, Vingegaardek lepauztaia eta hainbat saihets hezur zituen hautsita, bai eta birika bat kolapsatuta eta birika-makadura ere. Dozena bat txirrindulariri eragin zien istripuak, tartean lider zebilen Primoz Roglici eta Itzulia irabazteko hautagai nagusietakoa zen Remco Evenepoel belgikarrari.
Zure interesekoa izan daiteke
Italiako Giroa, maiatzaren 8tik 31ra, EITBn
2026ko Italiako Giroak maiatzaren 8an, ostirala, ekingo dio edizio berriari. Aurten ere, lasterketa EITBn jarraitu ahal izango da zuzenean.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Itzulia Women lasterketaren ibilbidea aurkeztu dute
Maiatzaren 15etik 17ra egingo da 2026ko Itzulia Women Lasterketa. 3 etapa izango ditu, lehenengoa Zarautzen hasi eta amaituko da; bigarrena Abadiño eta Amorebieta artean; hirugarrena, berriz, Donostian egingo da. Datozen egunetan emangio dute taldeen berri.
2026ko Itzulia Women lasterketan hamalau mendate puntuagarri izango dira, hiru etapatan, maiatzaren 15etik 17ra bitartean
Lasterketako bosgarren ekitaldia Zarautzen hasiko da, maiatzaren 15ean, ostiralez, eta Donostian amaitu, hilaren 17an, igandez. Hiru etapa izango ditu probak: Zarautz-Zarautz (121,3 kilometro), Abadiño-Zornotza (138 kilometro), eta Donostia-Donostia (113,1 kilometro).
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.