Arensman garaile izan da Superbagneres mendatean, Evenepoel Tourretik erretiratu den egunean
Thymen Arensman herbeheretarrak irabazi du Frantziako Tourreko hamalaugarren etapa, Pirinioetako Superbagneres eski-estazioan amaitu dena, ihesaldi luze baten ondoren. Tadej Pogacar esloveniarrak, bestalde, helmugan bigarren izan denak, maillot horiari eutsi dio.
Remco Evenepoelek, berriz, Frantziako Tourra utzi du. Txirrindulari belgikarra atzean geratu da Tourmaleteko igoera hasi eta berehala, eta bizikletatik jaistea erabaki du.
Ineos taldeko txirrindulariak, eguneko ihesaldian parte hartu eta gero, Peyresourdeko igoeran bakarrik ihes egin du, eguneko azken aurreko gailurrean, eta helmugaraino abantailari eutsi dio.
Herbeheretarrak 1 minutu eta 8 segundo denborako aldea atera dio Pogacarri, helmugarako lau kilometroren faltan Jonas Vingegaard danimarkarraren erasoari erantzun ostean.
Esloveniarrak 4 minutu eta 13 segundoko aldea du orain Vingegaardekin, eta Florian Lipowitz alemaniarrak, Pogacarrengandik 17 segundora etapako bosgarren izan denak, hirugarren egin du sailkapen nagusian, liderrarengandik 7.53ra, Remco Evenepoel belgikarraren erretiroaren ostean.
14. etapako sailkapena
1 - Arensman Thymen (INEOS) 4:53:35
2 - Pogacar Tadej (UAE) +1:08
3 - Vingegaard Jonas (Visma) + 1:12
4 - Gall Felixc (Decathlon) + 1:19
5 - Florian Lipowitz (Red Bull) + 1:25
6 - Onley Oscar (Picnic) +2:09
7 - Healy Ben (Ef education) + 2:46
8 - Roglic Primož (Red Bull) d. b.
9 - Johannessen Tobias Halland (Uno-X) + 2:59
10 - Vauquelin Kevin (Arkea) + 3:08
Sailkapen nagusia
1 - Pogacar Tajed (UAE) 50:40:28
2 - Vingegaard Jonas (Visma) + 4:13
3 - Lipowitz Florian (Red Bull) + 7:53
4- Onley Oscar (Picnic) + 9:18
5 - Vauquelin Kevin(Arkea) + 10:20
6 - Roglic Primoz (Red Bull) + 10:34
7 - Gall Felix (Decathlon) + 12:00
8 - Johannessen Tobias Halland (Uno-X) + 12:33
9 - Healy Ben (Ef Education) + 18:41
10 - Rodríguez Carlos (INEOS) +22:57
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.