Bilbao Basketek porrota jaso du Ligako azken partidan

Rafa Pueyoren taldeak 92 eta 94 galdu du Miribillan, Rio Natura Monbus talde galiziarraren aurka, sailkapenari begira garrantziarik gabeko neurketan.

German Gabriel, Rio Natura Monbusen aurkako partidan. Efe.

ERREDAKZIOA

2014/05/24 - 02:00

Azken eguneratzea

2014/05/24 - 22:39

Alberto Corbachok amaierarako sei segundoren faltan sartutako hirukoak garaipena kendu dio Bilbao Basketi Rio Natura Monbusen aurka Miribillan jokatutako partidan (92-94). Neurketa galdu arren, zaleek txalo zaparrada beroa eman diete jokalariei norgehiagoka bukatu ondoren.

Miribillan bildutako 9.000 zaleak zutik jarri dira eta "Hau da taldea, hau" oihukatu dute, teknikoei eta jokalariei denboraldi zail eta gorabeheratsuan izandako jarrera eskertzeko.

Partida borrokatua jokatu dute bi taldeek, eta oreka izan da nagusi: 22na, 48na eta 70na egin dute. Azkenean, Corbachoren hirukoak erabaki du garaipena.

Fitxa teknikoa:

92 - Bilbao Basket (22+26+22+22): Alberto Díaz (5), Bertans (18), Mumbrú (15), Markota (19), Gabriel (13) –hasierako boskotea- Hervelle (6), Samb (4), Vrkic (12), Pilepic (-) eta Sergio Sánchez (-).

94 - Río Natura Monbus (22+26+22+24): Freire (8), Delas (11), Corbacho (11), Pumprla (8), Guillén (16) –hasierako boskotea- Scott (8), Stobart (-), Dewar (11), Berzins (13), Homs (-), Xhantopoulos (5) eta Peterson (3).