Etxean galdutakoak berreskuratu nahi ditu Bilbao Basketek Errusian
RETAbet Bilbao Basketek Lokomotiv Kuban izango du aurkari asteazken honetan, Eurokopako lehen faseko laugarren jardunaldian. Bilbotarrek Miribillan galdutakoak berreskuratzeko asmoz bidaiatu dute Errusiara, eta hala kantxaratuko dira Krasnodarko Basket Hall aretora.
Beltzezko gizonek Limogesen eta Partizanen aurka Bilbao Arenan ezustean galdutako bi partidek (91-98 eta 92-96, hurrenez hurren) ezerezean utzi zuten lehenengo jardunaldian Lituanian, Lietuvos Rytasen aurka, lortutako garaipen distiratsua (83-93).
Horrenbestez, Lituanian egindakoa errepikatzeko nahia dute bilbotarrek asteazken honetan, taldearen oroitzapenetatik sekula aldenduko ez den talde baten aurrean. Izan ere, Bilbao Basketek galdu egin zuen Lokomotiv Kubanen aurka, Europako txapelketa batean inoiz jokatu duen final bakarrean (2013an, Belgikako Charleroi hirian).
Miribillakoek ez dute ahaztuko partida hartan izandako emaitza (64-75), eta kirol-mendekua hartzeko aukera aproposa daukate bihar, nahiz eta jakitun diren ez dutela lan erraza izango, errusiarrak C Multzo liderrak baitira, orain arte jokatutako hiru partidak irabazita.
Sasa Obradovicek entrenatzen duen taldeak Limogesen irabazi zuen estreinako norgehiagokan (61-63); jarraian, Alba Berlin hartu zuen etxean, eta erraz azpiratu zuen (75-59), eta, azkenik, 85-93 gailendu zitzaion Lietuvos Rytasi.
Errusiarren defentsa-lana azpimarratzekoa da, partidako 68,3 puntu besterik ez baitituzte jasotzen, baina hiru jokalari estatubatuarren erasorako ahalmena ere goraipatu beharra dago: Joe Ragland joko-antolatzailea (19,3 puntu eta 5,7 asistentzia), Chris Babb eskolta (14,7) eta Frank Elegar hegal-pibota (12,5 eta 7 errebote).
Bilbao Basketen aldetik, berriz, erasoko jokoan eraginkor ari da azaltzen (92), ez, ordea, defentsan, 92,3 puntu hartzen baititu. Jokalariei dagokienez, honako hauek dira txapelketan onenak izaten ari direnak: Dejan Todorovic (18,7), Axel Hervelle (13 eta 4,3) eta Alex Mumbru (11).
Partida STREAMING bidez jarraitu ahalko da eitb.eus-etik, baita etb1 katetik ere.
Zure interesekoa izan daiteke
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.
Ponsarnau, Valverderi buruz: “Erreferentea da niretzat, eta beti izango da"
Surne Bilbao taldeko entrenatzaileak hitz batzuk esan nahi izan ditu Valverderi buruz, Athleticeko entrenatzaileak talde zuri-gorria zuzentzeari utzi dionean.
Surne Bilbaok mendean hartu du Girona (86-80), eta play-offeko postua defendatuko du Tenerifen
Surne Bilbaok 86-80 menderatu du Girona Bilbao Arenan, eta play-offerako sailkapena jokatuko du azken jardunaldian Tenerifen. Gironak amaierara arte eutsi badio ere, Melwin Pantzarren partida bikainak eta azken laurdenean Darrun Hilliardek sartutako hiruko erabakigarriek etxekoen garaipena ziurtatu dute.
Normantasek, Krampeljek, Petrasekek eta Hilliardek 2028ra arte berritu dute Surne Bilbaorekin
Freyk, Hlinasonek, Fontek, Syllak eta Bagayokok ere indarrean dute kontratua. Pantzarren baja besterik ez dute baieztatu orain arte.
FIBA Europa Kopa irabazita, Surne Bilbao omendu dute Gernikan
FIBA Europako Kopa irabazi ondoren, Bilbao Basketi omenaldia egin diote Gernikako Batzarretxean. Aurreskua dantzatu diete Gernikako arbolaren aurrean, eta barrura sartu dira horren ostean.
Surne Bilbaok Valentziaren aurka galdu du (88-83)
Valentzia Basketek aurre egin dio Justin Jaworski Surne Bilbao taldeko eskolta estatubatuarraren erakustaldiari igande honetan, 31 puntu eta 8 hiruko lortuta eta garaipenak ihes egin dio Bilboko taldeari.
Surne Bilbaok Real Madril mendean hartu du Miribillan, eta playoff postuetan sartu da (88-82)
Surne Bilbao Basket lehen aldiz sartu da Endesa Ligako playoff postuetan Real Madrili 88-82 irabazita. Azken laurden bikain bat egin ondoren, merezitako garaipena lortu dute beltzezko gizonek. Hemen partidaren laburpena.
Bilbao Basketen ereserki berria egin du Shinova taldeak: “Sua gara"
Bilbao Basket taldeak ereserki berria aurkeztu du astearte honetan. Shinova taldeak egindako piezak "Sua gara" du izena.
Azken laurdenean egindako hutsek garaipenik gabe utzi dute Surne Bilbao Lleida aldean (90-81)
Surne Bilbao Basketek 90-81 galdu du Hiopos Lleidaren etxean, Endesa Ligako 30. jardunaldiko partidan. Emaiotza honekin, Kataluniarrek maila gorenean jarraitzeko urrats handi aeman dute. Lleidak azken laurdenean, eta hiru minututan, lortudako 10-1eko partzialak partida euren alde jarri du. James Batemon eskolta, 20 punturekin, izan da partidako saskiratzailerik onena.
Surne Bilbaok aste zoragarria itxi eta Granada hondoratu du (88-83)
Surne Bilbaok garaipen estua lortu du Coviran Granadaren aurka Miribillan (88-83), eta aste bikaina biribildu du, FIBA Europa Kopa irabazi ondoren play-offerako lehian sartuta. Granada azken unera arte borrokatu bada ere, porrot honek gehiago hurbiltzen du beheko postuetara.