Lourdes Oyarbidek zilarra lortu du erlojupeko proban
Murtzian jokatzen ari diren Espainiako Txirrindularitza txapelketek erlojupeko probekin izan dute hitzordua ostiral honetan. Goizean, emakumezkoen txanda izan da elite eta 23 urtez azpiko lasterketa bateratuan.
Yeclan jokatu den proban, Movistar taldeko txirrindulariak jaun eta jabe agertu dira, talde horrek bereganatu baititu sailkapeneko lehen lau postuak. Irabazlea Sheyla Gutierrez errioxarra izan da (28:56), eta haren atzetik sailkatu da Lourdes Oyarbide arabarra. Asparrenekoak garaileak baino 53 segundo gehiago behar izan ditu 21,3 kilometroko ibilbidea betetzeko. Podiumeko hirugarren koska Gloria Rodriguez murtziarrak eskuratu du, Oyarbiderengandik bi segundora.
Podiumetik kanpo bi bizkaitar geratu dira: Eider Merino (Movistar) balmasedarra, laugarren; eta Ziortza Isasi (Eneicat) elorriarra, bosgarren.
Zure interesekoa izan daiteke
Nico Alustizak eta Xabier Isasak 2027ra arte berritu dute Euskaltel-Euskadirekin
Ion Izagirrek eta Pello Bilbaok Ormaiztegiko Ziklokrossaren 54. edizioan parte hartuko dute
2027ko emakumezkoen Frantziako Tourrak taldekako erlojupekoa izango du, eta Puy de Domen amaituko da
Bi erlojupeko eta Pirinioetan etapa beldurgarri bat, 2027ko Frantziako Tourraren gakoak
Frantziako Tourra Euskal Herrira itzuliko da, Hazparnen etapa irteera batekin
Durangok Itzuliaren etapa amaiera bat hartuko du 2027an
Euskaltel-Euskadi, UCI sailkapeneko lehen 30 taldeen artean
Gotzon Martinek onenen artean finkatu du Euskaltel-Euskadi, Panaman irabazita
Gizonezkoen eta emakumezkoen 2026ko UCI World Tourreko egutegia
