Remco Evenepoel
2025/07/09 - 20:04
Remco Evenepoelek irabazi du erlojupekoa, Caenen, eta Tadej Pogacar Frantziako Tourreko lider berria da
Soudal Quick-Step taldeko txirrindulari flandriarrak 16 segundoko aldea lortu du etapan bigarren postua lortu duen Tadej Pogacarrekiko, eta 1:21 Jonas Vingegaardekiko; Visma-Lease a Bikeko danimarkarrak 1:05 galdu du Pogacarrekiko, eta galtzaile atera da erlojupekoan.
2025/07/09 - 19:57
Evenepoelek eraman du erlojupekoa, Pogacarrek liderraren maillota jantzi, eta Vingegaardek kolpea hartu du
2025eko Frantziako Tourraren 5. etapa erlojupekoa izan da. Remco Evenepoel izan da nagusi, Tadej Pogacarri 16 segundo aterata. Pogacarrek liderraren elastikoa jantzi du. Jonas Vingegaardek saio kaskarra egin du; irabazleak minutu eta 20 segundo atera dizkio, eta, Pogacarrek, minutu eta 5 segundo.
2025/07/08 - 19:50
2025eko Frantziako Tourreko 4. etapako azken kilometroa
Frantziako Tourreko laugarren etapak amaiera zirraragarria izan du. Tropeltxo txiki batean heldu dira azken metroetara lasterketa irabazteko faborito nagusiak, eta etapako irabazlea haien arteko esprintean erabaki da.
2025/07/08 - 19:46
Pogacarrek irabazi du Rouenen, ikusgarria izan den etapan, eta Van der Poelek maillot horiari eutsi dio
UAE taldeko txirrindulari esloveniarrak profesionaletan lortzen duen ehungarren garaipena eskuratu du, Van der Poel bigarren helmugaratu da, eta Jonas Vingegaard, hirugarren. Tourra irabazteko hautagai nagusiek emozioz betetako amaiera eman diote jardunaldiari.
2025/07/08 - 19:35
Pogacarren erasoa eta Vingegaarden erantzuna Tourreko 4. etapako Saint-Hilaireko aldapan
2025eko Frantziako Tourreko laugarren etaparen azken txanpa ikusgarria izan da. Helmugarako 5,5 kilometro falta zirenean Tadej Pogacarrek eta Jonas Vingegaardek maldan gora duten gaitasuna erakutsi dute.
2025/07/07 - 20:16
Bi eroriko, Frantziako Tourreko 3. etapako azken kilometroetan
2025eko Frantziako tourreko hirugarren etapako azken hiru kilometroetan bi eroriko izan dira. Horietako batean, Remco Evenepoel joan da lurrera. Azken metroetako erorikoa oso gogorra izan da; Jordi Meeusek hartu du kolpe gogorrena.
2025/07/07 - 20:14
Tim Merlierrek eskuratu du garaipena Dunkerqueko esprintean, Jonathan Milani oso gutxigatik gailenduta
Soudal Quick-Step taldeko txirrindulari flandriarrak irabazi du 2025eko Frantziako Tourreko etapa. Erorikoek markatu dute eguna; Jasper Philipsenek izan du nabarmenena, eta aurtengo lehenengo liderrak lasterketa utzi behar izan du. Van der Poelek maillot horiari eutsi dio.
2025/07/07 - 11:19
2025eko Frantziako Tourreko 4. etaparen profila: Amiens Métropole-Rouen (174,2 km)
Txirrindulariek 3. eta 4. mailako bost mendate igo beharko dituzte azken 40 kilometroetan.
2025/07/06 - 20:03
Van der Poelek irabazi du bigarren etapa, eta horiz jantzi da
Tadej Pogacar (UAE) esloveniarra gainditu du azken esprintean, Philipsen taldekidearen tokia hartu du sailkapen nagusian, eta, ondorioz, maillot horia jantzi du.
2025/07/06 - 18:55
2025eko Frantziako Tourreko 3. etaparen profila: Valenciennes-Dunkerque (178,3 km)
Txirrindulariek igoera puntuagarri bakarra izango dute, Mont Cassel, 4. mailakoa, etapako 147,4. kilometroan.
2025/07/03 - 23:39
Frantziako Tourrak lasterketan parte hartuko duten txirrindulari guztiak txalotu ditu, Lillen
Lasterketaren 112. edizioa Lillen hasiko da, larunbatean. Ostegunean, talde bakoitzak proban lehiatzeko hautatu dituen ziklistak aurkeztu dituzte; han izan dira Ion Izagirre eta Alex Aranburu, Vingegaard eta Pogacar faborito nagusiekin batera.
2025/07/03 - 22:49
2025eko Frantziako Tourrean parte hartuko duten txirrindularien zerrenda
Lasterketa 112. aldiz jokatuko dute, uztailaren 5etik hilaren 27ra bitartean. 2025eko Tourra Lilletik irten eta Parisen amaituko da. 23 taldek parte hartuko dute, eta bakoitzak zortzi txirrindulari ditu. Bi euskal ziklista lehiatuko dira, biak Cofidis taldekoak: Jon Izagirre eta Alex Aranburu.
2025/07/02 - 17:12
Pogacar eta Vingegaard, Tourra irabazteko hautagai faboritoak
Lehia estua espero da datorren larunbatean, uztailaren 5ean, hasiko den Frantziako Tourrean. Pogacar eta Vingegaarden atzetik, Remco Evenepoel da podiuma osatzeko hirugarren hautagaia.
2025/06/14 - 19:37
Pogacarrek ia ziurtatuta utzi du Dauphine irabaztea, bere hirugarren etapa eskuratuta
Helmugarako 12 kilometroren faltan, Pogacarrek erasora jo du, eta Jonas Vingegaard (Visma) danimarkarra, bere aurkari nagusia, oraingoan ere ez da gai izan haren mailan egoteko.
2025/06/13 - 19:31
Pogacarrek Dauphineko lidergoa berreskuratu du Comblouxen
Lehen etapa irabazi ostean, bigarrena poltsikoratu du gaur, helmugarako 7,5 kilometrora erasoa jota mahaian kolpe bat emanda.
2025/06/12 - 19:33
Jake Stewart izan da azkarrena Maconeko esprintean, Dauphine Kriteriumean, eta Evenepoelek lider jarraitzen du
Trantsizio etapa izan da, lasterketako jardunaldi gogorrenak ostiralean hasiko baitira, eta Israel-Premier Tech taldeko ziklistak lortu du garaipena. Remco Evenepoel azken kilometroan erori egin da, baina etapa amaitu egin du, itxuraz arazorik gabe.
2025/06/12 - 19:21
2025eko Dauphine Kriteriumeko 5. etapako azken kilometroa, esprinta eta Evenepoelen erorikoa
2025eko Dauphine Kriteriuma azken txanpan sartu da. Atzean utzi du 5. etapa, eta bideo honetan ikus dezakezu azken kilometroa, oso-osorik. Irabazlea esprintean erabaki da. Remco Evenepoel liderrak erorikoa izan du azken 1.000 metroetan.
2025/06/11 - 19:33
Dauphine Kriteriumeko 4. etapako erlojupekoaren laburpena eta momentu nabarmenak
2025eko Dauphine Kriteriumak atzean utzi du 4. etapa. Banakako erlojupekoa izan da, 17,7 kilometroko ibilbidea izan duena. Bideo honetan ikus ditzakezu momentu onenak.
2025/06/11 - 19:28
Remco Evenepoel bikain gailendu da Dauphine Kriteriumeko erlojupekoan, eta maillot horia eskuratu du
Soudal Quick-Step taldeko txirrindulari flandriarra ezin hobeto aritu da asteazkenean jokatutako 17,4 kilometroko banakako erlojupekoan; Evenepoel, lider berria bera, Vingegaard baino 20 segundo azkarrago ibili da, eta Pogacar baino 48 segundo arinago.
2025/06/10 - 19:12
Ivan Romeok irabazi du Charantonnayn, Dauphine Kriteriumeko hirugarren etapan, eta lider jarri da
Movistar taldeko txirrindulari espainiarra bakarka gailendu da, helmugarako bost kilometro gelditzen zirela erasoa jota; aurretik, eguneko ihesaldian izan da, eta maila bikaina izan du ihesaldi horrek, tartean Lipowitz eta Van der Poel izan direla. Romeok 1:08 atera dio tropelari.