Pogacar Peyragudeseko kronoigoeran ere nagusitu da, eta Vingegaardekiko abantaila handitu du
Tadej Pogacar (UAE) esloveniarra nagusi izan da 2025eko Frantziako Tourreko 13. Etapan ere, Loudenvielle eta Peyragudes arteko 10,9 kilometroko kronoigoeran. Pogacarrek 23 minutu behar izan ditu lasterketa amaitzeko, Jonas Vingegaard (Visma) aurkari zuzenak baino 36 segundo gutxiago eta Primoz Roglic (Red Bull) herrikideak baino 1:20 gutxiago.
Orain, Pogacarrek maillot horiari eutsi dio eta 4:07 minutuko aldea du Vingegaardekiko, bigarrena, eta 7:20koa Remco Evenepoelekiko (Soudal), hirugarrena.
Evenepoelek ez du denbora ona egin Peyragudesen, irabazlearengandik 2:39 minutu galdu baititu, baina sailkapen nagusiko hirugarren postuari eutsi dio.
Florian Lipowitz (Red Bull) alemaniarrak orpoz orpo jarraitzen dio, laugarren izan baita helmugan, esloveniarrarengandik 1:56ra, eta Evenepoel baino sei segundo atzerago dago sailkapen nagusian.
13. etapako sailkapena
1 - Tadej Pogacar (UAE) 23:00
2 - Jonas Vingegaard (Visma) + 0:36
3 - Primoz Roglic (Red Bull) + 1:20
4 - Florian Lipowitz (Red Bull) + 1:56
5 -Luke Plapp (Jayco) +1:58
6 - Matteo Jorgenson (Visma) + 2:03
7 - Oscar Onley (Picnic) + 2:06
8 - Adam Yates (UAE) + 2:15
9 - Lenny Martinez (Bahrain) + 2:21
10 - Felix Gall (Decathlon) + 2:21
Sailkapen nagusia
1 - Tadej Pogacar (UAE) 45:45:51
2 - Jonas Vingegaard (Visma) + 4:07
3 - Remco Evenepoel (Soudal) + 7:20
4 - Florian Lipowitz (Red Bull) + 7:30
5 - Oscar Onley (Picnic) + 8:11
6 - Kevin Vauquelin (Arkea) + 8:15
7 - Primoz Roglic (Red Bull) + 8:50
8 - Tobias Halland Johannessen (Uno-X) + 10:36
9 - Felix Gall (Decathlon) + 11:43
10 - Matteo Jorgenson (Visma) + 14:15
Zure interesekoa izan daiteke
Carapazen eta Kussen arteko borrokaren une onenak, Tourreko 20. etaparen amaieran
AEBkoak abantaila hartu du etapa amaitzeko 24 kilometro falta zirenean, baina Ekuadorko txirrindulariak ez du etsi, eta azkenean saria lortu du, Kuss birritan erori ostean, harrapatu, gainditu eta etapa irabazi baitu.
Carapaz Alpe d'Huezen nagusitu da Kuss menderatuta, eta mendiko elastikoa ziurtatu du
Txirrindulari ekuadortarrak Frantziako Tourreko etapa nagusia irabazi du, estatubatuarrarekin lehia estua izan ostean. Kuss lurrera erori da azken txanpan, eta EF taldeko txirrindulariak bakarkako bideari ekin dio Alpeetako tontor mitikoan garaipen bikaina lortu eta mota gorridun elastikoa ziurtatzeko.
Euskal ordezkariak, World Tourreko taldeetako “staff” teknikoetan
Ezinbesteko lana egiten dute, txirrindulariek lasterketetan erakustaldi ederrak egin ahal izateko. “On Tour” saioan, Alpe d’Huezko etapa amaitutakoan, Xabier Usabiagak omenaldia egin nahi izan die.
Pogacarrek historia egin du Alpe d’Huezen: helmugatik 12 kilometrora jo du erasoa, atzean utzi ditu iheslariak, eta etapa irabazi du, Pantaniren marka hautsita
Frantziako Tourreko liderra ikusgarri ibili da mendate mitikoan: helmugarako 11,8 kilometro falta zirenean egin du aurrera, lasterketaren buruan zihoazen iheslariak harrapatu ditu, eta Carapaz, Lenny Martinez eta Kuss azken kilometroan gaindituta nagusitu da, Alpe d'Huez 35 minutu eta 26 segundoan igota, bide batez, Marco Pantaniren errekorra hausteko.
Pogacarrek Pantaniren marka ondu du Alpe d'Huezen Tourra erabakita uzteko
Helmugatik 11 kilometrora erasoa jo ostean, bakar-bakarrik zeharkatu du helmuga, Richard Carapazen eta Lenny Martinezen aurretik. 2026ko Frantziako Tourra erabakita uzteaz gain, esloveniarrak Marco Pantanik 1995ean ezarritako igoera marka historikoa hobetu du, aro modernoko erakustaldi handienetako bat eginez.
Carapaz: “Berriro irabaztea asko kostatu zait"
Richard Carapaz ekuadortarrak, Frantziako Tourraren 18. etapako irabazleak, garaipen hau "asko kostatu" zaiola adierazi du, eta edizio honetan behin baino gehiagotan saiatu dela gogorarazi du.
Ion Izagirre: “Bagenekien egun zaila izango zela ihesaldia hartzeko”
Cofidis taldeko txirrindulariak egun gogorra izan dela gaurkoa adiarazi du. Ezin izan da ihesaldian sartu, baina bai atzerago joan den bigarren taldetxo batean. Hala ere, ezin izan dute ihesaldia harrapatu.
Tadej Pogacar, historia idazten ari den txirrindulariaren inperioa
Tadej Pogacarrek bere palmaresa bezain handi eta zabala den inperioa eraiki du azken urteetan. Txirrindularitzan historia egiten ari da esloveniarra, baina nola dabil diru kontuetan? Hona Xabier Usabiagak “On Tour” saioan azaldutakoa.
Orcières-Merletteko igoeraren azken metroak
Richard Carapazek (EF Education) irabazi du Frantziako Tourreko hemezortzigarren etapa. Helmugatik 3,5 kilometrora erasoa jo du ekuadortarrak eta bakar-bakarrik helmugaratu da Orcières-Merletten. Atzetik iritsi dira Mauro Schmid, bigarren, eta Matteo Jorgenson, hirugarren.
Carapaz izan da indartsuena eguneko ihesaldian, Orcieres-Merletteko igoeran eraso erabakigarria jota
EF Education - EasyPost taldeko eskalatzaile ekuadortarrak zuhur jokatu du azken kilometroetan, eta garaipena poltsikoratu du. Tourrean bigarren etapa garaipena du, Super Devoulyn irabazi eta bi urtera.