Jonathan Milan esprinterrak bere palmaresa estreinatu du Tourrean
Jonathan Milan (Lidl-Trek) italiarrak irabazi du larunbat honetan, esprintean, Wout van Aert (Visma-Lease a Bike) belgikarraren aurretik, Saint-Méen-le-Granden hasi eta Lavel hiriko Espace Mayennen amaitu den 171,4 kilometroko etapa.
Tourraren zortzigarren egunean, txirrindulariak lasai joan dira lehen 90 kilometroetan, Mathieu Burgaudeau eta Matteo Vercher TotalEnergies taldeko frantziarrek ihes egin duten arte. Hala ere, bietako batek ere ez ditu faboritoak kezkatu, eta horien abantailak ozta-ozta gainditu du minutua une batzuetan.
Etapa amaitzeko 12,5 kilometro falta zirenean, lurrera joan dira Tim Merlier (Soudal Quick-Step) belgikarra eta Krists Neilands (Israel-Premier Tech) letoniarra. Tadej Pogacar (UAE Team Emirates-XRG) esloveniarra zegoen azken horren atzean, sailkapen nagusiko lider gisa maillot horia jantzita, baina ondo egin du aurrera.
Sustoa igarota, helmugatik 10 kilometro eskasera, tropelak bi iheslariak neutralizatu ditu, eta esprinta prestatzen hasi da. Milanek Van Aert eta Kaden Groves (Alpecin-Deceuninck) australiarraren aurretik zeharkatu du helmuga, 3 ordu, 50 minutu eta 26 segundoko denbora eginda.
Sailkapen nagusian ez da aldaketarik izan. Pogacarrek 54 segundora du Remco Evenepoel belgikarra, 1:01era du Kevin Vauquelin frantziarra eta 1:17ra Jonas Vingegaard danimarkarra.
Etapako sailkapena
1 - MILAN Jonathan (Lidl) 3:50:26
2 - VAN AERTt Wout (Visma) d. b.
3 - GROVES Kaden (Alpecin) d. b.
4 - ACKERMANN Pascal (Israel) d. b.
5 - DE LIE Arnaud (Lotto) d. b.
6 - ANDRESEN Tobias Lund (Picnic) d. b.
7 - COQUARD Bryan (Cofidis) d. b.
8 - DAINESE Alberto (Tudor) d. b.
9 - ALBANESE Vincenzo (EF education) d. b.
10 - FREDHEIM Stian (Uno-X) d. b.
Sailkapen nagusia
1 - POGACAR Tadej (UAE) 25:58:04
2 - EVENEPOEL Remco (Soudal) + 0:54
3 - VAUQUELIN Kévin (Arkéa) + 1:11
4 - VINGEGAARD Jonas (Visma) + 1:17
5 - VAN DER POEL Mathieu (Alpecin) + 1:29
6 - JORGENSON Matteo (Visma) + 1:34
7 - ONLEY Oscar (Picnic) + 2:49
8 - LIPOWITZ Florian (Red Bull) + 3:02
9 - ROGLIC Primož (Red Bull) + 3:06
10 - SKJELMOSE Mattias (Lidl) + 3:43
Zure interesekoa izan daiteke
Pauline Ferrand-Prevotek Tourreko maillota defendatuko du, Demi Vollering eta Paula Blasiren mehatxuaren aurrean
Lasterketa zuzenean ikusi ahalko da ETB1en eta kirolakeitb.eus-en.
Laboral Kutxa-Euskadi itxaropentsu abiatu da Frantziako Tourrera
Laboral Kutxako taldea Lausanara bidean da; tartean, hiru euskal txirrindulari. Bertan hasiko da aurtengo Frantziako Tourra, eta hirugarrenez lehiatuko da euskal taldea. Langa koska bat gorago jarri du aurten zuzendaritzak. Usoa Ostolazak seiko taldea izango du atzetik, ahal dela lasterketaren ohorezko postuetan amaitzeko. Bestalde, Naia Amondarainek debuta egingo du itzuli handian.
2026ko emakumezkoen Frantziako Tourreko etapen profilak
Emakumezkoen Frantziako Tourraren 5. ekitaldia abuztuaren 1etik 9ra bitartean jokatuko dute, Lausanan hasi eta Nizan amaituta. Lasterketa kirolakeitb.eus-en eta ETBn izango da ikusgai.
2026ko Frantziako Tourreko podiuma
Txirrindulariak Frantziako Tourreko podiumera igo dira, elastikoak jasotzera.
Aranburu eta Azparrenen adierazpenak, Frantziako Tourra amaitu berritan
Alex Aranburu eta Xabier Mikel Azparrenekin izan gara, Frantziako Tourreko azken etapa bukatu ondoren. Lasterketa ondo joan dela adierazi dute, eta haien esperientzia kontatu digute.
Frantziako Tourreko 21. etapako unerik onenak
2026ko Frantziako Tourreko azken etapak une ikusgarriak utzi ditu. Montmartren egin dituzten hiru igoeretan faboritoen arteko lehia estua egon da, Pogacarren eta Van der Poelen artean bereziki. Etapako irabazlea azken metroetako esprint estuan erabaki da.
Van Der Poelek irabazi du azken etapa eta Pogacarrek Tourra
Alpecin taldeko txirrindulariak erasoa jo du Montmartreko azken igoeran, Tadej Pogacarrekin batera, eta helmugatik metro gutxira indarrik gabe geratuko zela zirudien arren, berak eskuratu du garaipena. Philipsen taldekidea eta Pedersen helmugaratu dira ondoren.
Nolakoa izan da euskal txirrindularien jarduna Tourrean?
Ion Izagirre, Alex Aranburu eta Xabier Mikel Azparren txirrindulariek parte hartu dute Frantziako Tourraren 2026ko edizioan. Hiru astez munduko lasterketa garrantzitsuenean lehiatu ostean, euskal ordezkariek euren taldearen estrategiaren barruan egokitu zaien lana betez osatu dute itzuli handia.
Frantziako Tourrak 44 kilometro laburtu du azken etapa, suteengatik
Azken etaparen ibilbidea 133 kilometrotik 89ra murriztu dute, Frantziako hainbat eremutan izandako sute larrien ondorioz gaurko etapa zaindu behar zuten jendarme asko kaltetutako eremuetara bideratu behar izan dituztelako.
Carapazen eta Kussen arteko borrokaren une onenak, Tourreko 20. etaparen amaieran
AEBkoak abantaila hartu du etapa amaitzeko 24 kilometro falta zirenean, baina Ekuadorko txirrindulariak ez du etsi, eta azkenean saria lortu du, Kuss birritan erori ostean, harrapatu, gainditu eta etapa irabazi baitu.