Baskoniak ezin izan du Anadolu Efesen aurka (92-76), eta aukerarik gabe gelditu da Euroligan
Baskoniak Anadolu Efesen aurka galdu du, 92-76, 2024-25 denboraldiko Euroligako fase erregularreko hogeita hamaikagarren jardunaldian, Basket Development Centerren, Istanbulen, asteazkenean, eta, horrenbestez, txapelketan jarraitzeko aukerarik gabe gelditu da. Europa mailako txapelketa nagusiko fase erregularra bukatuta, Baskoniak ezingo du partida gehiagorik jokatu, beraz.
Anadolu Efes sendoago ibili da, eta horren araberakoa da emaitza. Horrez gain, oso ondo aritu dira Shane Larkin, bigarren zatian, eta Rodrigue Beaubois, aurrenekoan, bai eta Vincent Poirier, partida osoan.
Norgehiagokako azken minutuak gogorrak izan dira Baskoniarentzat; Pablo Lasoren gizonak azken laurdenera arte lehiatu dira, nolanahi ere. Euskal taldean, Trent Forrest izan da onena, hamazazpi puntu sartuta eta zazpi asistentzia emanda.
Baloi gehiegi galdu ditu Gasteizko taldeak, baina, eta errebotean ere izan da gehiago Anadolu Efes. Hala, Lasoren taldeak ez du aukerarik Euroligako play-in izenekoa jokatzeko.
Fitxa teknikoa
92 - Anadolu Efes (28+21+18+25): Thompson (4), Beaubois (18), Bryant (11), Osmani (5) eta Poirier (10) -hasierako bostekoa-, Oturu (8), Willis (5), Smits (6), Nwora (2), Larkin (16) eta Dozier (7).
76 - Baskonia (22+22+15+17): Forrest (17), Howard (15), Luwawu-Cabarrot (9), Sedekerskis (8) eta Diop (10) -hasierako bostekoa-, Jaramaz (3), Rogkavopoulos (10), Samanic, Moneke (2) eta Hall (2).
Epaileak: Robert Lottermoser (Alemania), Milivoje Jovcic (Serbia), Steve Bittner (Alemania). Ez dute inor kanporatu.
Nabarmentzekoa: 6.688 zale izan dira, Basket Development Centerren.
Zure interesekoa izan daiteke
Kosner Baskoniak iragarri du Rafa Villarrek ez duela taldean jarraituko
Eskoltak denboraldi bat eman du euskal klubean. 2028ra arteko kontratua zuen, baina ez du jarraituko 2026-2027 denboraldian.
Baskonia-Alaves Taldeak Buesa Arena erosi nahi dio Arabako Foru Aldundiari
Operazioaren epeak eta zenbatekoak ez dituzte jakinarazi, baina Josean Querejeta taldeko presidenteak eta Ramiro Gonzalez ahaldun nagusiak salerosketa gauzatzeko borondate argia azaldu dute.
DJ Stewart, Kosner Baskoniaren lehen fitxaketa
Esloveniako Cedevita Olimpija taldetik dator, eta bi denboraldirako sinatu du.
Forrest, Nowell, Omoruyi, Radzevicius eta Edwardsek ez dute Baskonian jarraituko
Klubak "eskerrak eman dizkie guztiei izan duten konpromisoagatik eta profesionaltasunagatik".
Pablo Pinek entrenatzaile laguntzaile gisa jarraituko du Kosner Baskoniaren aulkian 2027ra arte
Granadako prestatzaileak laguntzaile gisa lur hartu zuen iragan denboraldian, Gasteizen. Baskoniaren hitzetan, lehentasuna izan da "aulkietan eskarmetu handia" duen lantaldeari eustea.
Felix Fernandezek baieztatu egin du Galbiatik eta Spagnolok taldean jarraituko dutela, Forrestek alde egingo duela eta Cabarrotekin negoziatzen ari direla
Bestalde, Bartzelonak Xevi Pujol idazkari teknikoa fitxatzeko agertu duen interesa "lehia bidegabetzat" jo du Kosner Baskoniaren kirol zuzendariak, "unea egokia ez" delakoan, ACB ligako garaikurra lortzeko play-offa jokatu aurretik izan delako.
Kobi Simmonsek Kosner Baskonian jarraituko du 2028ra arte
Joko-antolatzaile estatubatuarrak denboraldi ona egin du, eta Arabako hiriburuan jarraitzeko aukera eman dio horrek. "Gasteizera iritsi zenetik ezin hobeto egokitu da taldera, eta zaleei gau bikainak eskaini dizkie", azaldu du Baskoniak.
Galbiati: “Nire bizitzako denboraldirik zailena izan da"
Paolo Galbiati Kosner Baskoniako entrenatzaileak aitortu duenez, Endesa Ligako play-offetan Asisa Joventuten aurka galdu ostean, bere bizitzako "denboraldirik zailena" izan da.
Kosner Baskonia Asisa Joventut final-laurdenetako play-offeko hirugarren partidaren laburpena (88-96)
Kosner Baskoniak porrot gogorra jaso du Asisa Joventuten aurka igande honetan (88-96), eta Endesa Ligako play-offetatik kanpo geratu da. Ikusi hemen partidaren laburpena.
Kosner Baskoniak berriro galdu du Joventuten aurka, eta play-offetatik at geratu da (88-96)
Paolo Galbiatik zuzentzen duen taldeak ezin izan du etxean agindu, eta bigarren porrotarekin Endesa Ligako play-offetatik kanpo geratu da.