Jaka Lakovicek Mrsic ordezkatuko du Bilbao Basketen

RETAbet Bilbao Baskek eta Veljko Mrsic akordiora heldu dira eta entrenatzaileak kargua utzi du. 21 partida zuzendu ditu eta bost garaipen besterik ez ditu lortu, denak Miribillan.

Bere ordezkoa Jaka Lakovic izango da, orain arte Mrsic laguntzen egon da bigarren entrenatzaile bezala. Asteartean Lakovicek berak lan saioa zuzenduko du.

Bilbao Basketek lau final ditu mailari eusteko, Monbus Obradoiro eta San Pablo Burgos taldeen aurka neurtuko ditu indarrak etxetik kanpo eta Kirolbet Baskoniaren eta UCAM Murtziaren aurka, etxean.

Badirudi lau partida horietatik hiru irabazi behar dituztela mailari eusteko.