Euskaltel-Euskadik eta Caja Ruralek Algarveko Itzulian parte hartuko dute

Euskaltel-Euskadi eta Caja Rural taldeek Algarveko Itzulian parte hartuko dute. Lasterketa 2022ko otsailaren 16tik 20ra artean egingo da, eta antolatzaileek baieztatu egin dute bi euskal taldeen parte-hartzea. 

Algarveko Itzuliak esprintean amaituko diren bi etapa, mendiko beste bi etapa eta erlojupeko etapa bat izango ditu. Guztira, 25 taldek parte hartuko dute bertan. Izena eman dute jada UCI WorldTeam errepideko txirrindularitza maila goreneko Quick-Step, Ineos, Jumbo Visma eta UAE taldeek, eta bi euskal taldeekin batera, UCI ProTeameko (bigarren maila) Alpecin, Arkea eta Rally Cycling taldeek ere eman dute izena.