Bilbao Basketek lehen porrota jaso du Txapeldunen Ligan Igokearen eskutik
Surne Bilbao Basketek galdu egin du Igokearen aurka 81-84ko emaitzarekin asteazken honetan (azaroak 30) Bilbao Arenan jokatu duen Txapeldunen Ligako multzoen faseko laugarren jardunaldiko partida.
Lehen porrota jaso du Bilboko taldeak txapelketa honetan. Hala ere, Bilbao Basketek D multzoko lehen postuan jarraitzen du Bahcesehir Koleji taldeak baino garaipen bat gehiagorekin.
Estreinako laurdena parekatua izan da. Bilbao Basketek lau puntuko errenta erdietsi du (9-5) hasieran, baina Bosnia-Herzegovinako taldea nagusi izan da azken txanpan, eta talde bisitariaren aldeko 19-25eko emaitzarekin amaitu dira lehen hamar minutuak.
Desabantaila murriztu du Bilbao Basketek bigarren laurdenari ekitearekin batera; puntu bakarrera gerturatu da lehenengo, eta lehia berdindu du ondoren (39-39). Atsedenaldira iritsi aurreko azken minutuetan, ordea, Igokea nagusi izan da (41-46).
Eromena izan da nagusi atsedenalditik bueltan. Bilbao Basketek aldeak txikitu ditu, Igokeak berriz zuloa ireki du markagailuan, baina Bilboko taldeak aurrea hartzea lortu du (57-56). Norgehiagoka estutu egin da, baina aurreko bi laurdenetan gertatu bezala, hirugarrenaren amaieran ere hobeto jokatu du Igokeak, eta 0-9ko partziala eskuratuta zortzi puntuko abantailarekin (57-65) ekin dio azken laurdenari.
Bosnia-Herzegovinako taldea nagusi izan da laugarren laurdenaren hasieran. Zuloa ireki du Igokeak, 16 puntuko errenta eskuratuta (60-76). Bazirudien partida erabakita zegoela eta Bilbao Basketek ez zuela aukerarik, baina Ponsarnauk zuzentzen duen taldeak ez du etsi, eta lau puntura hurbildu da (78-82) azken txanpan. Baina Bilbao Basketen erantzuna beranduegi heldu da. Azkenean, Igokea garaile (81-84).
Fitxa teknikoa:
81 - Surne Bilbao Basket (19+22+16+24): Radicevic (5), Francis Alonso (5), Rabaseda (2), Rosa (2) eta Kyser (8) -hasierako taldea-; Ubal (11), Adam Smith (14), Reyes (14), Sulejmanovic (7), Andersson (2) eta Withey (11).
84 - Igokea m:tel (25+21+19+19): Ray (8), Crawford (17), Delalic (3), Tanaskovic (13) eta Djordjevic (16) -hasierako taldea-; Kondic (3), Waller (10), Josilo (6) eta Maric (8).
Partzialak: 19-25, 41-46 (atsedenaldia); 57-65 eta 81-84 (amaiera).
Epaileak: Yohan Rosso (Frantzia), Saverio Lazarini (Italia) eta Anastasios Kardarios (Grezia). Dragan Bagic (31. min) kanporatu dute, bi teknika adierazita.
Zure interesekoa izan daiteke
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.
Ponsarnau, Valverderi buruz: “Erreferentea da niretzat, eta beti izango da"
Surne Bilbao taldeko entrenatzaileak hitz batzuk esan nahi izan ditu Valverderi buruz, Athleticeko entrenatzaileak talde zuri-gorria zuzentzeari utzi dionean.
Surne Bilbaok mendean hartu du Girona (86-80), eta play-offeko postua defendatuko du Tenerifen
Surne Bilbaok 86-80 menderatu du Girona Bilbao Arenan, eta play-offerako sailkapena jokatuko du azken jardunaldian Tenerifen. Gironak amaierara arte eutsi badio ere, Melwin Pantzarren partida bikainak eta azken laurdenean Darrun Hilliardek sartutako hiruko erabakigarriek etxekoen garaipena ziurtatu dute.
Normantasek, Krampeljek, Petrasekek eta Hilliardek 2028ra arte berritu dute Surne Bilbaorekin
Freyk, Hlinasonek, Fontek, Syllak eta Bagayokok ere indarrean dute kontratua. Pantzarren baja besterik ez dute baieztatu orain arte.
FIBA Europa Kopa irabazita, Surne Bilbao omendu dute Gernikan
FIBA Europako Kopa irabazi ondoren, Bilbao Basketi omenaldia egin diote Gernikako Batzarretxean. Aurreskua dantzatu diete Gernikako arbolaren aurrean, eta barrura sartu dira horren ostean.
Surne Bilbaok Valentziaren aurka galdu du (88-83)
Valentzia Basketek aurre egin dio Justin Jaworski Surne Bilbao taldeko eskolta estatubatuarraren erakustaldiari igande honetan, 31 puntu eta 8 hiruko lortuta eta garaipenak ihes egin dio Bilboko taldeari.
Surne Bilbaok Real Madril mendean hartu du Miribillan, eta playoff postuetan sartu da (88-82)
Surne Bilbao Basket lehen aldiz sartu da Endesa Ligako playoff postuetan Real Madrili 88-82 irabazita. Azken laurden bikain bat egin ondoren, merezitako garaipena lortu dute beltzezko gizonek. Hemen partidaren laburpena.
Bilbao Basketen ereserki berria egin du Shinova taldeak: “Sua gara"
Bilbao Basket taldeak ereserki berria aurkeztu du astearte honetan. Shinova taldeak egindako piezak "Sua gara" du izena.
Azken laurdenean egindako hutsek garaipenik gabe utzi dute Surne Bilbao Lleida aldean (90-81)
Surne Bilbao Basketek 90-81 galdu du Hiopos Lleidaren etxean, Endesa Ligako 30. jardunaldiko partidan. Emaiotza honekin, Kataluniarrek maila gorenean jarraitzeko urrats handi aeman dute. Lleidak azken laurdenean, eta hiru minututan, lortudako 10-1eko partzialak partida euren alde jarri du. James Batemon eskolta, 20 punturekin, izan da partidako saskiratzailerik onena.
Surne Bilbaok aste zoragarria itxi eta Granada hondoratu du (88-83)
Surne Bilbaok garaipen estua lortu du Coviran Granadaren aurka Miribillan (88-83), eta aste bikaina biribildu du, FIBA Europa Kopa irabazi ondoren play-offerako lehian sartuta. Granada azken unera arte borrokatu bada ere, porrot honek gehiago hurbiltzen du beheko postuetara.