Bilbao Basketek lehiarik galdu gabe amaitu du multzoen fasea, Eskozian irabazita (59-78)
Surne Bilbaso Basketek beste garaipen batekin amaitu du FIBA Europa Kopa txapelketako multzoen fasea, Caledonia Gladiators taldeari 59-78 irabazita, Glasgown (Eskozia).
Hartara, lehiaketa horretan neurketarik galtzea zer den jakin gabe igaro dira txapelketako hurrengo fasera beltzezko gizonak (partida honi heldu aurretik sailkatuta zeuden Ponsaurnarenak, euren multzoko lehen postua ziurtatuta zutela).
Hala, bilbotarrek aise gainditu dute berriro ere Eskoziako taldea; izan ere, Bilbon jokatutako neurketan, partida ofizial batean inoiz lortutako alderik handienarekin (48 puntu) bereganatu zuten garaipena (106-58).
Talde osoak ekarpena egin duen neurketa batean, Kristian Kullamaeren puntuak (12 puntu) eta Tryggvi Hlinasonen uztaipeko lana (7 errebote, 5 asistentzia eta 17ko balorazioa) nabarmendu dira. Aipatzekoa da ere Unai Barandalla (8 puntu eta 4 errebote) eta Asier Fernandez (2 puntu) harrobiko jokalariek egindako ekarpena. Azken horren kasuan, gainera, bere debuta iza da neurketa ofizial batean.
Bigarren txandako aurkariak
Behin hasierako multzoen fasea amaituta, Bilbao Basketek dagoeneko ezagutzen ditu bigarren txandan, K multzoaren barruan, aurkari izango dituen taldeak: Bulgariako Balkan Botevgrad (A multzoko lehena, lau garaipenekin), Portugalgo FC Porto (E multzoko bigarrena, lau garaipenekin) eta Alemaniako BG Gottingen (I multzoko lehena, 5 garaipenekin).
Bigarren fase hori 16 taldek jokatuko dute, lau taldeko lau multzotan banatuta. Abenduaren 6an hasi eta otsailaren 7an amaituko da, eta multzo bakoitzeko lehenengo biak sailkatuko dira final-laurdenetarako. Horrenbestez, bilbotarrek fase horretan jokatuko duten lehen norgehiagoka abenduaren 6an izango da, Miribillan.
Fitxa teknikoa:
59 - Caledonia Gladiators (8+18+18+15): Dubose (2), Whelan (10), Onwas (7), Palyza (16) eta Alihodzic (8) -hasierako bostekoa-; Kyle Johnson (7), Malcom (5), Clifton Moore (4), Jovicic, Buttrick eta Kyle Jiménez.
78 - Surne Bilbao Basket (16+18+20+24): Renfroe (10), Adam Smith (7), Rabaseda, Tsalmpouris (10) eta Hlinason (5) -hasierako bostekoa-; Pantzar (7), Kullamae (12), Rigo (2), De Ridder (6), Killeya-Jones (9), Barandalla (8) eta Asier Fernández (2).
Partzialak: 8-16, 26-34 (atsedenaldia); 44-54 eta 59-78 (amaiera).
Epaileak: Mihkel Manniste (Estonia), Edgar Ceccarelli (Frantzia) eta Martin Van Hoye (Belgika). Ez dute inor kanporatu.
Zure interesekoa izan daiteke
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.
Ponsarnau, Valverderi buruz: “Erreferentea da niretzat, eta beti izango da"
Surne Bilbao taldeko entrenatzaileak hitz batzuk esan nahi izan ditu Valverderi buruz, Athleticeko entrenatzaileak talde zuri-gorria zuzentzeari utzi dionean.
Surne Bilbaok mendean hartu du Girona (86-80), eta play-offeko postua defendatuko du Tenerifen
Surne Bilbaok 86-80 menderatu du Girona Bilbao Arenan, eta play-offerako sailkapena jokatuko du azken jardunaldian Tenerifen. Gironak amaierara arte eutsi badio ere, Melwin Pantzarren partida bikainak eta azken laurdenean Darrun Hilliardek sartutako hiruko erabakigarriek etxekoen garaipena ziurtatu dute.
Normantasek, Krampeljek, Petrasekek eta Hilliardek 2028ra arte berritu dute Surne Bilbaorekin
Freyk, Hlinasonek, Fontek, Syllak eta Bagayokok ere indarrean dute kontratua. Pantzarren baja besterik ez dute baieztatu orain arte.
FIBA Europa Kopa irabazita, Surne Bilbao omendu dute Gernikan
FIBA Europako Kopa irabazi ondoren, Bilbao Basketi omenaldia egin diote Gernikako Batzarretxean. Aurreskua dantzatu diete Gernikako arbolaren aurrean, eta barrura sartu dira horren ostean.
Surne Bilbaok Valentziaren aurka galdu du (88-83)
Valentzia Basketek aurre egin dio Justin Jaworski Surne Bilbao taldeko eskolta estatubatuarraren erakustaldiari igande honetan, 31 puntu eta 8 hiruko lortuta eta garaipenak ihes egin dio Bilboko taldeari.
Surne Bilbaok Real Madril mendean hartu du Miribillan, eta playoff postuetan sartu da (88-82)
Surne Bilbao Basket lehen aldiz sartu da Endesa Ligako playoff postuetan Real Madrili 88-82 irabazita. Azken laurden bikain bat egin ondoren, merezitako garaipena lortu dute beltzezko gizonek. Hemen partidaren laburpena.
Bilbao Basketen ereserki berria egin du Shinova taldeak: “Sua gara"
Bilbao Basket taldeak ereserki berria aurkeztu du astearte honetan. Shinova taldeak egindako piezak "Sua gara" du izena.
Azken laurdenean egindako hutsek garaipenik gabe utzi dute Surne Bilbao Lleida aldean (90-81)
Surne Bilbao Basketek 90-81 galdu du Hiopos Lleidaren etxean, Endesa Ligako 30. jardunaldiko partidan. Emaiotza honekin, Kataluniarrek maila gorenean jarraitzeko urrats handi aeman dute. Lleidak azken laurdenean, eta hiru minututan, lortudako 10-1eko partzialak partida euren alde jarri du. James Batemon eskolta, 20 punturekin, izan da partidako saskiratzailerik onena.
Surne Bilbaok aste zoragarria itxi eta Granada hondoratu du (88-83)
Surne Bilbaok garaipen estua lortu du Coviran Granadaren aurka Miribillan (88-83), eta aste bikaina biribildu du, FIBA Europa Kopa irabazi ondoren play-offerako lehian sartuta. Granada azken unera arte borrokatu bada ere, porrot honek gehiago hurbiltzen du beheko postuetara.