Baskoniak Makabi Tel Aviv garaitu du (85-95), partida ona eginda, eta zazpi garaipen daramatza Euroligan
Baskoniak Makabi Tel Aviv mendean hartu du, 85-95, 2024-25 denboraldiko Euroligako hamaseigarren jardunaldian, Belgradeko el Aleksandar Nikolic Hall pabiloian, astearte gauean. Hala, Pablo Lasoren taldeak zazpi garaipen daramatza txapelketan, eta, behin-behinean, sailkapeneko hamahirugarren postuan dabil, Europa mailako lehiaketa nagusian.
Lehen zatia ikusgarria izan da. Baskonia oso ondo aritu da erasoan, eta joko azkar eta polita egin du. Partidako hasieran, bi taldeak ari ziren asmatzen saskiratzeetan, baina Gasteizko taldeak berehala egin du hobera defentsan, eta Makabi Tel Aviven saskiaren aurrean asmatzen jarraitu du. Lehenengo laurdena amaitu denean, Baskonia hamaika puntuz ari zen gailentzen, 23-24, eta atsedenaldian Lasoren gizonek hamalau puntuko aldea zuten, 43-57. Markus Howard bikain ibili da partidako lehen zatian, 16 puntu sartu baititu eta jaurtiketa egiten saiatu den bakoitzean saskiratzea erdietsi duelako; egia esan, Baskoniako jokalari guztiak aritu dira oso ondo, lehenengo hogei minutuetan.
Bigarren zatian, erritmoak pixka bat behera egin badu ere, Baskoniak ez du arazo handirik izan abantailari eutsi eta garaipena eskuratzeko. Hirugarren laurdenean, Pablo Lasoren gizonak apur bat estu ibili dira Israelgo taldea bederatzi puntura jarri denean, 56-65ean; baina Baskonia segituan suspertu da, eta Gasteizko taldeak oztoporik gabe eta guztiz merezita lortu du garaipena. Azken emaitza 85-95ekoa izan da, eta Arabako taldeak ostegunean jokatuko du berriro, 18:45ean hasita, Panathinaikosen etxean.
Fitxa teknikoa
85 - Makabi Tel Aviv (23+20+17+25): Blatt (14), Randolph (4), Rayman (-), Hoard (14) eta Gabriel (2) —hasierako bostekoa—, Jokubaitis (22), Dibartolomeo (-), DeJulius (-), Shayok (2), Sorkin (22) eta Cohen (5).
95 - Baskonia (34+23+18+20): Forrest (4), Howard (28), Sedekerskis (12), Moneke (17) eta Hall (10) —hasierako bostekoa—, Raieste (3), Rogkavopoulos (11), Baldwin (8), Jaramaz (-) eta Diop (2).
Epaileak: Robert Lottermoser (Alemania), Arturas Sukys (Lituania) eta Guido Giovannetti (Italia).
Nabarmentzekoa: 200 bat zale izan dira. Partida hasi aurretik, minutuko isilunea egin dute, Janis Timma Baskoniako jokalari ohiaren omenez.
Zure interesekoa izan daiteke
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.
Kosner Baskoniak porrot batekin esan dio agur Euroligari Belgraden (91-79)
Arabarrek bolada onari amaiera eman diote azken jardunaldian, Partizani egindako bisitan galdu dute. Hala ere, dagoeneko ez zuten ezer jokoan.