Kobi Simmonsek Kosner Baskonian jarraituko du 2028ra arte
Joko-antolatzaile estatubatuarrak denboraldi ona egin du, eta Arabako hiriburuan jarraitzeko aukera eman dio horrek. "Gasteizera iritsi zenetik ezin hobeto egokitu da taldera, eta zaleei gau bikainak eskaini dizkie", azaldu du Baskoniak.
Kobi Simmons, beroketa batean. Argazkia: Europa Press
Kobi Simmons Kosner Baskoniako jokalariak beste bi denboraldiz jarraituko du Gasteizko taldean, 2028ra arte, talde gasteiztarrak gaur iragarri duenez.
Joko-antolatzaile estatubatuarrak denboraldi ona egin du, eta Gasteizen jarraitzeko aukera eman dio horrek. Urrian, Txinako Zhejiang Golden Bulls taldetik etorri zen, Trent Forrest lesionatuaren tokia betetzeko. Hasiera batean, bi hilabeteko kontratua egin zioten.
Bere errendimendu onaren ondorioz, abenduan, kontratua luzatu zioten denboraldia bukatu arte, eta orain lotura berriro luzatu du.
"Gasteizera iritsi zenetik ezin hobeto egokitu da taldera, zaleei gau bikainak eskainiz", azpimarratu du talde arabarrak.
Simmonsek 60 partida jokatu ditu denboraldi honetan, eta, batez beste, 11,8 puntu eta 2,8 asistentzia lortu ditu, eta 11ko balorazioa du.
Zure interesekoa izan daiteke
Kobi Simmonsek “prest" ikusten du Kosner Baskonia Euroligako lehen partidarako
Baskoniak porrot egin du Joventuten aurka, eta Superkopako finalik gabe geratu da (96-84)
Galbiati: “Ez gaude egoera fisiko edo taktikorik onenean, baina dena gerta daiteke"
Kosner Baskoniak Kenneth Faried aurkeztu du: “Aukera bikaina da”
Alex Len pibot ukrainarra, Baskoniako jokalari berria
A.J. Lawson hegalekoa aurkeztu du Baskoniak
Khalifa Diopek Kosner Baskonia utzi du, eta Cleveland Cavaliers taldean arituko da
Kenneth Fariedek Baskoniaren barneko jokoa indartuko du
Kosner Baskonia berria abian da, jokalarien azterketa medikoekin hasita
