Neven Spahijak Dusko Ivanovic ordezkatuko du Baskonian
Saski Baskoniak erabaki du Dusko Ivanovic entrenatzailearekin zuen kontratua bertan behera uztea eta Radio Vitoriak aurreratu duen bezala bere ordezkoa Neven Spahija izango da. 2007an heldu zez Gasteizera eta bere lehen denboraldian ACBko Liga eta Superkopa irabazi zituen; gainera Erregeko Kopako eta Lauko Finalerako txartelak erdietsi zituen taldeak.
Taldearen emaitzen bolada txarraren ondorioz. "Taldeak ez du jokalariei aurreikusten zaien errendimendua eskaintzen, ezta taldearen ezaugarri izan den etengabeko borroka jarrera ere", adierazi dute taldeko arduradunek webgunean argitaratutako ohar batean.
Baskoniak bere webgunean jakinarazi duenez, entrenatzaile berria astelehen honetako iluntzean helduko da Gasteizera eta asteartean aurkeztuko dute Buesa Arenan, 10:00etan, Bitci Baskoniak 20:30ean Buesa Arenan Izar Gorriaren aurka jokatuko duen partida zuzendu aurretik.
Horregatik, "entitateko arduradun nagusien betebeharra da erabakiak hartzea, talde honek eskaini behar duen lehiakortasuna berreskuratzeko eta jokalariengan identifikatuta egotea merezi duen zaleari ilusioa pizteko", gaineratu dute.
Denboraldiaren egoera ez dela erraza izan aitortu dute, taldeko erreferente izango diren kide berriak iritsi baitira, eta jokalari garrantzitsuen lesioek, nazioarteko hitzorduen egutegiek (Olinpiar Jokoak eta Afrobasket) eta Euroligaren eta ACBren datek zaildu egin baitute jokalari guztiak taldera egokitzea. Edonola ere, emaitzak ez direla espero bezalakoak izan nabarmendu dute, eta "erabaki zail hori" dakartela berekin.
Baskoniak "bihotzez" eskertu dio Dusko Ivanovici Gasteizen egindako lana, berarekin lortu baitira klubaren arrakasta gehienak, tartean duela 18 hilabete eskas lorturiko Endesa Liga. Gainera, errespetu eta maitasun pertsonaleko harreman berezia sortu dela azpimarratu dute. "Montenegroko prestatzailearen figurak, beste teknikari eta jokalari batzuenak bezala, klub honen historia arrakastatsua eratzen lagundu du", adierazi dute Gasteizko taldeko arduradunek.
Erabakiarekin, "kohesio handiagoa" bilatzen da, jokalari guztien errendimendurik onena lortzeko, eta "ezinbestekotzat" jo dute "Baskonian inplikatuta gauden guztiok, klubak, zaleek, teknikariek eta jokalariek, bat eginda egotea eta ahalik eta gehien ematea, ahalik eta ahalegin handiena egiteko eta Baskoniaren izaera berreskuratzeko".
2000tik ibilbidea
Baskonia: 2000-2005
FC Bartzelona: 2005-2008
Baskonia: 2008-2012
Bosnia: 2014-2015
Panathinaikos: 2014-2015
KK Buducnost: 2015.
BK Jimki: 2016-2017
Besiktas: 2018-2019
Baskonia: 2019- 2021
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.