Jonas Abrahamsenek irabazi du Okzitaniako Tolosako etapa, eta Ben Healyk maillot horiari eutsi dio, Tourrean
Uno-X Mobility taldeko Jonas Abrahamsen txirrindulari norvegiarrak 2025eko Frantziako Tourreko hamaikagarren etapa irabazi du, Okzitaniako Tolosan, asteazkenean, arrakasta izan duen eguneko ihesaldiko indartsuena izan baita. Ziklistek txapela kentzeko moduko ikuskizuna eman duten hamaikagarren jardunaldi honetan, Ben Healy EF Education taldeko irlandarrak sailkapen nagusiko lehen postuari eutsi dio, eta, hortaz, maillot horia soinean duela jarraituko du. Abrahamsenek ihesaldian ere izan den Mauro Schmid Jayco-AlUla taldeko suitzarra menderatu du, esprintean, eta garaipena eskuratu; UAEko Tadej Pogacarrek erorikoa izan du azken kilometroetan, baina faboritoen multzoak itxaron egin du esloveniarra.
Testuinguru horretan, etapako aurreneko ehun kilometroak, asteartean izandako atseden egunaren ostean, zoratzeko modukoak izan dira; erritmo oso bizia izan da, eta ihesaldia sortzeko lehia, ikusgarria. Helmugarako berrogeita hamar bat gelditzen zirela, honela zebilen etapa: bost gizon ziren lasterketa buruan, Fred Wright (Bahrain-Victorious), Mauro Schmid (Jayco-AlUla), Davide Ballerini (XDS Astana), Mathieu Burgaudeau (TotalEnergies) eta Jonas Abrahamsen (Uno-X Mobility); berrogeita bost bat segundora, maila handiko beste boskote batean, Wout van Aert (Visma-Lease a Bike), Axel Laurance (INEOS Grenadiers), Quinn Simmons (Lidl-Trek), Mathieu van der Poel (Alpecin-Deceuninck) eta Arnaud De Lie (Lotto) zihoazen. Tropelak, gutxi gorabehera, bi minutu era erdira zituen lasterketa buruko gizonak.
Bost txirrindularik osatutako bi multzoak nor baino nor gehiago ari ziren, errepidean; lehenengoak aldeari eutsi edo alde hori handitzeko asmoz ari ziren, eta atzekoek, aldiz, asmoa zuten lasterketa burukoak harrapatzea. Jonathan Milanek, puntukako sailkapeneko liderra bera, gero eta urrutiago zuen Ben Healy maillot horia zihoan tropela.
Jardunaldiko azken hogei kilometroetan sartuta, Van Aerten eta Van der Poelen multzoak hogei segundora zituen lasterketa buruan zihoazen ziklistak. Cote de Vieille-Toulousen, aurretik hamahiru kilometro zituztela, Abrahamsenek eta Schmidek jo dute erasoa, aurrean, eta Simmonsek, atzeko multzoan. Cote de Pech David mendate labur baina gogorrean, Uno-X taldeko norvegiarrak eta Jaycoko suitzarrak ihes eginda jarraitzen zuten, eta etapa garaipenaren bila zihoazen; Van der Poel atzetik zetorren, aurreko bien parean kokatu nahirik. Sailkapen nagusiko multzoan, Vingegaardek eta Pogacarrek elkar estutu dute, Jorgenson ere tartean zebilela.
Azken bost kilometroetan sartu aurretik, Tadej Pogacarrek erorikoa izan du, eta segituan abiatu da berriro; Vingegaard, Healy eta sailkapen nagusiko lehian dabiltzan gainerako gizonak haren zain izan dira. Emozioa, beraz, aurrean zegoen, etapa garaipenaren lehian; Abrahamsen eta Schmid oso indartsu zihoazen, elkarri begira, eta Van der Poel, bakarka, horien atzetik zebilen, abiadura handian. Azkenean, Abrahamsenek eta Schimdek esprinta jokatu dute, eta norvegiarrak meritu handiko garaipena bereganatu du.
112. Frantziako Tourra ostegunean sartuko da bete-betean Pirinioetan, Auchen hasi eta Hautacamen amaituko den hamabigarren etapan. EITBk 14:40an egingo du bat probarekin, zuzenean, eitb.eus-en bidez, eta ETB1en 15:00etan hasiko da emanaldia.
Etapako sailkapena
1 - Jonas Abrahamsen (Uno-X) 3:15:56
2 - Mauro Schmid (Jayco) d. b.
3 - Mathieu van der Poel (Alpecin) + 0:07
4 - Arnaud De Lie (Lotto) + 0:53
5 - Wout van Aert (Visma) d. b.
6 - Axel Laurance (INEOS) d. b.
7 - Fred Wright (Bahrain) d. b.
8 - Mathieu Burgaudeau (TotalEnergies) d. b.
9 - Quinn Simmons (Lidl) d. b.
10 - Davide Ballerini (XDS Astana) + 1:11
Sailkapen nagusia
1 - Ben Healy (EF) 41:01:13
2 - Tadej Pogacar (UAE) + 0:29
3 - Remco Evenepoel (Soudal) + 1:29
4 - Jonas Vingegaard (Visma) + 1:46
5 - Matteo Jorgenson (Visma) + 2:06
6 - Kevin Vauquelin (Arkea) + 2:26
7 - Oscar Onley (Picnic) + 3:24
8 - Florian Lipowitz (Red Bull) + 3:34
9 - Primoz Roglic (Red Bull) + 3:41
10 - Tobias Halland Johannessen (Uno-X) + 5:03
Zure interesekoa izan daiteke
Aranburu eta Azparrenen adierazpenak, Frantziako Tourra amaitu berritan
Alex Aranburu eta Xabier Mikel Azparrenekin izan gara, Frantziako Tourreko azken etapa bukatu ondoren. Lasterketa ondo joan dela adierazi dute, eta haien esperientzia kontatu digute.
Frantziako Tourreko 21. etapako unerik onenak
2026ko Frantziako Tourreko azken etapak une ikusgarriak utzi ditu. Montmartren egin dituzten hiru igoeretan faboritoen arteko lehia estua egon da, Pogacarren eta Van der Poelen artean bereziki. Etapako irabazlea azken metroetako esprint estuan erabaki da.
Van Der Poelek irabazi du azken etapa eta Pogacarrek Tourra
Alpecin taldeko txirrindulariak erasoa jo du Montmartreko azken igoeran, Tadej Pogacarrekin batera, eta helmugatik metro gutxira indarrik gabe geratuko zela zirudien arren, berak eskuratu du garaipena. Philipsen taldekidea eta Pedersen helmugaratu dira ondoren.
Nolakoa izan da euskal txirrindularien jarduna Tourrean?
Ion Izagirre, Alex Aranburu eta Xabier Mikel Azparren txirrindulariek parte hartu dute Frantziako Tourraren 2026ko edizioan. Hiru astez munduko lasterketa garrantzitsuenean lehiatu ostean, euskal ordezkariek euren taldearen estrategiaren barruan egokitu zaien lana betez osatu dute itzuli handia.
Frantziako Tourrak 44 kilometro laburtu du azken etapa, suteengatik
Azken etaparen ibilbidea 133 kilometrotik 89ra murriztu dute, Frantziako hainbat eremutan izandako sute larrien ondorioz gaurko etapa zaindu behar zuten jendarme asko kaltetutako eremuetara bideratu behar izan dituztelako.
Carapazen eta Kussen arteko borrokaren une onenak, Tourreko 20. etaparen amaieran
AEBkoak abantaila hartu du etapa amaitzeko 24 kilometro falta zirenean, baina Ekuadorko txirrindulariak ez du etsi, eta azkenean saria lortu du, Kuss birritan erori ostean, harrapatu, gainditu eta etapa irabazi baitu.
Carapaz Alpe d'Huezen nagusitu da Kuss menderatuta, eta mendiko elastikoa ziurtatu du
Txirrindulari ekuadortarrak Frantziako Tourreko etapa nagusia irabazi du, estatubatuarrarekin lehia estua izan ostean. Kuss lurrera erori da azken txanpan, eta EF taldeko txirrindulariak bakarkako bideari ekin dio Alpeetako tontor mitikoan garaipen bikaina lortu eta mota gorridun elastikoa ziurtatzeko.
Euskal ordezkariak, World Tourreko taldeetako “staff” teknikoetan
Ezinbesteko lana egiten dute, txirrindulariek lasterketetan erakustaldi ederrak egin ahal izateko. “On Tour” saioan, Alpe d’Huezko etapa amaitutakoan, Xabier Usabiagak omenaldia egin nahi izan die.
Pogacarrek historia egin du Alpe d’Huezen: helmugatik 12 kilometrora jo du erasoa, atzean utzi ditu iheslariak, eta etapa irabazi du, Pantaniren marka hautsita
Frantziako Tourreko liderra ikusgarri ibili da mendate mitikoan: helmugarako 11,8 kilometro falta zirenean egin du aurrera, lasterketaren buruan zihoazen iheslariak harrapatu ditu, eta Carapaz, Lenny Martinez eta Kuss azken kilometroan gaindituta nagusitu da, Alpe d'Huez 35 minutu eta 26 segundoan igota, bide batez, Marco Pantaniren errekorra hausteko.
Pogacarrek Pantaniren marka ondu du Alpe d'Huezen Tourra erabakita uzteko
Helmugatik 11 kilometrora erasoa jo ostean, bakar-bakarrik zeharkatu du helmuga, Richard Carapazen eta Lenny Martinezen aurretik. 2026ko Frantziako Tourra erabakita uzteaz gain, esloveniarrak Marco Pantanik 1995ean ezarritako igoera marka historikoa hobetu du, aro modernoko erakustaldi handienetako bat eginez.