Baskoniak azken segundoan galdu du Real Madrilen aurka (90-89)
Mario Hezonja kroaziarrak partida amaitzeko bi hamarren falta zirenean sartutako hirukoak garaipena eman dio Real Madrili (90-89) Baskoniaren aurka jokatutako Europako partida gogor eta estuan.
Pablo Lasok, talde zuriari egin dion bigarren bisitan, txalo zaparrada jaso du megafoniaz bere izena esan dutenean. Izan ere, bertako harmailak Lasok aulkian egin dituen 860 partidak eta 22 tituluak ez ditu ahaztu.
Hala ere, neurketa behin baino gehiagotan menderatu arren, Baskoniak ez du Madrilgo hiriburuan punturik eskuratu. 14 puntu, 10 errebote eta 28-ko balorazioarekin, Chima Moneke izan da jokalari urdin-gorri nabarmenena.
Real Madrilek hartu du neurketaren agintea 10 eta 7ko partzialarekin. Baina Baskoniak jaurtiketa askeak egin ditu 10 eta 14ko partziala ezartzeko eta aurretik jartzeko. Lehen laurdena 22 eta 21 amaitu da. Zuriek 5 puntuko errenta lortu dute, baina gasteiztarrek erantzun eta atsedenaldira aurretik iritsi dira (42-45).
Etxeko taldeak hainbat erasoko jokaldi on kateatu ditu, norgehiagokaren kontrola berreskuratuz (56-53). Defentsa onarekin, Baskoniak lidergoa berreskuratu eta hiru puntuko aldearekin iritsi da azken laurdenera (64-67). Intentsitatea mantendu egin da, Real Madrilek 10 eta 0eko partziala lortu arte, 9 puntuko abantaila eskuratuz.
Gasteiztarren azken erantzun bikain batek bi puntuko aldea eman die, baina Mario Hezonjaren hiruko batek neurketa erabaki du azken segundoan, Baskoniak Real Madrilen aurka porrota mingarria jasoz (90-89).
- Ficha teknikoa:
,- Real Madril (22+20+22+26): Campazzo (22), Rathan-Mayes (2), Musa (16), Ndiaye (3), Tavares (10), -hasierako bost jokalariak-, Llull (-), Hezonja (22), Feliz (2), Abalde (2), Hugo Gonzalez (2), Garuba (6), Ibaka (3).
- Baskonia (21+24+22+22): Forrest (19), Baldwin (4), Raieste (5), Moneke (14) y Diop (2) -hasierako bost jokalariak-, Rogkavopoulos (22), Howard (6), Samanic (10), Jaramaz (2), Hall (5).
Epaileak: Ilija Belosevic (Serbia), Milan Nedovic (Eslovenia), Rain Peerandi (Estonia).
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.