Tomeu Rigok beste denboraldi bat egingo du RETAbet Bilbao Basketen
Tomeu Rigo eskolta balearrak beste denboraldi bat egingo du RETAbet Bilbao Basket taldean, jokalariak eta klub bilbotarrak kontratua berritzeko lortu duten akordioaren ondoren.
23 urte eta 1.89 metroko altuera dituen jokalaria 2018an heldu zen Bilbora, taldea Urrezko LEB mailan zegoenean, eta horrela, datorrena bere hirugarren denboraldia izango da RETAbet Bilbao Basketen, talde bilbotarrak jakinarazi duenez.
Rigok 23 partida jokatu ditu 2019-2020 denboraldian talde bilbotarrarekin, horietako bost Endesa Ligako azken fasean eta beste bat Malagan jokaturiko Kopan. Urtebeterako berritu du kontratua.
Balearretako jokalariak adierazi du "oso pozik" dagoela beste urtebete jarraituko duelako RETAbet Bilbao Basketen jokatzen, eta egungo egoera "normalizatzea" espero duela, taldeko zaleak Mirbillan ikusi ahal izateko.
Bestalde, Rafa Pueyo RETAbet Bilbao Basketeko kirol zuzendariak ere esan du "oso pozik" daudela Rigok kontratua berritu duelako, "talde bezala zabaldu nahi ditugun baloreak bikain adierazten dituelako".
"Beti dena ematen duen jokalaria da. Norberaren luzimenduaren gainetik taldea jartzen du, eta entrenatzaileak esaten dioena egiten du taldea lehiatu dadin. Defentsako jokalari ona da, ongi jaurtitzen du eta energia asko ematen dio taldeari. Hobetzen jarraitzea eta denboraldi berrian laguntzea espero dut", adierazi du.
Zure interesekoa izan daiteke
Surne Bilbaok Nate Darling sinatu du 2026-2027 denboraldirako
Talde bizkaitarraren hirugarren eransketa izanen da eskolta kanadiarra, Adam Somogyiren eta Dan Duscaken sinaketen ondoren.
Bilbao Basketek iragarri du Jaworskik ez duela klubean jarraituko
Eskolta estatubatuarra funtsezkoa izan da bilbotarren denboraldi arrakastatsuan.
Surne Bilbao Basketek Stefan Lazarevicek eta Amar Syllak ez dutela klubean jarraituko iragarri du
Serbiarrak klubean urtebetez jokadu du. Senegaldarrak, berriz, bi urte eman ditu Bilbon.
Surne Bilbaok Dan Duščak joko-antolatzaile esloveniarra fitxatu du
Surne Bilbaok Adam Somogyi fitxatu du
Nazioarteko hungariarrak 2028ra arte sinatu du talde bilbotarrarekin, Txapeldunen Ligan partidako asistentzia gehien egin dituen joku-antolatzailea izanda.
Melwin Pantzarrek Bilbao Basketi agur esan dio: “Zorionekoa ni, klub honetan egoteagatik”
Melwin Pantzar Bilbao Basketeko jokalariak agur esan dio klubari, beltzezko gizonekin hiru denboraldi eman ostean.
Surne Bilbao eta Valentzia Basketen arteko play-offetako final-laurdenetako bigarren partidaren laburpena (71-88)
Valentziako taldeak etxetik kanpo ere garaitu du Bilboko taldea, eta 2-0eko emaitzarekin kanporatu du Surne Bilbao.
Valentzia Basketek ez dio aukerarik eman Surne Bilbaori (71-88)
Bilboko taldea play-offetatik kanpo geratu da bi partida galdu eta gero, gaur askoz hobeto jokatu duen Valentziako taldearen aurka.
Valentzia vs Surne Bilbao final laurdenetako play-offeko lehen partidaren laburpena (83-80)
Surne Bilbao Basketek galdu egin du Valentzia Basketen aurka jokatu duen Endesa Ligako final-laurdenetako lehen partida. Talde taronjak kontra zuen 13 puntuko aldea irauli egin du, hiru minutu eskasean. Hala eta guztiz ere, beltzezko gizonek partida bikaina egin dute.
Neurketak ihes egin dio Surne Bilbaori eta Valentzia Basketek poltsikoratu du play-offetako lehen partida
Bilbotarrek gertu izan dute garaipena Valentzian, baina etxekoak suspertu eta markagailua irauli dute azken minutuetan.