Kosner Baskoniak etxean eta txapeldunaren kontra ekingo dio Europako bideari

Kosner Baskoniak Euroligako bidea Buesa Arenan hasiko du, irailaren 24an, egungo txapelduna den Olympiakosen aurka.

Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Bigarren astean, aurreneko jardunaldi bikoitzean, Gasteizko taldeak Valentzia Basketi egingo diote bisita irailaren 29an, eta Armani Milan hartuko dute etxean.

Baskoniak lehen lau jardunaldietatik hiru jokatuko ditu etxean. Buesa Arenak, ordea, Europako denboraldiaren azken zortzi partidetatik bi baino ez ditu hartuko.

Real Madrilek urriaren 27an bisitatuko du Gasteiz, eta Bartzelonak, abenduaren 16an.

2026ko azken partida Valentzia Basketen aurka jokatuko dute, Gasteizen, eta apirilean, play-offen aurretik, Armani Milan eta Makabi Tel Aviven kontra jokatuko dute, etxetik kanpo.

Bestalde, Pablo Laso (Turkiako Anadolu Efes taldearekin) eta Ibon Navarro (Serbiako Izar Gorriarekin) entranatzaile gasteiztarrek 2026ko azaroaren 25ean eta 2027ko otsailaren 5ean bisitatuko dute Arabako hiriburua, hurrenez hurren.