2024ko Strade Bianche lasterketa: ibilbidea, profila eta ordutegia
Strade Bianche, alegia, Toscana Italiako eskualdean urtero egiten duten eta hainbat kilometrotan lurreko bideak zeharkatzen dituen egun bakarreko proba, larunbatean jokatuko dute, martxoaren 2an; hain zuzen ere, hamargarren aldiz jokatuko dute emakumezkoen proba, eta hamazortzigarrenez gizonezkoena. UCI World Tour maila du, hau da, gorenekoa, eta, ondorioz, munduko talderik onenek parte hartuko dute. Lasterketan izango diren txirrindularien artean, izen handiko asko daude. Laboral Kutxa-Euskadi Fundazioa taldea ere izango da irteeran, Ane Santestebanekin eta Lourdes Oyarbiderekin, eta Cofidiseko Jonathan Lastrak ere jokatuko du proba.
Hain zuzen ere, 2024ko Strade Bianche Donne (hori da izen ofiziala) 9:40an hasiko da, Sienan, eta hiri horreha bertan amaituko da, ziklistek 137 kilometro eginda; antolatzaileen aurreikuspena da irabazleak 13:27tik 13:58ra bitartean amaitzea lasterketa. Garaipena eskuratzeko faboritoen zerrenda, Santesteban eta Oyarbide kenduta, hauek ere daude: Demi Vollering eta Lotte Kopecky (SD Worx-Protime), Elisa Longo Borghini (Lidl-Trek), Silvia Persico (UAE), edo Ashleigh Moolman (AG Insourance-Soudal).
Ikusi 2024ko Strade Bianche Donne lasterketako profila
Gizonezkoen lasterketari dagokionez, aurreikusita dago tropela 11:10ean irtetea Sienatik, eta irabazleak 15:33tik 16:01era bitartean amaitzea lana, Sienan ere, 215 kilometro eginda. Lasterketa irabazteko hautagaiak diren txirrindularien zerrendan hauek sartuko ditugu: Tom Pidcock (INEOS-Grenadiers), 2023ko garailea, eta Tadej Pogacar (UAE), 2022ko aurrenekoa, Jonathan Lastra Cofidis taldeko bilbotarra, Christophe Laporte eta Sepp Kuss (Visma), Geraint Thomas, Michal Kwiatkowski eta Thymen Arensman (INEOS), Lennard Kamna (BORA-hansgrohe), Richard Carapaz, Alberto Bettiol eta Ben Healy (EF Education-EasyPost), Stephen Williams (Israel-Premier Tech), Julian Alaphilippe (Soudal-Quick Step), Romain Bardet eta Warren Barguil (DSM), Tim Wellens (UAE), Magnus Cort (Uno-X) eta Matej Mohoric (Bahrain-Victorious).
Hemen duzu gizonezkoen 2024ko Strade Bianche lasterketako profila
Zure interesekoa izan daiteke
Zenbat balio du UCI World Tourreko lasterketa bat antolatzeak?
Ikuskizuna bai, baina UCI World Tourreko lasterketa bat antolatzea garestia ere bada. Xabier Usabiagak kostuak zeintzuk eta zenbatekoak diren azaldu dizkigu, Itzulia eta Danilith Nokere Koerse adibidetzat jarrita.
Vingegaardek erakustaldia eman du Carì mendatean: lau etapa garaipen daramatza, eta aurkariak bigarren postuaren bila dabiltza
Jonas Vingegaardek 2026ko Italiako Giroko maglia arrosa du aldean, eta hamaseigarren etapan are gehiago sendotu du lehen postu hori; eguna Carì lehen mailako mendatean amaitu da, eta danimarkarrak erabat kontrolpean izan ditu aurkariak. Hala, azken horiek podiumeko beste bi postuak ari dira jokatzen.
Visma taldea nagusi izan da Cariko igoeran, eta Vingegaardek Giroa erabakita utzi du
Tropelak eguneko ihesaldia azken igoerako lehen aldapetan harrapatu du, eta, Team Visma-Lease taldeak gidatuta, erritmo gogorra ezarri du Cariko aldapa gogorretan (11,6 km % 8ra). Vingegaardek erasoa jo du helmugatik 6 kilometrora, eta bere laugarren etapa garaipena lortu du.
2026ko Italiako Giroko 20. etaparen ibilbidea, profila eta ordutegia: Gemona del Friuli-Piancavallo (200 km)
109. Italiako Giroaren azken-aurreko etapako azken hirurogeita hamar kilometroetan, txirrindulariek bi aldiz igo beharko dute Piancavallo lehen mailako mendate gogorra. Hor, Piancavallon, eguna amaituko da, eta ziklistei soilik beste etapa bat geldituko zaie, Erromakoa; hortaz, ia-ia dena erabakiko da 20. etapa honetan.
2026ko Italiako Giroko 19. etaparen ibilbidea, profila eta ordutegia: Feltre-Alleghe (151 km)
Dolomita Alpeetan jokatuko den etapa ikaragarri gogorra da. Txirrindulariek ibilbidean sei mendate jarraian eta, gutxi gorabehera, 5.000 metroko desnibela gainditu beharko dituzte.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Yara Kastelijnek irabazi du Burgosko Itzulia, eta Usoa Ostolaza hirugarren izan da
Sailkapen nagusian ez ezik, Neilako aintziretan bukatu den etapan ere hirugarrena izan da txirrindulari zarauztarra. Azken etapan, berriz, Kastelijn txapelduna gailendu da.
Joseba Beloki: “Oso Giro arraroa izaten ari da"
Joseba Beloki txirrindulari ohi eta Giroan lehian ari den Markel Belokiren aitak lasterketaren lehen bi asteen analisia egin du. Giro honetan txirrindulariak "oso azkar" ibili direla esan du eta Giroa bukatzeko falta diren etapetan mugimendu gutxi izango direla iragarri du.
Fredrik Dversnes nagusitu den Italiako Giroko 15. etapako azken kilometroa
Fredrik Dversnes Lavik (Uno-X) norvegiarrak eta Mirco Maestri (Polti) eta Martin Marcellusi (Bardiani) italiarrek esprintean erabaki dute Italiako Giroko 15. etaparen irabazlea. Dversnes gailendu da, lasterketa osoa ihesaldian eman ondoren.
Fredrik Dversnes norvegiarrak garaipen handia lortu du Milanen, ihesaldia azkeneraino eramanda
Martin Marcellusi (Bardiani), Mattia Bais (Polti), Mirco Maestri (Polti) eta Fredrik Dversnes (Uno-X) txirrindulariek helmugaraino eraman dute eguneko ihesaldia. Tropelak ezin izan ditu harrapatu, eta txirrindulari norvegiarra gailendu da esprintean.