Baskoniak saskibaloirik onena erakutsi du Panathinaikos mendean hartzeko (91-77)
Baskoniak saskibaloirik onena erakutsi du ostiral honetan Panathinaikos Europako txapeldunaren aurka, eta defentsaz eta ausardiaz erantzun du Euroligan garaipenaren bideari berriro ekiteko 91-77ko emaitzarekin.
Baskoniak bere defentsari eta abiadurari esker hartu du lehen abantaila, segundo gutxiren buruan kanpoko jaurtiketak saskiratuta; Panathinaikosek, bestalde, ez zuen bere tokia aurkitzen.
Bisitarien defentsa hauskorrari esker, etxekoek 10 puntura arte zabaldu dute aldea, 22-12, baina Wenyen Gabrielen jokoak funtsezko puntuak eman dizkio Greziako taldeari partidan jarraitzeko.
Baloiaren galerak garesti atera zaizkie baskoniarrei, eta Juancho Hernangomezek partida berdindu du (32-32). Baskoniak, baina, erreakzionatu egin du jokaldi on batzuk kateatuta, eta atsedenaldira hamar puntuko errentarekin joan da, 48-38.
Panathinaikos hobeto sartu da atsedenaldiaren ostean. 0-8ko partziala eginda, lehia estutu du, baina Baskoniak berriro erreakzionatu du bisitarien defentsa kaskarra baliatuta.
Cedi Osmanek 8 puntu jarraian sartu ditu azken laurdenaren hasieran Panathinaikos bizirik mantentzeko. Pablo Lasoren taldeak, dena den, sendo jarraitu du.
Ergin Atamanen taldeak aldea murriztu duen bakoitzean, Baskoniak hainbat ekintza positibo kateatu ditu, aldea berreskuratzeko.
Etxeko taldeak hotz jarraitu du, eta defentsan konstantea izan da. Luwawu-Cabarrotek maisuki emandako pase batekin eta amaierako hiruko batekin bukatu da partida, 91-77.
Fitxa teknikoa:
91 - Baskonia (22+26+22+21): Forrest (12), Baldwin (15), Luwawu-Cabarrot (15), Moneke (18) eta Diop (2); Rogkavopoulos (7), Howard (1), Jaramaz (-), Samanic (5) eta Hall (11).
77 - Panathinaikos (13+25+19+20): Grant (3), Nunn (7), Osman (16), Hernangomez (6) eta Yurtseven (14); Sloukas (1), Brown (12), Kalaitzakis (9), Papapetrou (4) eta Gabriel (5).
Epaileak: Mehdi Difallah (Frantzia), Olegs Latisevs (Letonia) eta Milos Koljensic (Montenegro). Nunn kanporatu dute. Falta teknikoa adierazi diete Ataman entrenatzaileari eta Nunn eta Rogkavopoulos jokalariei.
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.