Merlier belgikarrak Milan menderatu du esprintean eta Pogacarrek lidergoari eutsi dio
Tim Merlier (Soudal Quick-Step) belgikarrak bere bigarren garaipena lortu du igande honetan Frantziako Tourrean, Jonathan Milan italiarrari Chateaurouxeko esprintean aurrea hartuta. Lasterketa Mathieu van der Poelen ihesaldi luzeak markatu du. Helmugatik 700 metrora harrapatu du tropelak, 170 kilometroko ihesaldia egin ondoren.
Tadej Pogacar esloveniarrak liderraren elastikoari eutsi dio. Faboritoak tropelean helmugaratu dira eta sailkapen nagusia aldaketarik gabe geratu da, baina Joao Almeidak lasterketa utzi behar izan du, eroriko gogor bat izan eta bi egunera.
Liderrak 54 segundora du orain Remco Evenepoel belgikarra sailkapen nagusian, 1:11ra Kevin Vauquelin frantziarra eta 1:17ra Jonas Vingegaard daniarra.
Azkar sortu da eguneko ihesaldia, protagonista argiarekin: Mathieu van der Poel. Jonas Rickaert taldekidea lagun zuela, tropela bost minutura zuela hasi da Tim Merlier esprinterraren Soudal taldea lanean, alde hori murrizteko.
Evenepoelen taldekideek hiru minutura murriztu dute iheslarien aldea. UAE, aldiz, ez da fin ibili, bigarren tropel batean harrapatuta geratu baitira Soler, Adam Yates, Sivakov eta Politt. Pogacar aurrean egon da une oro, ezustekoetatik salbu.
Helmugatik sei kilometrora, Flandriako eta Roubaixeko irabazlea Chateaurouxeko helmugaren bila abiatu da. Bost segundo eskaseko abantailarekin igaro da azken kilometroa iragartzen zuen pankartaren azpitik, eta helmugatik 700 metrora harrapatu dute. Lidlek Milan jarri du lanean, italiarrak urrutitik jo du erasoa, eta helmugako marra ondoan zuenean agertu da Merlier etapa lapurtzeko.
9. etapako sailkapena
1 - MERLIER Tim (Soudal) 3:28:52
2 - MILAN Jonathan (Lidl) d. b.
3 - DE LIE Arnaud (Lotto) d. b.
4 - BITTNER Pavel (Picnic) d. b.
5 - PENHOET Paul (Groupama) d. b.
6 - GIRMAY Biniam (Intermarché) d. b.
7 - BAUHAUS Phil (Bahrain) d. b.
8 - MEEUS Jordi (Red Bull) d. b.
9 - FREDHEIM Stian (Uno-X) d. b.
10 - GROVES Kaden (Alpecin) d. b.
Sailkapen nagusia
1 - POGACAR Tadej (UAE) 33:17:22
2 - EVENEPOEL Remco (Soudal) + 0:54
3 - VAUQUELIN Kévin (Arkéa) + 1:11
4 - VINGEGAARD Jonas (Visma) + 1:17
5 - JORGENSON Matteo (Visma) + 1:34
6 - VAN DER POEL Mathieu (Alpecin) + 1:46
7 - ONLEY Oscar (Picnic) + 2:49
8 - LIPOWITZ Florian (Red Bull) + 3:02
9 - ROGLIC Primoz (Red Bull) + 3:06
10 - SKJELMOSE Mattias (Lidl) + 3:43
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.