Juan Ayuso, garaile Getxon
Juan Ayusok (UAE Emirates) irabazi du Getxoko Sari Nagusiko 77. edizioa, igande honetan egin dena (uztailak 31) Bilbo eta Getxo arteko 196,5 kilometroko ibilbidearekin. Espainiarrak bere ibilbide profesionaleko lehen garaipena lortu du.
Ayuso ihes eginda iritsi da azken kilometroetara Andrea Piccolo (Drone Hopper - Androni Giocattoli), Wilco Kelderman (Bora-hansgrohe) eta Valentin Ferron (TotalEnergies) txirrindulariekin batera. Euren artean erabaki da irabazlea esprint estu batean, eta Ayuso izan da onena. Piccolo izan da bigarren; Kelderman, hirugarren eta Ferron, laugarren. Laukotearen atzetik helmugaratu dira 12 segundora Emanuel Buchmann (Bora-hansgrohe) eta Alex Aranburu (Movistar), bosgarren eta seigarren hurrenez hurren.
Eguneko lehen ihesaldia 10. kilometroan suertatu da, eta bertan izan dira Asier Etxebarria (Euskaltel-Euskadi), Alex Martin (Eolo Kometa), Joseph Rosskopf (Human Powered) eta Etienne van Empel (China Glory). Jarraian gehitu zaizkie Angel Madrazo (Burgos BH), Javier Gil (Bahrain Victorious) eta Edwin Yair Torres (Java Kiwi Atlantico); eta, geroago, Juan Esteban Guerrero (Electro Hiper Europa) eta Juan Diego Alba (Dronne Hopper-Androni Giocateli). Bederatzi gizoneko talde honek 100 kilometro eman ditu ihes eginda, baina tropelak harrapatu ditu helmugarako 57 kilometro falta zirenean. Ondoren, beste hiru txirrindularik egin dute jauzi tropeletik eta lasterketa buruan ibili dira Jose Maria Garcia (Electro), Xabier Isasa (Euskaltel-Euskadi) eta berriz ere Alba. Hirukotearen saiakera bertan behera geratu da helmugara iristeko 38 kilometro falta zirenean, tropelean UAE taldeak jarri duen erritmo biziaren eraginez.
Hirukotea harrapatu ostean Rui Costak jo du erasoa UAE Emirates taldearen erritmo biziari jarraipena emateko asmoz. Haren atzetik atera da Alex Aranburu eta zazpiko talde bat sortu da; orduan, Keldermanek aurrera egin du. Pike Bidea igota, Kelderman eta Piccolo ibili dira lasterketa buruan. Ayuso atzetik abiatu da euren bila, eta kosta egin zaion arren, bat egin du lasterketa buruarekin. Espainiarrarekin batera, Ferron ere iritsi da burura. Laurak ihes eginda heldu dira azken metroetara, Ayuso izan da azkarrena hor, eta garaipena lortu du.
Sailkapena:
1 - AYUSO Juan (UAE Emirates) 4:38:31
2- PICCOLO Andrea (Drone Hopper) d. b.
3 - KELDERMAN Wilco (BORA) d. b.
4 - FERRON Valentin (TotalEnergies) d. b.
5 - BUCHMANN Emanuel (BORA) +0:12
6 - ARANBURU Alex (Movistar) d. b.
7 - HERRADA Jesús (Cofidis) +0:17
8 - BENNETT George (UAE Emirates) d. b.
9 - BARCELÓ Fernando (Caja Rural) d. b.
10 - SIMON Julien (TotalEnergies) d. b.
Zure interesekoa izan daiteke
2026ko Italiako Giroko 20. etaparen ibilbidea, profila eta ordutegia: Gemona del Friuli-Piancavallo (200 km)
109. Italiako Giroaren azken-aurreko etapako azken hirurogeita hamar kilometroetan, txirrindulariek bi aldiz igo beharko dute Piancavallo lehen mailako mendate gogorra. Hor, Piancavallon, eguna amaituko da, eta ziklistei soilik beste etapa bat geldituko zaie, Erromakoa; hortaz, ia-ia dena erabakiko da 20. etapa honetan.
2026ko Italiako Giroko 19. etaparen ibilbidea, profila eta ordutegia: Feltre-Alleghe (151 km)
Dolomita Alpeetan jokatuko den etapa ikaragarri gogorra da. Txirrindulariek ibilbidean sei mendate jarraian eta, gutxi gorabehera, 5.000 metroko desnibela gainditu beharko dituzte.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Yara Kastelijnek irabazi du Burgosko Itzulia, eta Usoa Ostolaza hirugarren izan da
Sailkapen nagusian ez ezik, Neilako aintziretan bukatu den etapan ere hirugarrena izan da txirrindulari zarauztarra. Azken etapan, berriz, Kastelijn txapelduna gailendu da.
Joseba Beloki: “Oso Giro arraroa izaten ari da"
Joseba Beloki txirrindulari ohi eta Giroan lehian ari den Markel Belokiren aitak lasterketaren lehen bi asteen analisia egin du. Giro honetan txirrindulariak "oso azkar" ibili direla esan du eta Giroa bukatzeko falta diren etapetan mugimendu gutxi izango direla iragarri du.
Fredrik Dversnes nagusitu den Italiako Giroko 15. etapako azken kilometroa
Fredrik Dversnes Lavik (Uno-X) norvegiarrak eta Mirco Maestri (Polti) eta Martin Marcellusi (Bardiani) italiarrek esprintean erabaki dute Italiako Giroko 15. etaparen irabazlea. Dversnes gailendu da, lasterketa osoa ihesaldian eman ondoren.
Fredrik Dversnes norvegiarrak garaipen handia lortu du Milanen, ihesaldia azkeneraino eramanda
Martin Marcellusi (Bardiani), Mattia Bais (Polti), Mirco Maestri (Polti) eta Fredrik Dversnes (Uno-X) txirrindulariek helmugaraino eraman dute eguneko ihesaldia. Tropelak ezin izan ditu harrapatu, eta txirrindulari norvegiarra gailendu da esprintean.
ZUZENEAN: Italiako Giroko 15. etapa, Voghera-Milano (157 km)
Jarraitu Italiako Giroko 15. etapako zuzeneako emanaldia, Voghera-Milano (157 km).
Arrieta, mendiko maillotaz: “Vingegaard dagoen bezala, zaila da"
Igor Arrieta (UAE) eguneko ihesaldian izan da Giroko 14. etapan. Azken 13 kilometroetan atzean geratzen hasi da, eta 23. postuan bukatu du etapa. Mendiko maillota lortzeko borrokan jarraitzen du, baina, Vingegaarden sasoia ikusita, zaila izango dela onartu du.
Vingegaard gailendu da Pilan, eta Italiako Giroko maglia arrosa eskuratu du
Visma-Lease a Bike taldeko txirrindulari danimarkarrak, horrenbestez, hiru etapa garaipen daramatza Giro honetan, eta, gainera, sailkapen nagusiko lider jarri da; izan ere, Afonso Eulalio, lehen tokian hamar egun eman ostean, atzean gelditu da etapako azken mendatean.