Wellens lider da, euripean erakustaldia emanda

Tim Wellens Lotto Soudal taldeko belgikarrak iaz egindakoa errepikatu du aurtengo Eneco Tourren, seigarren etapan erakustaldia eman eta sailkapeneko lehen postua erdietsita.

Helmugarako 23 kilometroren faltan jo du erasoa Wellensek, ibilbide gorabeheratsuari eta euriari aurre eginez. Aldea handitzen joan da eta helmugan 49 segundo atera dizkio Greg Van Avermaet herkideari (BMC).

Lider Berriak bost ordu, 28 minutu eta 47 segundo behar izan ditu ibilbideko 207,5 kilometroak betetzeko. Wilco Kelderman orain arteko liderrak, berriz, minutu eta 13 segundoko atzerapena izan du helmugan.