Baskoniak bolada txarra moztu du, Bayerni irabazita
Bitci Baskoniak irabazi egin du Bayern Munichen aurka (76-81) ostegun honetan Alemanian jokatu duen Euroligako 17. jardunaldiko partida. Bolada txarra moztea lortu du Arabako taldeak, azken bi norgehiagokak galdu egin baitzituen Istanbulen.
Etxeko taldeak indartsu ekin dio neurketari (5-0), baina Baskoniak azkar erantzun du (5-5). Ondoren, Bayernek lau puntuko abantaila eskuratu du (9-5), eta Arabako taldea lehia berdintzeko gai izan da (9-9) partidako bosgarren minutuan. Berdinketa erdietsi ostean, nagusi izan da Baskonia, zuloa ireki du markagailuan, eta 12 puntuko errenta bereganatu du lehen hamar minutuen amaieran (13-25).
Bigarren laurdenaren hasieran ondo ibili da Gasteizko taldea. Spahijak zuzentzen dituen mutilek 14 puntuko abantaila izan dute (13-27), baina Bayern aldeak murrizten hasi da, eta emaitza estutu du hiru puntura gerturatuta (37-40), laurdena amaitzeko bi minutu t'erdi geratzen zirenean. Lehen laurdenean Baskoniak izan duen 12 puntuko abantaila lau puntuko errentan geratu da neurketa atsedenaldira iritsi denean (42-46).
Atsedenaldia ondo etorri zaio Bitci Baskoniari, Arabako taldea nagusi izan baita hirugarren laurdenean. Defentsa sendotu du, eta Bayerni gehiago kostatu zaio saskiratzeak lortzea. Pixkanaka, Baskonia abantaila handitzen joan da, eta hamabi puntuko errenta lortu du (55-67) azken laurdenari ekiteko.
Kontrolpean izan du partida Baskoniak laugarren laurdenean. Hala ere, Bayernek emaitza estutu du azken txanpan, amaierarako bi minutu falta zirenean desabantaila zortzi puntura murriztuta (69-77). Baskonia ez da urduri jarri, ondo kudeatu ditu azken baloi-jabetzak, eta garaipena lortu du (76-81).
Fitxa teknikoa:
Bayern Munich: Walden (3), Weiler-Babb (6), Thomas (12), Rubit (4) eta Lucic (12) --hasierako taldea--; KC Rivers (16), Hunter (10), Jaramaz (10), George (-), Obst (3) eta Sisko (-) .
Bitci Baskonia: Granger (4), Baldwin IV (30), Marinkovic (6), Costello (23) eta Enoch (2) --hasierako taldea- Peters (7), Kurucs (-) eta Nnoko (9).
Partzialak 13-25, 29-21, 13-21, 21-14.
Epaileak: Jovcic, Rocha eta Sukys. KC Rivers (Bayern); Nnoko (Baskonia) eta Enoch (Baskonia) jokalariak kanporatu dituzte.
Zure interesekoa izan daiteke
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.
Kosner Baskoniak porrot batekin esan dio agur Euroligari Belgraden (91-79)
Arabarrek bolada onari amaiera eman diote azken jardunaldian, Partizani egindako bisitan galdu dute. Hala ere, dagoeneko ez zuten ezer jokoan.
?fmt=webp-alpha&qlt=80)
Kosner Baskoniak Belgraden, Partizanen aurka, emango dio buru 2025-2026 Euroligako bere ibilbideari
Paolo Galbiatiren taldeak ezin izan du Euroligara eraman beste txapelketetan egiten ari den denboraldi bikaina. Gasteizko taldeak aldi bakarrean garaipena lortu duen kantxa batean (2002) irabaztea bilatuko du.