Baskoniak ez du inolako aukerarik izan OAKAn, Panathinaikosen aurka, Euroligan (104-69)
Baskoniak galdu egin du Panathinaikosen aurka, 104-69, 2024-25 denboraldiko Euroligako hamazazpigarren jardunaldian, OAKA pabiloian, Atenasen, Grezian, ostegunean. Hala, Pablo Lasoren taldeak zazpi garaipen lortuta jarraitzen du Europako txapelketan nagusian, eta, behin-behinean, sailkapeneko hamabosgarren postuan dabil.
Ostegunean Greziako hiriburuan jokatutako partidan, Baskoniak porrot egin du, oso argi, Euroligako egungo txapeldunaren aurka; Panathinaikosek, egia esan, ez dio inolako aukerarik eman euskal taldeari. Lehen laurdena amaitu denean, Baskonia 21 puntuz ari zen galtzen, 33-12, eta Gasteizko taldeak ezin izan du lehiatu, hortik aurrera, garaipena eskuratzeko. Mathias Lessort Panathinaikoseko jokalari frantziarrak izandako lesioak ere markatu du norgehiagoka; bigarren zatian, Lessortek kantxa utzi behar izan du, eta baliteke belaunean lesio larria izatea.
Kirol arloari dagokionez, Baskoniak, arestian esan bezala, ezin izan du ondo lehiatu. Chima Moneke, 16 puntu sartuta eta zortzi errebote hartuta, Pablo Lasoren taldeko jokalaririk onena izan da, baina, Monekeren lan ona gorabehera, Gasteizko taldeak ez du neurketa parekatzerik izan.
Atsedenaldian, Panathinaikos 53-35 ari zen irabazten. Bigarren zatian, Baskonia ahalegindu da aurkaria estutzen, baina Greziako taldea, azken minutuetan, berriro ere izan da oso nagusi.
Fitxa teknikoa
104 - Panathinaikos (33+20+23+28): Grant (4), Kalaitzakis (8), Nunn (26), Hernangómez (11) y Lessort (10) -hasierako bostekoa-, Sloukas (5), Brown (18), Mitoglou (7), Yurtseven (4), Samodulov (-1), Antetokounmpo (2) eta Osman (8).
69 - Baskonia (12+23+20+14): Forrest (-), Howard (5), Sedekerskis (8), Moneke (16) y Hall (5) -hasierako bostekoa-, Raieste (8), Savkov (3), Rogkavopoulos (7), Baldwin (13), Ndiaye eta Diop (4).
Epaileak: Mehdi Difallah (Frantzia), Milan Nedovic (Eslovenia) eta Thomas Bissuel (Frantzia).
Nabarmentzekoa: Euroligako hamazazpigarren jardunaldiko partida, OAKAn, Atenasen.
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.