Aberasturik garaipena lortu du Esloveniako Itzuliko hirugarren etapan
Jon Aberasturik (Caja Rural-Seguros RGA) irabazi du Esloveniako Itzuliko hirugarren etapa, ostiral honetan egin dena Brezice eta Krsko (165,8 km) artean, eta Tadej Pogacarrek (UAE-Emirates) lidergoari eutsi dio.
Aberasturik bere 15. garaipena lortu du profesional mailan, esprintean Matej Mohoric (Bahrain Victorious) eta Matteo Trentin (UAE-Emirates) mendean hartuta. Helmugan hiru ordu, 50 minutu eta 26 segundoko marka ezarri du euskal txirrindulariak, eta garaipenaren zaporea berriz dastatu du berriro, irabazi zuen azken etapa duela 286 egun lortu baitzuen Hungariako Itzulian.
Lasterketako lehen 30 kilometroak gainditu ostean sortu da eguneko lehen ihesaldia; zazpi txirrindularik osatu dute ihesaldia eta bertan egon da Jon Irisarri (Caja Rural-Seguros RGA). Zazpikoteak 75 kilometro iraun ditu lasterketaren buruan. Ondoren, helmugarako 62 kilometro falta zirenean sortu da bigarren ihesaldia, Jhonatan Restrepo (Androni), Jefferson Cepeda (Caja Rural-Seguros RGA) eta Sergio Araiz (Ken Pharma) txirrindulariekin. Geroago gehitu zaie Antonio Angulo Euskaltel-Euskadi taldeko txirrindularia.
Tropelean Bahrain-Victorious taldea jarri da lanean. Helmugarako 18 kilometrora kokatuta zegoen Sremic mendatean Restrepok erasoa jo du, baina tropelak jada harrapatuta zituen ihesaldiko beste kideak, eta Restrepori ere ez dio alde egiten utzi. Rafal Majka (UAE-Emirates) eta Javier Romo (Astana Premier Tech) ere saiatu dira tropeletik ihes egiten, baina alferrik. Esprintean erabaki da etapako irabazlea, eta Jon Aberasturik erdietsi du garaipena.
Sailkapen nagusian Tadej Pogacar dago lehenengo postuan lasterketa bukatzeko bi etapa falta direnean; 1'24" abantaila du bigarren den Mohoricekiko eta Diego Ulissi da hirugarren, liderrarengandik 1'28"ra.
3. etapako sailkapenak:
1 - ABERASTURI Jon (Caja Rural) 3:50:26
2 - MOHORIC Matej (Bahrain) d. b.
3 - TRENTIN Matteo (UAE) d. b.
4 - MERTZ Rémy (Bingoal) d. b.
5 - AASKOV PALLESEN Jeppe (ColoQuick) d. b.
Sailkapen nagusia:
1 - POGACAR Tadej (UAE) 10:56:03
2 - MOHORIC Matej (Bahrain) +1'15"
3 - ULISSI Diego (UAE-Team) +1'26"
4 - SOBRERO Matteo (Astana) +1'33"
5 - SHAW James (Ribble Weldtite) +1'36"
Zure interesekoa izan daiteke
Hauek dira Itzulia Women 2026 lasterketaren irteeran izango diren 19 taldeak
Hamahiru talde UCI Women’s WorldTeam kategoriakoak izango dira, eta sei, UCI Women’s ProTeam kategoriakoak.
Mikel Landa ez da 2026ko Italiako Giroan arituko
Soudal Quick-Step taldeak iragarri duenez, euskal txirrindulariak haustura txikia du pelbisean, Itzulian izandako erorikoaren ondorioz. Giroa maiatzaren 8an hasiko da, eta UAEko Joao Almeida ere ez da lasterketan izango.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Italiako Giroa, maiatzaren 8tik 31ra, EITBn
2026ko Italiako Giroak maiatzaren 8an, ostirala, ekingo dio edizio berriari. Aurten ere, lasterketa EITBn jarraitu ahal izango da zuzenean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Itzulia Women lasterketaren ibilbidea aurkeztu dute
Maiatzaren 15etik 17ra egingo da 2026ko Itzulia Women Lasterketa. 3 etapa izango ditu, lehenengoa Zarautzen hasi eta amaituko da; bigarrena Abadiño eta Amorebieta artean; hirugarrena, berriz, Donostian egingo da. Datozen egunetan emangio dute taldeen berri.
2026ko Itzulia Women lasterketan hamalau mendate puntuagarri izango dira, hiru etapatan, maiatzaren 15etik 17ra bitartean
Lasterketako bosgarren ekitaldia Zarautzen hasiko da, maiatzaren 15ean, ostiralez, eta Donostian amaitu, hilaren 17an, igandez. Hiru etapa izango ditu probak: Zarautz-Zarautz (121,3 kilometro), Abadiño-Zornotza (138 kilometro), eta Donostia-Donostia (113,1 kilometro).
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.