Bilbao Basketek ez du aukerarik izan liderraren aurka (85-49)
Dominion Bilbao Basketek ez du aukerarik izan Fontetan, Valentziaren aurka, eta 85-49 galdu dute liderraren etxean, bigarren itzuliko lehen jardunaldian. Sito Alonsoren taldeak ezin izan dio jarraipenik eman azken egunotako emaitza onei, Kopan sartu ondoren eta Munichen garaipen bikaina erdietsi ostean. Valentziak erakutsi du zergatik dagoen Endesa Ligako lehen postuan eta zer dela eta dauzkan 18 garaipen eta irabazi dituen neurketa guztiak.
Hasiera-hasieratik jarri du Valentziak markagailua bere alde; izan ere, errazegi apurtu dute partida Pedro Martinezen gizonek. Bilbao Basketek zailtasun handiak izan ditu puntuak lortzeko: lehen 15 minutuetan, 10 puntu baino ez ditu sartu, denak lehen laurdenean, eta lehen zati osoan 18 soilik. 43-18 zen emaitza atsedenaldian, eta horrek islatzen zuen jokoan jazotzen ari zena; Bilbao Basket ez da egon espero zen mailan, inolaz ere.
Hirugarren laurdenean, Bilbao Basket apur bat esnatu da, eta joko hobea egin du; halere, bakarrik lortu ahal izan du aldea ez haztea atsedenaldira arte bezain azkar. Azken laurdenaren faltan, 66-36 zegoen markagailua.
Partidako azken txanpan ez du Bilbao Basketek albiste onik izan. Sito Alonsoren gizonak ez dira fin ibili erasoan, eta ezin izan dute aldea gutxienez murriztu. Amaieran, 85-49, 36 puntuko aldea; bilbotarrek ahalik eta lasterren ahaztu beharko dute partida hau, Ligan eta Europan daramaten ibilbide onari eusteko.
Fitxa teknikoa:
VALENCIA BASKET: Vives (17), Martinez (4), Lucic (7), Sikma (7), Hamilton (4) –hasierako boskotea--; Diot (13), Stefansson (6), Trias (2), Sato (6), Dubljevic (13), San Emeterio (3) eta Shurna (3).
DOMINION BILBAO BASKET: Ruoff (3), Borg (6), Bertans (5), Hervelle (-) eta Bogris (10) –hasierako boskotea--; Raul Lopez (3), Hannah (12), Alex Suarez (-), Todorovic (2), Mumbru (8) eta Mendia (-).
eta Mendia (-).Zure interesekoa izan daiteke
Manex Ansorregi, bere aurkezpenean: “Nire helburua egunero lan egitea eta hobetzea da”
Gaur aurkeztu du Surne Bilbaok Manex Ansorregi. Azkoitiko jokalaria Gipuzkoa Basketetik iritsi da Surne Bilbaora, eta aurten debutatuko du Endesa Ligan.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.
-3?fmt=webp-alpha&qlt=80)
Surne Bilbaok azterketa medikoekin hasiko du denboraldiaurrea
Aleix Font, Bastien Bautier, Manex Ansorregi eta Ondrej Hustak, 22 urtez azpiko Urko Madariaga, Mikel Liñares eta Bingen Errasti gain, izan dira azterketa medikoak igaro dituzten lehen jokalariak.
Surne Bilbaok Bosnia-Herzegovinan emango dio hasiera 2026-2027ko Txapeldunen Ligari, Igokearen aurka, urriaren 6an
Bilboko taldea, azken hiru denboraldietan FIBA Europa Kopan aritu eta gero, Txapeldunen Ligan ibiliko da, eta asteartean zehaztu dute txapelketako multzo faseko egutegia. Surne Bilbao G multzoan izango da, talde hauekin: Igokea, ALBA Berlin eta Slavia Praga.
Surne Bilbaok ALBA Berlin, Slavia Praga eta Igokea izango ditu aurkari 2026-2027ko Txapeldunen Ligako multzo fasean
Txapelketa urriaren 6an hasiko da. Surne Bilbao Txapeldunen Ligara bueltatuko da; azken hiru denboraldietan, FIBA Europa Kopan aritu da, eta 2025ean eta 2026an irabazi du hori.
Surne Bilbaok Ondřej Husták fitxatu du 2028ra arte
22 urte eta 2,12 metroko pibot txekiarrak “intentsitatea eta energia” ekarriko dituela adierazi du talde bilbotarrak.
Manex Asorregik Surne Bilbaorekin sinatu du 2028ra arte
Jokalari azkoitiarra Askatuak Gipuzkoatik iritsi da talde bilbotarrera, talde gipuzkoarrean azken hiru denboraldiak emanda.
Surne Bilbaok Bastien Vautier pibot frantsesa fitxatu du hurrengo denboraldirako
27 urteko pibotak denboraldi baterako sinatu du, eta ASVEL Lyon-Villeurbanne taldetik dator. Klub horretan, batez beste 5,7 puntu eta 2,8 errebote lortu ditu partidako Euroligan.
Surne Bilbaok Txapeldunen Liga jokatuko du hiru urte geroago
Talde bilbotarra urriaren 6an hasiko den lehiaketan parte hartuko duten 32 taldeetako bat da. Dagoeneko 30 talderi baieztatu diete tokia, eta Surne da horietako bat. Talde bizkaitarrak 2020-21 denboraldian Txapeldunen Ligan parte hartu zuen, eta 2022-23an errepikatu zuen.