RETAbet Bilbao Basketek Devin Thomas estatubatuarra fitxatu du
RETAbet Bilbao Basket taldeak Devin Thomas 2,04 metroko eta 23 urteko jokalari estatubatuarra fitxatu du. Thomasek denboraldia bukatu arte jokatuko du Bilboko taldean. Jokalari "oso bizia" dela eta "erreboteak jasotzeko sen handia" duela nabarmendu du Bilboko taldeko kirol zuzendaritzak.
Devin Thomas Wake Forest unibertsitatean hezi zen (2012-2016), eta erreboteak jasotzeko gaitasunagatik eta lehiatzeko grinagatik egin zen ospetsu. Senior urtean, batez beste 15,6 puntu eta 10,2 errebote lortu zituen partidako.
2016an ez zen NBAn jokatzeko hautagaien zerrendan sartu, baina Minnesota Timberwolves taldeak Las Vegasko udako ligan jokatzera gonbidatu zuen. Jokatu zituen sei partidetan, 4,5 puntuko eta 6 erreboteko batezbestekoak izan zituen.
Europan aritu zen aurreko denboraldian, Turkiako TED Ankara taldean, batez beste, 11,4 puntu, 7,7 errebote eta 3 asistentzia lortuz partidako. Ligako bost erreboteatzaile onenen artean egon zen, eta sei partidatan hamar puntu eta hamar errebote baino gehiago lortu zituen.
"Devin Thomas barneko jokalaria da, ez oso altua, baina bai oso bizia eta erreboteak jasotzeko sen handiarekin (Pinar Karsiyakaren aurkako partidan 18 errebote jaso zituen). Jokalari ezkerra da, zonan ongi mugitzen da eta definitzeko gaitasuna eta bizkarrez jokatzeko baliabideak ditu. Ondo egiten du korrika, badaki baloia eskuetan izaten eta oso ongi pasatzen du (aurreko denboraldian 9 asistentzia ematera iritsi zen). Bere bizitasunak eta gaztetasunak taldeari energia ematea espero dugu", esan du Bilboko taldearen kirol zuzendaritzak.
Zure interesekoa izan daiteke
Nate Darling: “Alderdi guztietan lagundu nahi dut, baita defentsa lerroa hobetu ere”
Surne Bilbao Basketek Nate Darlingen aurkezpen ofiziala egin du. Eskolta kanadarrak "taldea jokoan sartzea" gustuko duela adierazi du eta "bere estiloa aldatzen" joango dela aurkaria ezagutu ahala. (Bideoa gazteleraz)
Surne Bilbaok Bastien Vautier aurkeztu du: “Dibertigarria izango da Miribillan jokatzea, atsegina”
Bilboko taldeak, asteartean, 2026-2027 denboraldirako egin dituen fitxaketako bat aurkeztu du. Jokalari frantziarrak adierazi duenez, erraza egin zaio Bilboko klubean bertakotzea.
Manex Ansorregi, bere aurkezpenean: “Nire helburua egunero lan egitea eta hobetzea da”
Gaur aurkeztu du Surne Bilbaok Manex Ansorregi. Azkoitiko jokalaria Gipuzkoa Basketetik iritsi da Surne Bilbaora, eta aurten debutatuko du Endesa Ligan.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.
-3?fmt=webp-alpha&qlt=80)
Surne Bilbaok azterketa medikoekin hasiko du denboraldiaurrea
Aleix Font, Bastien Bautier, Manex Ansorregi eta Ondrej Hustak, 22 urtez azpiko Urko Madariaga, Mikel Liñares eta Bingen Errasti gain, izan dira azterketa medikoak igaro dituzten lehen jokalariak.
Surne Bilbaok Bosnia-Herzegovinan emango dio hasiera 2026-2027ko Txapeldunen Ligari, Igokearen aurka, urriaren 6an
Bilboko taldea, azken hiru denboraldietan FIBA Europa Kopan aritu eta gero, Txapeldunen Ligan ibiliko da, eta asteartean zehaztu dute txapelketako multzo faseko egutegia. Surne Bilbao G multzoan izango da, talde hauekin: Igokea, ALBA Berlin eta Slavia Praga.
Surne Bilbaok ALBA Berlin, Slavia Praga eta Igokea izango ditu aurkari 2026-2027ko Txapeldunen Ligako multzo fasean
Txapelketa urriaren 6an hasiko da. Surne Bilbao Txapeldunen Ligara bueltatuko da; azken hiru denboraldietan, FIBA Europa Kopan aritu da, eta 2025ean eta 2026an irabazi du hori.
Surne Bilbaok Ondřej Husták fitxatu du 2028ra arte
22 urte eta 2,12 metroko pibot txekiarrak “intentsitatea eta energia” ekarriko dituela adierazi du talde bilbotarrak.
Manex Asorregik Surne Bilbaorekin sinatu du 2028ra arte
Jokalari azkoitiarra Askatuak Gipuzkoatik iritsi da talde bilbotarrera, talde gipuzkoarrean azken hiru denboraldiak emanda.