Baskoniak Zalgirisen aurka galdu du eta jarraipena eman dio Euroligako hasiera kaskarrari (82-99)
Baskoniak Euroligako hirugarren porrota jaso du ostegun honetan Zalgiris Kaunasen aurka 82-99 galduta. Gasteizko taldeak ezin izan dio eutsi baltikoen sendotasunari; Zalgiris hasieratik amaierara arte izan da nagusi, eta garaipena lortu du Buesa Arenan.
Baskoniak hiru minutu behar izan ditu lehen saskiratzea lortzeko, baina ondo itxi du bere uztaia lituaniarrek tarterik ireki ez zezaten. Markus Howardek hiru jaurtiketa egin behar izan ditu bere lehen hirukoa lortzeko. Hasiera horretan, etxekoek barruko indarra galdu dute: Chima Monekek bigarren falta egin du, eta Khalifa Diopek ez du jokatu, bizkarreko minagatik.
Keenan Evans bere taldea aurretik mantentzen saiatzeko sartu da, euskaldunak saskiratzeko sufritzen ari ziren bitartean, eta lehen laurdena aurretik itxi dute lituaniarrek: 14-22.
0-8ko partzialak Zalgiris aurretik jarri du bigarren zatiaren. Hala ere, Baskoniak punteria findu du, eta partidara itzuli da aurkariaren kolpea moteldu duten bi hirukoren bitartez (25-38). Markus Howard erasoan sartu da, eta bere taldea suspertu du 10 puntu ia jarraian sartuta. 12-0ko partziala lortu du Baskoniak, partidara itzultzeko.
Zalgirisek atsedenaldira iritsi aurretik erreakzionatu du, eta 39-46 aurretik joan dira aldageletara.
Howardek baloia bereganatzen jarraitu du hirugarren laurdenean. Banakako saiakerak izan dira, bata bestearen atzetik, Baskoniaren erasoak, eta taldeak arazoak izan ditu berriz ere Zalgirisen erritmoari jarraitzeko (44-62).
Bisitarien hiruko batek aldea handitu du berriro, eta horrek buruan mantendu ditu amaierarako hamar minutura (61-74). Baina Chima Monekeren hiruko batek partidan sartu du Baskonia, 75-80, 5:44 minuturen faltan.
Azkenean, Zalgirisek kontrolpean izan du partida, eta Giedraitisen hiruko batekin itxi du lehia. Partida 82-99 amaitu da.
Fitxa teknikoa
82 - Baskonia (14+25+22+21): Miller-McIntyre (7), Howard (26), Sedekerskis (6), Moneke (32) eta Costello (1) -hasierako bostekoa-, Mannion (2), Díez (2), Rogkavopoulos (4), Marinkovic (-) y Kotsar (2).
99 - Zalgiris Kaunas (22+24+28+25): Evans (14), Dimsa (13), Ulanovas (2), Smits (19) eta Hayes (2) -hasierako bostekoa-, Mitrou-Long (9), Birutis (6), Giedraitis (13), Butkevicius (2), Manek (17), Lavrinovicius (2).
Epaileak: Piotr Pastusiak (Polonia), Marcin Kowalski (Polonia), eta Adar Peer (Israel). Moneke kanporatu dute falta pertsonalengatik.
Zure interesekoa izan daiteke
Baskoniak Chris Duarte saskiratzailea sinatu du hurrengo bi denboraldietarako
Talde gasteiztarrak ere agur esan dio ostiral honetan Tim Luwawu-Cabarroti, eta horrek esan nahi du ez duela tanteo eskubidea baliatuko, jokalariak Real Madrilekin akordioa lortu ostean.
Kosner Baskoniak iragarri du Rafa Villarrek ez duela taldean jarraituko
Eskoltak denboraldi bat eman du euskal klubean. 2028ra arteko kontratua zuen, baina ez du jarraituko 2026-2027 denboraldian.
Baskonia-Alaves Taldeak Buesa Arena erosi nahi dio Arabako Foru Aldundiari
Operazioaren epeak eta zenbatekoak ez dituzte jakinarazi, baina Josean Querejeta taldeko presidenteak eta Ramiro Gonzalez ahaldun nagusiak salerosketa gauzatzeko borondate argia azaldu dute.
DJ Stewart, Kosner Baskoniaren lehen fitxaketa
Esloveniako Cedevita Olimpija taldetik dator, eta bi denboraldirako sinatu du.
Forrest, Nowell, Omoruyi, Radzevicius eta Edwardsek ez dute Baskonian jarraituko
Klubak "eskerrak eman dizkie guztiei izan duten konpromisoagatik eta profesionaltasunagatik".
Pablo Pinek entrenatzaile laguntzaile gisa jarraituko du Kosner Baskoniaren aulkian 2027ra arte
Granadako prestatzaileak laguntzaile gisa lur hartu zuen iragan denboraldian, Gasteizen. Baskoniaren hitzetan, lehentasuna izan da "aulkietan eskarmetu handia" duen lantaldeari eustea.
Felix Fernandezek baieztatu egin du Galbiatik eta Spagnolok taldean jarraituko dutela, Forrestek alde egingo duela eta Cabarrotekin negoziatzen ari direla
Bestalde, Bartzelonak Xevi Pujol idazkari teknikoa fitxatzeko agertu duen interesa "lehia bidegabetzat" jo du Kosner Baskoniaren kirol zuzendariak, "unea egokia ez" delakoan, ACB ligako garaikurra lortzeko play-offa jokatu aurretik izan delako.
Kobi Simmonsek Kosner Baskonian jarraituko du 2028ra arte
Joko-antolatzaile estatubatuarrak denboraldi ona egin du, eta Arabako hiriburuan jarraitzeko aukera eman dio horrek. "Gasteizera iritsi zenetik ezin hobeto egokitu da taldera, eta zaleei gau bikainak eskaini dizkie", azaldu du Baskoniak.
Galbiati: “Nire bizitzako denboraldirik zailena izan da"
Paolo Galbiati Kosner Baskoniako entrenatzaileak aitortu duenez, Endesa Ligako play-offetan Asisa Joventuten aurka galdu ostean, bere bizitzako "denboraldirik zailena" izan da.
Kosner Baskonia Asisa Joventut final-laurdenetako play-offeko hirugarren partidaren laburpena (88-96)
Kosner Baskoniak porrot gogorra jaso du Asisa Joventuten aurka igande honetan (88-96), eta Endesa Ligako play-offetatik kanpo geratu da. Ikusi hemen partidaren laburpena.