Forrestek azken segundoan sartutako saskiratze batek garaipena eman dio Baskoniari Bartzelonaren aurka (88-86)
Trent Forrestek egindako saskiratze batek garaipena eman dio Gasteizko taldeari Bartzelonaren aurka azken hasperenean (88-86); izan ere, Joan Peñarroyaren taldeak gertu izan du norgehiagoka luzapenera bidaltzea, azken txanpan 0-4ko partziala lortuta.
Baskoniak play-inerako lehiari eutsi dio, taldearen une ona berretsi duen garaipenarekin, eta hainbat partida sentsazio onekin kateatu ditu, Chima Moneke eta Trent Forrest lider dituela.
Hasierako kolpe trukean, Barça bikain aritu da, Kevin Punterrek eta Tomas Satoranskyk lortutako saskiratzeei esker. Hirukoak aldeak ezarri ditu, eta talde katalana aurretik joan da lehen hamabost minutuetan, 23-25.
Joan Peñarroyaren taldeak martxa bat gehiago sartu du bigarren laurdenean, eta 2-12koa egin du. Etxekoen lehen hirukoa 17 minuturen ostean iritsi da, eta Pablo Lasoren taldea esnatu du, hainbat defentsa on kateatu baitituzte norgehiagoka berdintzeko, Kevin Punterren bi jaurtiketa libreek lehia atsedenaldira bidali duten arte (44-46).
Willy Hernangomezek Barçari eutsi dio baskoniarren hirukoen aurrean. Markus Howard motzean lotuta zegoela, Bartzelonak ezin izan du Chima Moneke kontrolatu, eta Baskonia aurretik joan da azken laurdenara (67-66).
Etxekoek errebotea kontrolatu dute, eta aurretik jarraitu dute; Barça, aldiz, jabetza azkarrak jokatzen saiatu da, defentsa harrapatu nahian. Dena den, Markus Howarden hiruko batek arnasa eman dio Baskoniari. Ondoren, Willyk huts egin du, eta Chima Monekek funtsezko hirukoa sartu du amaierarako 47 segundo falta zirenean (86-82).
Bartzelonak asko estutu du pista osoan, eta norgehiagoka berdindu du (86-86) amaitzeko 3 segundo falta zirenean. Hala ere, Trent Forrestek saskiratzea egiteko denbora nahikoa izan du, garaipena Baskoniari emateko (88-86).
Fitxa teknikoa
88 - Baskonia (23+21+21+23): Forrest (15), Baldwin (11), Luwawu-Cabarrot (11), Moneke (22) eta Diop (2); Jaramaz (-), Howard (4), Rogkavopoulos (6), Samanic (6) eta Hall (11).
86 - Barça (25+21+18+22): Satoransky (11), Punter (13), Parra (-), Parker (10) eta Fall (-); Metu (14), Núñez (10), Willy Hernangomez (11), Brizuela (11), Sarr (-) eta Abrines (6).
Epaileak: Emin Mogulkoc (Turkia), Uros Nikolic (Serbia), Arturas Sukys (Lituania).
Zure interesekoa izan daiteke
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.
Kosner Baskoniak porrot batekin esan dio agur Euroligari Belgraden (91-79)
Arabarrek bolada onari amaiera eman diote azken jardunaldian, Partizani egindako bisitan galdu dute. Hala ere, dagoeneko ez zuten ezer jokoan.